Is-suġġerimenti se jintwerew wara li tibda tikteb fil-kaxxa tat-tiftix. Uża l-buttuni tal-vleġġa 'l fuq u tal-vleġġa 'l isfel biex tiċċekkja. Uża l-buttuna enter biex tagħżel. Jekk l-għażla tiegħek tkun frażi, dik il-frażi se tiġi mfittxija. Jekk is-suġġeriment ikun link, il-brawżer se jiftaħ dik il-paġna.
Politika tal-komunità

X'inhu mistenni mill-klijenti

Aħna nistennew li l-klijenti tagħna jżommu ċerti standards u jirrispettaw u jippruvaw jifhmu lill-Hosts, lill-ġirien tal-Hosts u lill-membri l-oħra tal-komunità li jistgħu jiltaqgħu magħhom.

X'ma naċċettawx

  • Nuqqas ta' rispett lejn il-komunitajiet tal-madwar: Matul iż-żjara jew l-esperjenza tagħhom, il-klijenti għandhom jirrispettaw il-komunità tal-madwar u r-regoli tagħha. Dan jinkludi, fost oħrajn, is-sigħat li matulhom ma jistax isir storbju, il-postijiet u s-sigħat għall-parkeġġ, in-numru ta' karozzi li jista' jkun hemm u r-rimi taż-żibel u l-ħmieġ fiż-żoni fejn suppost jintremew.
  • Nuqqas ta' rispett tal-ftehim tal-booking: Il-klijenti għandhom jirrispettaw l-istandards stabbiliti mill-Hosts għal kull booking sakemm l-istandards ma jmorrux kontra l-politiki ta' Airbnb. Dan jinkludi, iżda mhuwiex limitat għal, il-ħinijiet taċ-checkin u taċ-checkout, in-numru ta' klijenti, jekk humiex permessi l-annimali domestiċi jew it-tipjip, u regoli oħra tal-Host li jkun sar qbil dwarhom meta sar il-booking.
  • Nuqqas ta' rispett lejn l-ispazju: Il-klijenti ma jistgħux iħallu l-post fejn kienu joqogħdu jew l-art tiegħu fi stat li jeħtieġ tindif jew tiswijiet eċċessivi jew profondi lil hinn mit-tkagħbir normali bl-użu. It-tariffi għat-tindif huma maħsuba biex ikopru biss l-ispiża tat-tindif standard bejn il-bookings. Il-klijenti għandhom ukoll jagħtu lura ċ-ċwievet skont il-qbil li jkollhom mal-Host.
  • Tbagħbis fl-apparat tas-sigurtà: Il-klijenti ma jistgħu bl-ebda mod jaqilgħu jew jgħattu t-tagħmir tas-sigurtà li ma jiksirx ir-regoli tagħna u li l-klijenti jkunu ġew avżati dwaru kif suppost.
  • Aċċess għal propjetà personali li mhix tiegħek: Il-klijenti ma jistgħux jidħlu f'postijiet li jkunu mmarkati ċar li l-klijenti m'għandhomx jidħlu fihom, li jkunu msakkra jew li jkun fihom informazzjoni personali jew kunfidenzjali.

Sir af iktar dwar il-Politika dwar il-Parties u l-Avvenimenti u l-Istandards tal-Affidabbiltà tal-Klijenti tagħna.

Qegħdin hawn biex ngħinuk

Jekk tiltaqa' ma', jew tisfa vittma ta' mġiba li tikser il-politiki tagħna,jekk jogħġbok avżana dwarha.

Għalkemm dal-linji gwida ma jsemmux kull sitwazzjoni possibbli, huma mfassla biex jagħtuk gwida ġenerali dwar il-politiki tal-komunità ta' Airbnb.

Dal-artiklu kienlek ta' għajnuna?

Artikli relatati

Ikseb l-għajnuna bil-bookings, bil-kont tiegħek u b'affarijiet oħra.
Idħol jew irreġistra