Kif ittejjeb il-ħidma tiegħek

Il-ħidma tal-ospitalità tieħu l-ħin—imma la tibda tingrana, tista' ttejjeb ħafna mill-ħidma tiegħek. B'hekk tkun tista' toħloq esperjenza li l-klijenti jibqgħu jiftakru.

Rutina għat-tindif tista' tagħmilhielek eħfef tħejji l-post għall-klijenti li jmiss.

• Nissuġġerulek tqabbad bniedem professjonali biex inaddaflek il-post biex ikollok dejjem l-istess standards tal-indafa.
• Agħżel lożor, investi u xugamani bi lwien li jixtiebhu biex tkun tista' taħsilhom f'daqqa.
• Żomm sett lożor, investi u xugamani żejda biex tkun tista' tużah jekk ikollok checkin eżatt wara ċ-checkout ta' qabel.
• Aħseb biex tagħmel tindifa fil-fond ta' sikwit biex it-tindif bejn żjara u oħra jkun eħfef.
• Agħmel ordni biex iġibulek il-prodotti għat-tindif u l-prodotti essenzjali l-oħra bħat-toilet paper u s-sapun kull tant żmien. B'hekk tiffranka l-ħin u tnaqqas ir-riskju li jispiċċawlek il-prodotti.
• Ixtri bl-ingrossa biex taħżen biżżejjed minn dawk il-prodotti li int u l-klijenti tużaw l-iktar, bħax-shampoo u l-conditioner.

M'għandekx għalfejn taħli ħafna ħin twieġeb il-messaġġi tal-klijenti. L-għodod ta' Airbnb jistgħu jagħmluhielek eħfef li tikkomunika mal-klijenti.

• Niżżel l-app ta' Airbnb biex twieġeb minnufih. Ħallina nibagħtulek in-notifiki push u żomm it-tagħmir tiegħek fil-qrib bil-ħsejjes mixgħulin.
• Uża l-messaġġi awtomatiċi biex taqsam xi dettalji meta l-klijenti l-iktar jafu jeħtiġuhom, bħal ngħidu aħna, biex tikkonferma li l-klijenti għandhom l-istruzzjonijiet taċ-checkin jum qabel ikunu mistennija jaslu.
• Ħejji t-tweġibiet ta' malajr biex tkun tista' twieġeb xi mistoqsijiet li jsiru ta' sikwit iktar malajr bit-tweġibiet li tkun ktibt minn qabel. It-tab Messaġġi se tissuġġerilek awtomatikament liema mit-tweġibiet ta' malajr tiegħek jafu jgħoddu l-iktar għal dik it-taħdita.

Checkin eħfef jista' jgħin biex il-klijenti tiegħek iħossuhom milqugħin. Nissuġġerulek iżżid Co-Host biex jgħinek tieħu ħsieb il-listing u l-bookings tiegħek.

• Uża l-Gwida tal-Wasla mit-tab Listings biex tagħti dettalji importanti bħall-metodu u l-ħin taċ-checkin, id-direzzjonijiet, l-informazzjoni dwar id-dar u l-password tal-wifi.
• Agħżel is-self checkin—bħal keypads, serraturi intelliġenti jew lockboxes—biex tiffranka l-ħin u tagħti flessibbiltà ikbar lill-klijenti.
• Agħti l-informazzjoni dwar id-dar biex taqsam l-istruzzjonijiet, bħal kif tuża l-kumditajiet jew kif taqbad mal-wifi.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.