Uża r-reviews tal-klijenti biex ittejjeb is-servizz

Ratings u reviews aqwa jistgħu jwasslu għal iktar bookings u dħul ikbar. Dan x'għandek tagħmel meta tikseb review u kif għandek tuża l-kummenti biex ittejjeb il-post tiegħek.

Uri lill-klijenti li lest/a ttejjeb is-servizz li tagħti billi titlobhom il-kummenti tagħhom.

• Ibgħat messaġġ awtomatiku eżatt wara ċ-checkout. Itlob lill-klijenti jaqsmu l-kummenti u l-ħsibijiet tagħhom miegħek, fosthom xi ideat fuq kif stajt tagħtihom esperjenza aqwa, b'messaġġ privat.

• Ikteb review dwar il-klijenti tiegħek. B'hekk tkun qed tfakkarhom jiktbulek review pubblika huma wkoll. Wara ċ-checkout se jkollkom 14-il jum biex tiktbu review għal xulxin.

Oħloq sistema ħafifa biex issib liema suġġerimenti għandek twettaq.

• Aqra kull review. Irringrazzja lill-klijenti għall-kummenti u l-ħsibijiet tagħhom u qis liema minnhom jagħmlu sens għall-ispazju u għas-sistema tiegħek u għall-klijenti l-oħra.
• Tinsiex ir-ratings bl-istilel. Il-klijenti jistgħu jagħtuk rating bl-istilel għal għadd ta' kategoriji u jistgħu jagħżlu minn lista ta' ħwejjeġ li marru tajjeb jew li setgħu marru aħjar. Ara tinnutax xi xejriet bħal, ngħidu aħna, li l-klijenti dejjem qed jilmentaw dwar "imbarazz żejjed" fir-rating tal-indafa jew "l-istruzzjonijiet ma kinux ċari" fir-rating taċ-checkin.

Dejjem tista' ttejjeb dak li tagħti lill-klijenti.

• Wieġeb ir-reviews. Meta l-klijenti jiktbulek xi suġġeriment, weġibhom, irringrazzjahom u qis il-ħsibijiet u l-kummenti li jkunu kitbulek. B'hekk turi li tagħti kas ta' x'qed jgħidulek. Jekk tkun qed twieġeb review pubblika, it-tweġiba tiegħek se tintwera taħt ir-review tal-klijent.
• Aħseb dejjem f'soluzzjoni. Meta tħabbat wiċċek ma' xi problema, ipprova ifhem x'seta' wassal għaliha u aħseb f'dak li tista' tikkontrolla. Jekk għandek kamra mudlama wisq, tista' ddawwalha b'lampi, bix-xtieli li ma jeħtiġux wisq dawl u bil-mirja.
• Aqsam il-ħsibijiet u l-kummenti ma' dawk li jgħinuk fil-post. Jaf ikollok tagħti iktar istruzzjonijiet lill-Co-Hosts u lil dawk li jnaddfulek il-post. Jekk, ngħidu aħna, il-klijenti qed jilmentaw li qed isibu l-frak tal-ikel fis-sufan, għaddi dak il-kumment lil min qed jgħinek tnaddaf.
• Ibdel l-listing tiegħek. Ir-reviews ħafna drabi jiddependu fuq kemm il-klijenti jsibu dak li kienu qed jistennew. Ara li l-kumditajiet, ir-ritratti u d-deskrizzjoni tal-listing jaqblu ma' dak li l-klijenti se jsibu fil-post.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.