Kif tagħżel l-aqwa ritratti tal-ispazju tiegħek
Ir-ritratti jgħinu lill-klijenti jimmaġinaw lilhom infushom fl-ispazju tiegħek u jafu jħajruhom jiskopru iktar. Ir-ritratti li ttella' għandhom ikunu ritratti li jimpressjonaw lill-klijenti għax juru l-aqwa partijiet tal-ispazju tiegħek.
Għalkemm tista' tibda b'ħames ritratti biss, tista' ttella' iktar jekk tixtieq. Sakemm ir-ritratti meħuda bl-ismartphone tiegħek huma ċari u mdawla sew, tista' tuża lilhom.
Int u żżid ir-ritratti nissuġġerulek:
- Agħżel ritratti li juru l-istil tal-ispazju tiegħek. Din hija l-opportunità tiegħek biex turi lill-klijenti x'kapaċi joffri l-ispazju tiegħek. Ipprova agħżel l-isbaħ ritratti li juru l-aqwa affarijiet li joffri l-post tiegħek.
- Ara li r-ritratti tiegħek ikunu jistgħu jintużaw anke jekk jitqasqsu f'forma ta' kwadru u ara li żżomm is-suġġett tar-ritratt dejjem f'nofs l-istampa. Aħna se nqasqsuhom awtomatikament biex ikunu jistgħu jintużaw fir-riżultati tat-tiftix ta' Airbnb u fuq il-paġna tal-listing tiegħek.
- Ara li kull ritratt ikollu skop preċiż. Pereżempju tista' ttella' ritratti taż-żona tal-irqad (biex il-klijenti jifhmu d-daqs tal-kamra), ritratti ta' kif inhu mqassam l-ispazju tiegħek (turi kif il-kċina tagħti għas-salott), ritratti ta' affarijiet uniċi (id-disinn speċjali ta' saqajn il-banju jew il-kamra tal-logħob għat-tfal) u ritratti taż-żona fuq barra (terrazzin, żona għall-pikniks jew in-natura tal-madwar).
- Evita li tuża ritratti b'bidliet kbar. L-għan huwa li tagħti l-iktar stampa ċara tal-ispazju tiegħek.
L-għodda intelliġenti tagħna torganizza r-ritratti tiegħek awtomatikament skont il-kwalità u t-tip ta' kamra li juru. Tista' torganizza r-ritratti int stess billi tagħfas fuq jew tikklikkja fuq ritratt u tkaxkru f'post ieħor—anki jekk, għall-aqwa riżultati, dejjem nissuġġerulek tuża l-ordni li tissuġġerixxi l-għodda tagħna.
Wara li tippubblika l-listing, tista' żżid jew tibdel ir-ritratti tiegħek—tista' anki torganizza l-gallerija tar-ritratti f'dawra mal-post kamra kamra.
L-informazzjoni li tinsab f'dal-artiklu jaf laħqet inbidlet minn meta ġie ppubblikat.