Skopri d-dashboard tal-Co-Hosts tiegħek

Wara li tinkiteb mal-pjatatforma tas-servizzi tal-Co-Hosts b'esperjenza u toħloq il-profil tiegħek, ikun wasal iż-żmien li taħdem mal-Hosts li jeħtieġu l-għajnuna tiegħek. Il-Hosts b'listings fil-qrib jistgħu jsibuk billi jdaħħlu l-indirizz tal-listing tiegħek fuq il-paġna ewlenija tal-portal tal-Co-Hosts b'esperjenza. It-talbiet li tirċievi se jintwerew fid-dashboard tiegħek.

Id-dashboard tiegħek għandha żewġ tabs:

• Tab bis-settings fejn tista' tagħmel xi bidliet fil-profil tiegħek

• Tab bit-talbiet fejn tista' żżomm kont tal-Hosts li jafu jkunu jixtiequ jaħdmu miegħek

Fit-tab bit-talbiet tista' ssib ukoll il-Hosts li ltqajt magħhom barra mill-pjattaforma tas-servizzi tal-Co-Hosts b'esperjenza. Hekk kif iżżid dix-xorta ta' Host mal-profil tiegħek, se tkun tista' tuża d-dashboard tiegħek biex tifhem fejn wasal.

Biex toffri ospitalità tal-aqwa kwalità fuq Airbnb, importanti li twieġeb il-messaġġi tal-klijenti mill-iktar fis. Bħala Co-Host b'esperjenza, l-istess jgħodd għat-talbiet li jibagħtulek il-Hosts. Meta twieġeb malajr tkun qed turi li l-Hosts se jkunu jistgħu jsibuk meta jkunu jeħtieġu jikkuntattjawk.

Meta tirċievi talba se ssib isem il-Host, l-indirizz tal-listing, in-numru tal-mowbajl u l-indirizz tal-email tal-Host u d-data u l-istatus tat-talba fit-tab tat-talbiet tiegħek. Fost l-istatuses li jista' jkollha talba hemm:

• Ġdida: Fejn il-Host jistaqsik tixtieqx taħdem miegħu

• Miftuħa: Għadek qed tipprova tilħaq ftehim mal-Host biex taħdmu flimkien

• Mitlufa: Il-Host għażel li ma jaħdimx miegħek

• Miċħuda: Għażilt li ma taħdimx mal-Host

• Mirbuħa: Int u l-Host għażiltu li taħdmu flimkien

Meta Host jibgħatlek stedina biex tkun Co-Host, dil-istedina se tidħollok fl-inbox ta' Airbnb. Se nagħtuk l-għażla li taċċetta jew tiċħad l-istedina tal-Host. Jekk taċċetta, l-istatus fid-dashboard tiegħek se jinbidel għal Mirbuħa awtomatikament. Jekk tiċħadha, l-istatus se jinbidel għal Miċħuda.

Meta tibda titħaddet ma' Host, tista' tipprova tilħaq ftehim ta' sħubija u taqsam miegħu għaliex int il-bniedem/bniedma addattata biex tgħinu jilqa' n-nies fil-post tiegħu.

"Lill-Host li nkunu nixtiequ naħdmu miegħu nagħtuh ħarsa ġenerali lejn kif naħdmu—kif nilqgħu l-klijenti, kif innaddfu u x-xogħol ta' żamma li nagħmlu," jgħidu Clarysse u Arthur, Co-Hosts b'esperjenza ġewwa Pariġi. "Nuruh ukoll listing li nieħdu ħsieb fuq il-pjattaforma ta' Airbnb biex b'hekk ikun jista' jifhem aħjar kif naħdmu u nħajruh jaħdem magħna."

Jekk diġà qed tgħin lil Hosts oħra jilqgħu n-nies nissuġġerulek tistaqsihom jistgħux jaqsmu l-esperjenzi tagħhom ma' ħaddieħor jekk titlobhom. Sandra u Jimmy, Co-Hosts b'esperjenza ġewwa Combs-la-Ville, Franza ħafna drabi hekk jagħmlu.

"Għalkemm nistgħu biss nispjegaw is-servizz tagħna fid-dettall u nuru l-listings li nieħdu ħsieb, ikun ħafna aħjar meta l-klijenti li naħdmu magħhom jissuġġerixxu s-servizzi tagħna," jgħid Jimmy. "Dil-ħaġa żżid bil-kbir il-probabbiltà li Host jagħżel li jaħdem magħna."

Sabrina, Co-Host b'eserpejnza ġewwa Denver, Colorado, tgħid li għaliha importanti ferm li s-servizzi tagħha "jkunu jgħoddu għall-Host". Meta tiltaqa' ma' Host ġdid tgħidilna, "Nitkixxef kemm nista' dwar il-propjetà tiegħu, il-ħin li jixtieq iqatta' jilqa' n-nies u kemm qed jistenna li jdaħħal jew ngħinu jifhem kemm jista' jdaħħal flus mill-propjetà tiegħu".

Jimmy, Co-Host b'esperjenza ġewwa Palm Springs, California jaħsibha l-istess. "Ma naħdimx ma' kulħadd għax il-bogħod u l-kwalità huma importanti ħafna għalija," jgħidilna. "U iktar minn hekk, naħdem biss mal-Hosts li naf li nista' mmur tajjeb magħhom."

L-informazzjoni f'dal-artiklu jaf laħqet inbidlet minn meta ġie ppubblikat.