Kif tiddikjara jekk intix Host privat jew Host professjonali fuq Airbnb
Biex timxi mal-liġijiet għall-ħarsien tal-konsumaturi tal-UE, Airbnb jeħtiġilha titlob lill-Hosts jiddikjaraw humiex Hosts privati jew Hosts professjonali. L-istatus tiegħek se jintwera fir-riżultati tat-tiftix u fuq il-listings tiegħek għall-klijenti fiż-Żona Ekonomika Ewropea (ŻEE). Dil-informazzjoni tgħinna wkoll nagħtuk il-faċilitajiet li jgħoddu għall-mod ta' kif tilqa' n-nies.
Kif tifhem jekk l-istatus tiegħek hux ta' Host privat jew Host professjonali
Airbnb mhix kapaċi jew mhix obbligata tifhem x'inhu l-istatus tiegħek bħala Host. Jekk tħoss li m'intix ċert/a dwar l-istatus tiegħek bħala Host, nissuġġerulek titlob parir ta' avukat jew xi espert legali ieħor.
Host Privat
Ħafna drabi titqies li qed tilqa' n-nies f'ismek jekk li tilqa' n-nies fuq Airbnb mhux il-professjoni ewlenija jew id-dħul ewlieni tiegħek (ngħidu aħna, qed tilqa' n-nies fuq Airbnb biex iddaħħal xi ħaġa tal-flus żejda jew il-post fejn toqgħod tiegħek ma jkunx disponibbli ta' sikwit fuq Airbnb).
Host Professjonali
Għalkemm fatturi oħra jafu jitqiesu aħna u nifhmu jekk intix taħdem bħal Host professjonali, inqisuk Host professjonali jekk:
- Qed tilqa' n-nies bħala negozju jekk li tilqa' n-nies fuq Airbnb hija l-professjoni ewlenija jew id-dħul ewlieni tiegħek jew jekk tagħmel parti minn negozju stabbilit, bħal ngħidu aħna boutique hotel jew kumpanija tal-amministrazzjoni tal-propjetà
- Qed toffri l-postijiet fejn toqgħod bħala kumpanija jew bħala sid uniku barra d-dinja diġitali, allura l-attivitajiet tal-ospitalità tiegħek fuq Airbnb wisq probabbli huma attività kummerċjali
- Qed tilqa' n-nies fuq Airbnb għal tul ta' żmien bl-għan li tagħmel profitt
- In-numru ta' postijiet fejn toqgħod u/jew Esperjenzi li toffri fuq Airbnb flimkien man-numru ta' bookings li tikseb jistgħu wkoll jagħtuk ħjiel ta' jekk titqiesx bħala negozju.
Kif tiddikjara l-istatus tiegħek bħala Host
Int u toħloq il-listing tiegħek jew iktar tard se nitolbuk biex bħala Host tiddikjara jekk intix qed tilqa' n-nies f'ismek jew bħala negozju. Se tintalab tiddikjara l-istatus tiegħek darba biss. Jekk l-affarijiet jinbidlu u jkun jeħtieġlek taġġorna l-istatus tiegħek, tista' taċċessa l-istatus tiegħek bħala Host mid-Dettalji tal-kont. Jekk ma tkunx tista' tagħmel iktar bidliet, jekk jogħġbok ikkuntattjana.
Rekwiżiti oħra għall-Hosts professjonali ġewwa ż-ŻEE
Dil-informazzjoni tgħodd għall-Hosts li jilqgħu n-nies bħala negozju u li huma bbażati ġewwa ż-Żona Ekonomika Ewropea (ŻEE).
