Ikseb għajnuna malajr mingħand l-esperti grazzi għall-għajnuna apposta għas-Superhosts

Smajna l-ħsibijiet tal-iktar Hosts ta' esperjenza li qalulna li għalihom il-fatt li jistgħu jsolvu l-problemi malajr mal-Għajnuna lill-Klijenti huwa ta' importanza kruċjali biex ikunu jistgħu jkomplu joffru standards għolja. Huwa għalhekk li qed nerġgħu ninvestu f'għajnuna apposta għas-Superhosts—biex tkunlek iktar faċli tikseb l-għajnuna li teħtieġ meta l-iktar tkun teħtieġha.

Għajnuna apposta għas-Superhosts jiġifieri aċċess esklussiv għall-ħaddiema tal-għajnuna lill-klijenti esperti tagħna li se jieħdu ħsieb il-problema tiegħek malajr u b'ħila kbira mingħajr il-ħtieġa li joqogħdu jgħaddu l-każ tiegħek bejn tim u ieħor. Qed inniedu dil-faċilità pass pass u sal-aħħar tas-sena s-Superhosts kollha se jkunu kisbu aċċess għal għajnuna apposta għalihom.

Nafu li għandek ħafna fuq moħħok bħala Superhost—għalhekk meta ċċempel biex titlob l-għajnuna qed tfittex li titkellem ma' persuna esperta li tista' tgħinek malajr. Meta l-għajnuna apposta għas-Superhost issir disponibbli fiż-żona tiegħek, aħna se nibdew inqabbduk direttament ma' ħaddiem tal-għajnuna lill-klijenti espert li jista' jagħtik l-għajnuna meta l-iktar tkun teħtieġha.

Il-ħaddiema li jaħdmu fit-tim tal-għajnuna apposta għas-Superhosts għandhom l-awtorità li jsolvu kważi l-problemi kollha mingħajr ma jgħaddu t-telefonata tiegħek lil xi ħadd b'awtorità ikbar (ħlief għal każijiet fejn ikun hemm problemi bis-sigurtà jew meta tkun qed issir talba tal-assigurazzjoni—dawk il-każijiet jieħdu ħsiebhom timijiet apposta). Dil-ħaġa tfisser li se titkellem ma' xi ħadd li jista' jgħinek minnufih u jsib soluzzjoni għall-problema tiegħek—mingħajr il-frustrazzjoni li noqogħdu ngħaddu l-problema tiegħek bejn tim u ieħor.

Grazzi għall-għajnuna apposta għas-Superhosts, se nqabbduk awtomatikament ma' ħaddiem tal-għajnuna lill-klijenti—u jekk titkellem bl-Ingliż, bl-Ispanjol, bil-Franċiż, bil-Portugiż, bit-Taljan jew bil-Ġermaniż, dawn se jitkellmu l-lingwa tiegħek. L-istess jekk tippreferi tibgħatilna messaġġ: Jekk titkellem waħda minn dawk is-sitt lingwi se tikseb tweġiba mingħand membru tat-tim tal-għajnuna apposta għas-Superhosts li jitkellem il-lingwa tiegħek—l-ebda tweġibiet awtomatiċi jew tradotti.

Superhosts bħalek huma s-sisien tal-komunità tal-Hosts ta' Airbnb—il-klijenti jħobbukom u tagħtu eżempju lill-Hosts il-ġodda. Qed inniedu dil-faċilità biex nuruk kemm int importanti għalina u nisperaw li dil-ħaġa tagħmel l-esperjenza tiegħek bħala Superhost ħarira isbaħ (u eħfef!).

Wara li tkun ippruvajtha, jekk jogħġbok aqsam il-ħsibijiet u l-kummenti tiegħek magħna biex inkunu nistgħu nkomplu ntejbuha. Airbnb ma kinetx tkun li hi mingħajr is-Superhosts u għalhekk qed naħdmu qatigħ biex inkomplu nsibu modi ġodda kif nissieħbu ma' Superhosts bħalek u noħolqu komunità tal-ospitalità aħjar.