Kif ittella' Kamra

Il-kmamar huma għall-klijenti li għalkemm jixtiequ ftit privatezza, xorta jixtiequ jiltaqgħu ma' nies ġodda u jgħixu ż-żjara tagħhom bħan-nies tal-post. Meta jibbukkjaw kamra, il-klijenti se jkollhom il-kamra tagħhom f'dar flimkien ma' aċċess għall-ispazji li jistgħu jkunu maqsuma mal-oħrajn. Il-klijenti jistgħu, ngħidu aħna, ikollhom jgħaddu minn spazju fuq ġewwa maqsum ma' xi ħadd ieħor biex jaslu għall-kamra tagħhom.

X'inhu meħtieġ biex il-Kamra tiegħek tintwera sew fuq Airbnb

L-ispazju tiegħek għandu jkun immarkat bħala Kamra fil-listing tiegħek u jkun skont dawn li ġejjin biex jintwera meta l-klijenti jfittxu Kamra:

• L-ispazju mtella' għandu jkun kamra tas-sodda b'bieb u matul iż-żjara tal-klijent għandha tintuża minnu biss
• Il-klijent jaqsam ma' ħaddieħor mill-inqas wieħed minn dawn l-ispazji: il-kamra tal-banju, il-kċina jew is-salott
• Il-Host tal-listing għandu jkun xi ħadd li qed juża ismu—ma jista' juża l-ebda isem tan-negozju, laqam jew isem ieħor. Il-klijenti se jkunu qed jaqsmu d-dar miegħek u għalhekk importanti li jkunu jafu min hu l-Host tagħhom
• Il-kmamar privati f'binjiet b'għadd ta' unitajiet, kondominji, townhouses u appartamenti jistgħu jitqiesu bħala kmamar privati biss jekk ikollhom dak kollu meħtieġ minnhom

Listings li ma jitqisux bħala Kamra, imma xorta oħra ta' post

Dax-xorta ta' listings huma postijiet sħaħ, kmamar maqsuma mal-oħrajn jew xi xorta oħra ta' propjetà imma mhux Kmamar:

• Loft, kamra jew spazju ieħor mingħajr bieb li jifirdu mill-bqija tal-ispazji fid-dar
• Kamra maqsuma mal-oħrajn fejn il-klijent jaf ikollu jaqsam il-kamra tas-sodda tiegħu ma' ħaddieħor
• Tinda, kamper, airstream, karozza tal-linja, karozza jew RV
• Lukanda, boutique hotel, aparthotel, pensjoni, hostel, appartament maqsum ma' persuni oħra, appartament bis-servizzi, guesthouse, lodge qalb in-natura, sanatorju jew resort
• Bed & Breakfast kultant jista' jitqies bħala kamra privata; l-importanti li ma jkunx jixbah boutique hotel jew hostel u li jkollu dak li meħtieġ minnu
• Kmamar li jinsabu barra mid-dar ewlenija iżda jagħmlu parti mill-istess propjetà jew guesthouses li għandhom bitħa maqsuma mal-oħrajn imma huma maqtugħa għalihom

X'jiġri jekk ittella' l-post tiegħek bħala Kamra imma ma jkollux dak kollu meħtieġ minnu

Neħtieġu spazji partikolari għal Kmamar u jekk ma nkunux ċerti li spazju jista' jitqies bħala Kamra, nirriklamawh bħala Post fejn toqgħod u jkun jista' jinstab fir-riżultati tat-tiftix tal-klijenti li qed ifittxu spazji ta' kull xorta. Jekk tagħmel xi bidliet fil-listing tiegħek biex ikun kif meħtieġ, tista' tiktbilna biex nirrevedulek il-listing ħalli nifhmu jistax jintwera lill-klijenti bħala Kamra.