Kif tagħżel il-prezz ta' kull lejl għal-listing tiegħek

Bħala Host, il-prezz ta' kull lejl tal-listing tiegħek tiddeċidih int u tista' tibdlu meta trid. Jekk għadek ma tafx xi prezz għandek tibda titlob, tista' tuża l-prezz li ssuġġerejna għal-listing tiegħek.

Il-prezz li nissuġġerixxu jinħadem skont il-prezz li qed jintalab minn postijiet bħal tiegħek li qed jiksbu l-bookings fiż-żona tiegħek. Tista' tagħmel hekk jekk tixtieq tibdel il-prezz:

• Tuża l-buttuni "+" jew "-" biex tibdlu
• Tagħfas jew tikklikkja fuq il-kaxxa u ddaħħal prezz ġdid

Żomm f'moħħok li mal-prezz ta' kull lejl tiegħek, il-klijenti se jħallsu tariffi u taxxi oħra. Xi klijenti jafu joqogħdu lura milli jibbukkjaw postijiet li ma joffrux valur għal flushom jew li tant huma ġodda li għad m'għandhomx reviews.

Biex tħajjar l-ewwel ftit klijenti tiegħek, nissuġġerulek li għall-bidu titlob prezz irħas minn dak li tixtieq titlob is-soltu. Tista' tagħżel ukoll li toffri skont ta' 20% lill-ewwel tliet klijenti tiegħek biex tħajjar lin-nies jibbukkjaw il-post tiegħek.

Wara li tikseb ftit reviews tajbin tista' tqis li tgħolli l-prezz ta' kull lejl li titlob. Il-klijenti jafu jkunu lesti jħallsu iktar għal post fejn toqgħod li diġà għandu reviews tajbin mingħand klijenti oħra.

Wara li tippubblika l-listing tiegħek aħna se nagħtuk għodod tal-ospitalità li tista' tuża biex maż-żmien issib l-aħjar prezz għall-post tiegħek. Biex tieħu kemm tista' mid-domanda fiż-żona tiegħek, tista' wkoll titlob prezzijiet differenti għal dati partikolari—għal tmiem il-ġimgħa, għall-avvenimenti speċjali, għal żjarat itwal u iktar.