Airbnb Twieġeb: Pariri biex tikseb iktar bookings
Staqsejtuna: X'nistgħu nagħmlu biex niksbu iktar bookings?
Morna dritt għas-sors biex insibu t-tweġiba: Staqsejna lill-klijenti x'ifittxu fiż-żjarat ta' Airbnb u studjajna l-imġiba tal-ibbukkjar tagħhom biex insiru nafu x'iwassalhom jibbukkjaw wara li jkunu sabu l-listings.
Sibna li wara l-prezz u r-reviews, ir-ritratti huma l-aktar fattur importanti. Fil-fatt, 60% tad-drabi li l-listing tiegħek jintwera jibdew meta klijent jikklikkja fuq ritratt, u aktar minn 40% tad-drabi meta klijent jagħżel li ma jibbukkjax listing, l-aħħar ħaġa li jkun ikklikkja fuqha tkun ritratt. Għalhekk, ir-ritratti huma importanti u għandhom ikunu tal-aqwa kwalità possibbli.
Ibda billi tieħu ritratti tajbin ħafna bil-mowbajl jew bil-kamera tiegħek, jew jekk int lest/a biex ittejjeb il-livell tal-listing (u n-numru tal-bookings) tiegħek, nissuġġerulek li tqabbad fotografu professjonali.
Innutajna li t-teħid ta' ritratti professjonali jista' jgħin biex il-listing tiegħek jispikka iktar u jikseb iktar bookings. Tista' tistenna li tara:
- Żieda ta' 16% fil-probabbiltà li tikseb booking
- Żieda ta' 39% fil-valur tal-bookings (jiġifieri bookings ta' żjarat itwal)
- Żieda ta' 28% fin-numru ta' ljieli bbukkjati
- Żieda ta' 26% fil-prezz medju ta' kull lejl
Kif ħafna minnkom diġà jafu, Airbnb tista' tqabbdek ma' fotografi professjonali f'postijiet madwar id-dinja kollha. Inti tista' titlob sessjoni tat-teħid tar-ritratti mingħajr ma tħallas għaliha minn qabel; it-tariffa tas-servizz innaqsuha mill-ħlasijiet tal-bookings li tikseb fil-ġejjieni.
Jekk is-servizz tal-fotografija professjonali ta' Airbnb mhux disponibbli fiż-żona tiegħek, nissuġġerulek li tqabbad fotografu li jispeċjalizza fl-ispazji ta' ġewwa.
Wara li jkollok ritratti li verament jagħtu idea tajba tal-post tiegħek, ikun wasal iż-żmien li tagħti iktar kuntest lill-klijenti li qed jaħsbu biex jibbukkjaw miegħek. Ritratti mill-aqwa jeħtieġu captions mill-aqwa. Il-klijenti jaqrawhom. Il-captions jagħtuk l-opportunità li tagħmel żewġ affarijiet importanti: li tiffoka l-attenzjoni tal-klijenti li qed jitħajjru jibbukkjaw il-post tiegħek fuq il-vantaġġi uniċi tal-post tiegħek u tgħinhom jifhmu x'għandhom jistennew li jsibu. Allura turihomx biss sodda sabiħa, għidilhom ukoll kemm hi komda. Iddeskrivi dak li ma jistgħux jaraw—bħal pereżempju li l-madum tal-art tal-kamra tal-banju huwa msaħħan. Dan huwa ċ-ċans tiegħek biex tgħin lill-klijenti jimmaġinaw lilhom infushom fl-ispazju tiegħek.
Meta tinvesti ftit ħin biex turi u tispjega lill-vjaġġaturi kemm hu sabiħ il-post tiegħek, se żżid iktar l-interess. Il-fatt li tqis kull dettall tal-listing onlajn tiegħek juri li se tkun Host li tagħti kas dawk id-dettalji żgħar li jagħmlu differenza għall-klijenti.
L-informazzjoni li tinsab f'dal-artiklu jaf laħqet inbidlet minn meta ġie ppubblikat.