Li tagħti l-informazzjoni dwar in-negozju tiegħek
Jekk int Host li tilqa' n-nies bħala negozju, il-liġijiet għall-ħarsien tal-konsumatur jeħtieġu li qabel il-booking tagħti xi informazzjoni dwar in-negozju tiegħek b'mod ċar u li jinftiehem lill-klijenti li jkunu qed jaħsbu biex jibbukkjaw miegħek. Fosthom:
- L-identità tiegħek, bħall-isem uffiċjali tan-negozju tiegħek
- L-indirizz tan-negozju tiegħek (ma naċċettawx kaxxi postali bħala indirizz)
- Id-dettalji ta' kuntatt tiegħek (bħan-numru tat-telefown u l-indirizz tal-email)
- In-numru tar-reġistrazzjoni kummerċjali tiegħek (jekk għandek)
- In-numru tal-VAT (jekk għandek)
- Il-kamra tal-kummerċ li n-negozju tiegħek imsieħeb magħha (jekk ikun il-każ)
- Id-dettalji tal-liċenzja li kellek tikseb, fosthom isem tal-awtorità li ħarġitlek il-liċenzja (jekk għandek tikseb liċenzja)
Skont iċ-ċirkostanzi tiegħek, ix-xorta ta' informazzjoni li jeħtieġlek tagħti jaf tinbidel. Jekk ma tafx eżatt x'inhuma l-obbligi tiegħek bħala Host li tilqa' n-nies bħala negozju, nissuġġerulek li titlob parir ta' avukat jew xi espert legali ieħor
Tista' żżid u teditja d-dettalji tan-negozju tiegħek li se jintwerew fuq il-listings kollha tiegħek mit-taqsima dettalji tan-negozju tal-kont ta' Airbnb tiegħek. L-istatus tiegħek bħala Host privat jew Host professjonali ma jiddependix mid-dettalji tan-negozju li żżid jew tneħħi.
Kif tagħti l-informazzjoni dwar il-postijiet fejn toqgħod li tilqa' n-nies fihom u l-prezzijiet li titlob
Ara li tagħti deskrizzjoni preċiża u kompluta tal-postijiet fejn toqgħod li qed tilqa' n-nies fihom. Tħalli barra l-ebda informazzjoni li taf tkun meħtieġa mill-klijent. Jeħtieġlek tara wkoll li l-prezz tal-postijiet fejn toqgħod tiegħek jiġbor fih it-tariffi obbligatorji kollha fosthom taxxi bħall-VAT).
Il-jedd li tinħall mill-kuntratt
Il-klijenti li jibbukkjaw post fejn toqgħod fuq Airbnb mingħand Host li jilqa' n-nies bħala negozju m'għandhomx il-jedd li jħollu l-kuntratt fi żmien 14-il jum minn meta jibbukkjaw. Skont Art. 16 (l) tad-Direttiva dwar id-Drittijiet tal-Konsumatur tal-UE, fil-każ ta' kuntratti marbuta mal-postijiet fejn toqgħod tal-industrija tal-ivvjaġġar, il-klijenti m'għandhomx il-jedd li jinħallu mill-kuntratt jekk il-kuntratt fih data jew żmien partikolari ta' meta għandu jingħata s-servizz. Biss importanti li tgħarraf lill-klijenti tiegħek li m'għandhomx il-jedd li jinħallu mill-kuntratt.
Jekk jogħġbok żomm f'moħħok: B'daqshekk ma jfissirx li l-klijent jitlef il-jedd li jikkanċella skont il-politika ta' kanċellazzjoni li tkun għażilt għal-listing tiegħek.
Dil-paġna maħsuba biss biex tagħti tagħrif ġenerali. L-informazzjoni mogħtija qatt m'għandha titqies bħala parir legali. Jekk tħoss li ma fhimtx sew kif dal-liġijiet jgħoddu għalik, itlob parir ta' avukat jew xi espert legali ieħor.
Artikli relatati
Tirol
Jekk qed taħsibha ssirx Host ta' Airbnb, hawn għandek ftit informazzjoni biex ngħinuk tifhem il-liġijiet tal-belt tiegħek- Amministratur tal-vjaġġi
Kif tirreġistra l-kumpanija tiegħek għal Airbnb for Work
Kemm jekk trid iddaħħal lill-kumpanija tiegħek fil-programm u kemm jekk tixtieq tiddiskuti dwar il-programm ma' xi ħadd, imla l-formola ta' … - Amministratur tal-vjaġġi
Kanċellazzjonijiet mill-Hosts u Airbnb for Work
Jekk il-Host jikkanċella booking, aħna se nibagħtu email lil dal-vjaġġatur li beħsiebu jivvjaġġa fuq xogħol. Jista' jerġa' jibbukkja mill-ġd…