Għotja mingħand Airbnb tgħin fil-bini ta' djar għall-but ta' kulħadd ġewwa l-Kanada
Punti ewlenin
Kull sena l-Klabbs tal-Hosts jinnominaw għaqdiet mingħajr skop ta' qligħ li jemmnu li għandhom jingħataw għotja mill-Fond tal-Komunità ta' Airbnb.
Sa tmiem l-2030, Airbnb se tqassam $100 miljun USD lil għaqdiet minn madwar id-dinja kollha.
Issa qed naċċettaw in-nominazzjonijiet tal-2024 għall-Fond tal-Komunità.
Għalkemm Charlie ilu jilqa' n-nies fil-provinċja Kanadiża ta' Prince Edward Island għal sentejn, il-ħidma tiegħu mal-komunità bdiet ħafna qabel. Matul it-trobbija tiegħu, Charlie u ommu ħadmu mal-għaqda mingħajr skop ta' qligħ Habitat for Humanity biex jibnu għadd ta' djar. Il-volontarjat u l-ħidma bl-idejn ħallew impatt kbir fuqu.
Illum Charlie għadu jagħti sehmu ma' Habitat for Humanity New Brunswick biex jgħin lill-familji tal-post jibnu jew itejbu djarhom. Sidien id-djar jagħtu sehemhom fil-bini flimkien mal-volontarji. Meta l-proġett jintemm, mhux biss ikollhom post fejn joqogħdu imma jkunu jistgħu jissellfu l-flus b'rata tal-imgħax irħas.
"Meta rajt il-bidliet kbar li Habitat kellha fuq il-familji u l-komunitajiet, stajt nifhem aħjar l-għan tagħha u ngħin għaqdiet bħalha li qed jagħmlu ħafna ġid," jgħidilna.
Charlie, Mexxej tal-Komunità tal-Klabb tal-Hosts ta' New Brunswick u Prince Edward Island, innomina lill-fergħa lokali ta' Habitat for Humanity għall-għotja mill-Fond tal-Komunità ta' Airbnb. Kull sena l-Klabbs tal-Hosts jingħataw l-opportunità li jgħinu lill-komunità tagħhom grazzi għall-Fond tal-Komunità.
Kif il-Klabbs tal-Hosts qed jgħinu lill-komunitajiet tagħhom
Habitat for Humanity New Brunswick ingħatat għotja ta' $75,000 USD mill-Fond tal-Komunità ta' Airbnb biex tkun tista' tlesti x-xogħol fuq ħmistax-il dar għall-familji taż-żona.
"Fi żmien sentejn se nirduppjaw, fil-veru sens tal-kelma, l-għadd ta' djar li bnejna," jgħid Perry Kendall, CEO ta' Habitat for Humanity New Brunswick.
L-effett ta' dil-għotja u l-ħidma ta' Habitat for Humanity imorru lil hinn mill-binja tad-dar. Perry jgħid li meta bniedem jikseb dar sigura fejn joqgħod, jingħaddu għadd ta' kisbiet importanti. Skont Perry, ħafna drabi l-edukazzjoni tat-tfal titjieb u l-ġenituri wkoll jaraw titjib fil-kundizzjonijiet tax-xogħol.
Fl-2023 iktar minn 50 Klabb tal-Hosts innominaw għaqdiet mingħajr skop ta' qligħ minn madwar id-dinja biex jingħataw għotjiet mill-Fond tal-Komunità ta' Airbnb. Issa qed naċċettaw in-nominazzjonijiet għad-donazzjonijiet tal-2024 mill-Fond tal-Komunità. Kellem lill-Klabb tal-Hosts tiegħek għal iktar dettalji.
Ingħaqad ma' Klabb tal-Hosts lokali biex tgħin tagħti xi ħaġa lura
L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.
Punti ewlenin
Kull sena l-Klabbs tal-Hosts jinnominaw għaqdiet mingħajr skop ta' qligħ li jemmnu li għandhom jingħataw għotja mill-Fond tal-Komunità ta' Airbnb.
Sa tmiem l-2030, Airbnb se tqassam $100 miljun USD lil għaqdiet minn madwar id-dinja kollha.
Issa qed naċċettaw in-nominazzjonijiet tal-2024 għall-Fond tal-Komunità.