Kif tagħżel kemm-il persuna tista' toqgħod fil-post tiegħek

Ipprova dal-pariri biex tifhem kemm jistgħu joqogħdu nies komdi fl-ispazju tiegħek.
Minn Airbnb f'did-data: 14 ta’ Lul 2022
2 minuti biex taqrah
Aġġornat f'did-data: 16 ta’ Nov 2022

Waħda mill-ewwel affarijiet li jkunu jixtiequ jafu dwar post in-nies li jkunu jixtiequ jibbukkjawh hija kemm ikun kbir. Meta ssemmi n-numru ta' klijenti li tista' tilqa' u n-numru ta' sodod, kmamar tas-sodda u kmamar tal-banju disponibbli, tista' tgħin lin-nies jiddeċiedu jekk l-ispazju tiegħek jgħoddx għalihom jew le.

Wara li tippubblika l-listing tiegħek se tkun tista' tagħti iktar dettalji, fosthom it-tipi ta' sodod u l-kumditajiet li l-klijenti se jkunu jistgħu jsibu f'kull kamra tas-sodda (pereżempju spallieri u mħaded żejda). Għalissa tista' tiffoka biss fuq kemm tixtieq tilqa' klijenti fl-ispazju tiegħek.

Jekk ma tafx eżatt, imxi ma' dal-pariri:

  • Għodd in-numru ta' sodod li għandek. Kemm jistgħu jorqdu nies komdi f'kull sodda?
  • Għodd in-numru ta' kmamar tal-banju li għandek. Kemm taħseb li jifilħu nies b'mod li kulħadd ikun komdu?
  • Agħżel dak in-numru ta' klijenti li taħseb li huwa addattat għall-post. Anke jekk fil-post jistgħu jorqdu numru partikolari ta' nies, ma jfissirx li għandek bilfors tilqa' daqshekk nies.
  • Evita li tagħti sorpriżi koroh lill-klijenti. Jekk qed tgħodd is-sufanijiet, il-futons, is-saqqijiet tal-arja jew affarijiet oħra bħalhom bħala sodod, matul wieħed mill-passi li jmiss, ara li ssemmi x'tip ta' postijiet tal-irqad qed toffri int u tiddeskrivi l-post jew tikteb il-captions għar-ritratti tiegħek. Tagħmel tajjeb issemmi wkoll għandekx xi benniena jew bunk bed.
  • Tissoponi xejn. Żewġ persuni li jkunu qed jivvjaġġaw flimkien mhux bilfors beħsiebhom jorqdu flimkien fl-istess sodda.

Meta tlesti uża l-buttuni + u - biex tagħżel l-ikbar numru ta' klijenti li tista' taċċetta u semmi kemm hemm sodod, kmamar tas-sodda u kmamar tal-banju disponibbli fil-post tiegħek. L-għadd tan-numru tal-kmamar tal-banju jħallik tgħodd anki l-kmamar tal-banju mingħajr doċċa/banju.

Żomm f'moħħok li jekk is-sitwazzjoni tinbidel, dejjem se tkun tista' tibdel id-dettalji bħalma huma n-numru tal-kmamar tas-sodda u tal-klijenti li tista' taċċetta.

L-informazzjoni li tinsab f'dal-artiklu jaf laħqet inbidlet minn meta ġie ppubblikat.
Airbnb
14 ta’ Lul 2022
Dan kien ta' għajnuna għalik?