L-iktar destinazzjonijiet popolari fuq Airbnb bħalissa

Airbnb qed tistenna li jkollha iktar minn 300 miljun checkin madwar id-dinja dis-sena. Imma l-iktar postijiet imfittxija mill-klijenti għal Ġunju, Lulju u Awwissu fl-ewwel tliet xhur tas-sena jafu ma jkunux dawk li jiġuk f'moħħok. L-iktar destinazzjonijiet popolari jitqiesu skont dawk il-postijiet li raw l-ikbar tkabbir fit-tiftix meta mqabbla mas-sena ta' qabel.

L-iktar destinazzjonijiet internazzjonali popolari jinsabu f'erba' kontinenti u kienu:

1. Kuta Utara, Bali

2. Ksamil, l-Albanija

3. Barċellona, Spanja

4. Londra, l-Ingilterra

5. Gotland, L-Iżvezja

6. Louisville, Kentucky, l-Istati Uniti tal-Amerka

7. Ruma, l-Italja

8. Rouen, Franza

9. Marrakesh, il-Marokk

10. Grindelwald, l-Iżvizzera

Il-vjaġġaturi ġewwa l-Istati Uniti tal-Amerka qed ifittxu x-xemx u r-ramel—għalkemm kellna xi stati li ma jmissux mal-baħar li kienu popolari wkoll. L-iktar destinazzjonijiet popolari ġewwa l-Istati Uniti tal-Amerka kienu:

1. Louisville, Kentucky

2. Laconia, New Hampshire

3. Lexington, Kentucky

4. Pittsburgh, Pennsylvania

5. Panama City, Florida

6. Milwaukee, Wisconsin

7. Surf City, New Jersey

8. Bolivar Peninsula, Texas

9. Kansas City, Missouri

10. North Topsail Beach, North Carolina

Il-vjaġġaturi Amerikani wkoll qed ifittxu li jsiefru barra l-pajjiż. L-iktar postijiet imfittxija kienu:

1. Mykonos, il-Greċja

2. Niagara Falls, il-Kanada

3. Interlaken, l-Iżvizzera

4. Amalfi, l-Italja

5. Firenze, l-Italja

6. Bangkok, it-Tajlandja

7. Sorrento, l-Italja

8. Toronto, il-Kanada

9. Rio de Janeiro, il-Brażil

10. Banff, il-Kanada

L-iktar ħames destinazzjonijiet li raw żieda fil-bookings tal-kmamar privati bejn l-1 ta' April 2022 u l-31 ta' Marzu 2023 meta mqabbla ma' sena qabel kienu:

1. Mapo-gu, Seoul, il-Korea

2. Melbourne, l-Awstralja

3. Varsavja, il-Polonja

4. Sydney, l-Awstralja

5. Firenze, l-Italja

Jekk inzertajt qed tilqa' n-nies f'waħda minn dawn id-destinazzjonijiet, hemm ftit bidliet li tista' tagħmel biex tħejji ruħek għall-iktar żmien tas-sena popolari. U jekk le, forsi did-dejta tista' tagħtik xi ideat fuq kif ittejjeb il-listing tiegħek.

Jekk pereżempju għandek pixxina, nissuġġerulek tibdel ir-ritratt tal-qoxra għal ritratti li jiffoka fuqha. Jekk il-post jinsab qrib mogħdijiet tajbin ħafna għall-mixi, ma tagħmilx ħażin li ssemmi dil-ħaġa fl-isem jew fid-deskrizzjoni tal-listing tiegħek.

L-iktar Kategoriji ta' Airbnb ibbukkjati madwar id-dinja kollha bejn Mejju 2022 u Marzu 2023 kienu Qrib il-bajja, Pixxini sbieħ, Popolari, Bliet ikoniċi u Parks Nazzjonali. Dan jurina li l-klijenti qed ifittxu x-xemx, il-veduti u l-mixjiet fit-tul. Anki jekk il-post tiegħek mhux f'xi waħda minn dal-listing, tista' tuża dil-informazzjoni biex issemmi l-karatteristiċi tal-post tiegħek li jafu jkunu qrib dawn ix-xejriet.

Tinsab fejn tinsab madwar id-dinja, int parti minn komunità li toffri esperjenza unika lill-klijenti li jistgħu jsibuha biss fuq Airbnb. Fi sħarriġ li wettaqna dal-aħħar madwar id-dinja ma' 19,000 klijent u Host, iktar minn 60 fil-mija qalulna li jaħsbu li meta jibbukkjaw ma' Airbnb, iħossuhom eqreb lejn il-kultura tal-post milli meta jibbukkjaw lukanda jew resort.

L-informazzjoni f'dal-artiklu jaf laħqet inbidlet minn meta ġie ppubblikat.