Tul il-pandemija tal-COVID-19, il-booking tiegħi jaqa' taħt il-Politika taċ-Ċirkostanzi Attenwanti?
Żomm f'moħħok: Mill-31 ta' Mejju 2022 'l hawn, dak kollu marbut mal-pandemija tal-COVID-19 m'għadux jaqa' taħt il-Politika taċ-Ċirkostanzi Attenwanti tagħna. Għall-bookings li saru qabel il-31 ta' Mejju 2022, xi sitwazzjonijiet marbuta mal-COVID-19 għadhom jaqgħu taħt il-politika. Hemm politiki oħra fis-seħħ għall-bookings Luxe u għall-bookings mill-Korea t'Isfel għal listings ġewwa l-Korea t'Isfel.
Dal-artiklu jispjega fid-dettall kif taħdem il-Politika taċ-Ċirkostanzi Attenwanti għall-kanċellazzjonijiet minħabba l-COVID-19.
Din taqsira biex tgħinek tifhem jekk il-booking tiegħek hux eliġibbli.
Jekk ibbukkjajt sa dakinhar tal-14 ta' Marzu 2020, il-booking tiegħek huwa eliġibbli jekk għandu dal-kundizzjonijiet kollha
- Fadal inqas minn 45 jum mil-lum għad-data taċ-checkin
- u għadek ma kkanċellajtx il-booking
- u għadek m'għamiltx iċ-checkin
- u ma tistax tuża l-booking tiegħek minħabba l-pandemija
Jekk dawk l-affarijiet kollha huma veri, tista' tikkanċellah inti stess u matul il-proċess se tingħata għażliet għall-kanċellazzjoni u għall-ħlas lura. Biex tikkanċella taħt dil-politika se jkollok tagħti prova jew tiċċertifika li ma tistax tuża l-booking tiegħek minħabba l-COVID-19.
Jekk ibbukkjajt wara l-14 ta' Marzu 2020 u qabel il-31 ta' Mejju 2022, il-booking tiegħek huwa eliġibbli jekk għandu dal-kundizzjonijiet kollha
- Fadal inqas minn 14 jum għad-data taċ-checkin tiegħek
- u għadek ma kkanċellajtx il-booking
- u għadek m'għamiltx iċ-checkin
- u bħalissa int, jew klijent ieħor li kien se jivvjaġġa miegħek, marid bil-COVID-19
Jekk is-sitwazzjoni tiegħek għandha dal-kundizzjonijiet kollha, tista' tikkanċella billi tikkuntattja lit-tim tal-għajnuna lill-komunità tagħna. Fejn nistgħu nagħmlu hekk legalment, aħna se nitolbuk prova ta' dil-ħaġa (pereżempju riżultat ta' test tal-COVID-19). Il-kont tiegħek se jiġi mblukkat temporanjament milli jagħmel bookings ġodda għal 14-il jum u kull booking li diġà għandek u li mistenni jibda fl-14-il jum li ġejjin se jiġi kkanċellat.
Jekk m'intix eliġibbli u tikkanċella, il-ħlas lura tiegħek se jinħadem skont il-politika ta' kanċellazzjoni tal-Host tiegħek u qabel tikkonferma l-kanċellazzjoni se nuruk is-somma li tista' titħallas lura. F'dan il-każ, il-ħlasijiet lill-Host u l-ħlasijiet lura lill-klijenti jintbagħtu skont il-politika ta' kanċellazzjoni tal-Host—li qbilt magħha int u tibbukkja.
Żomm f'moħħok: Meta booking jiġi kkanċellat, Airbnb tibgħat kull ħlas dovut lill-Host u kull ħlas lura dovut lill-klijent skont il-politika ta' kanċellazzjoni tal-Host. Għal dir-raġuni ma nistgħux noffru l-istess ħarsien għal dawk il-bookings li ġew ikkanċellati qabel tħabbar jew twessa' l-ħarsien kontra ċ-ċirkostanzi attenwanti.
Jekk ibbukkjajt mill-31 ta' Mejju 2022 'il quddiem, għalkemm il-booking tiegħek mhux eliġibbli*, xorta għandek dal-għażliet l-oħra
Jekk il-pjanijiet tiegħek huma flessibbli, nissuġġerulek tipprova tiftiehem mal-Host tiegħek biex tibdel il-booking għal data oħra iktar tard.
Tista' wkoll tikkuntattja lill-Host tiegħek biex titlob ħlas lura ikbar, u jekk jaqbel, jista' juża ċ-Ċentru tar-Riżoluzzjonijiet biex jibgħatlek il-flus b'mod sigur.
Jekk diġà kkanċellajt il-booking jew għamilt iċ-checkin tista' tikkuntattja lit-tim tal-għajnuna lill-komunità tagħna għall-għajnuna.
Hemm politiki oħra fis-seħħ għall-bookings Luxe u għall-bookings mill-Korea t'Isfel għal listings ġewwa l-Korea t'Isfel.
Artikli relatati
- Klijent jew ParteċipantIl-Politika taċ-Ċirkostanzi Attenwanti u l-coronavirus (COVID-19)Sir af kif il-politika taċ-ċirkostanzi attenwanti tagħna tħarsek matul żmien il-pandemija tal-COVID-19.
- Il-Korea t'Isfel: Ċirkostanzi attenwanti għall-COVID-19Dal-artiklu jispjega r-rekwiżiti u x'jaqa' taħt il-Politika taċ-Ċirkostanzi Attenwanti tagħna għall-kanċellazzjonijiet marbuta mal-COVID-19 …
- Klijent jew ParteċipantGħażliet ta' kanċellazzjoni minħabba l-COVID-19Biex tara x'inhuma l-għażliet tiegħek bħalissa, iftaħ ikkanċella l-booking tiegħek u agħżel l-għażla li l-pjanijiet tal-ivvjaġġar tiegħek in…