Airbnb u l-Hosts tal-post jgħinu fil-ħidma tal-konservazzjoni ġewwa l-Kenja

Jekk tiltaqa' ma' grupp ta' Hosts ta' Airbnb mexjin fuq il-bajja mal-kosta Kenjana, mhux qed jimxu biex jgħaddu l-ħin. Qed jiġbru l-fliexken tal-plastik u żibel ieħor qabel jispiċċa fl-Oċean Indjan.

Pamellah, Host u Mexxejja tal-Komunità tal-Klabb tal-Hosts tar-Reġjun Kostali tal-Kenja, beħsiebha tingħaqad mal-ħidma ta' tindif organizzata milll-għaqda mingħajr skop ta' qligħ tal-post, A Rocha Kenya, biex tħares ir-reġjun li toqgħod fih. "Aħna l-Hosts norganizzaw ruħna biex niltaqgħu u nagħtu xi ħaġa ta' ġid lis-soċjetà," tgħidilna. "Kollha neħtieġu lil xulxin għax waħidna m'aħna xejn."

A Rocha Kenya taħdem biex tifhem u terġa' taħji l-ambjent u l-ispeċji mhedda. Pamellah innominat l-għaqda għal għotja mill-Fond tal-Komunità ta' Airbnb għax baqgħet impressjonata bil-ħidma kbira li l-għaqda kienet qed twettaq għall-konservazzjoni. Kull sena l-Klabbs tal-Hosts jingħataw l-opportunità li jgħinu lill-komunità tagħhom grazzi għall-Fond tal-Komunità.

L-għaqda mingħajr skop ta' qligħ hija parti mix-xirka ta' konservazzjoni wiesgħa A Rocha, għaqdiet li jinsabu f'iktar minn 20 pajjiż. Fil-ħidma ta' konservazzjoni tagħha, A Rocha Kenya taħdem id f'id mal-komunità biex timmarka l-għasafar, tħawwel is-siġar mangrovjani u tagħti s-siġar nibbieta bla ħlas. L-għaqda taħdem mal-komunitajiet indiġeni, mal-bdiewa tal-post, mal-għaqdiet tal-jeddijiet tan-nisa, max-xjentisti u ma gruppi ta' nies oħra biex twettaq ħidma ta' riċerka u tgħallem lin-nies dwar l-ambjent.

Colin, il-fundatur ta' A Rocha Kenya, huwa Host ta' Airbnb ukoll. Huwa ħadem ma' Pamellah biex flimkien jgħallmu lill-komunità tagħhom dwar il-konservazzjoni. "Għalina n-nies huma parti mis-soluzzjoni, anki jekk fil-verità huma parti mill-problema," jgħid Colin. "Naħsbu li biex nirnexxu ma nistgħux ma naħdmux id f'id ma' nies li ġejjin minn għadd ta' mkejjen differenti tal-ħajja."

Fis-snin li ilu għaddej bil-ħidma tiegħu, Colin laqa' għadd ta' riċerkaturi u klijenti ta' Airbnb fiċ-ċentru ekoloġiku tiegħu fil-belt ta' Watamu. Il-post jinsab fuq art taċ-ċentru tal-konservazzjoni ta' A Rocha Kenya. Huwa jgħid li l-flus li jdaħħal hu u jilqa' n-nies jgħinu fil-ħidma tal-għaqda mingħajr skop ta' qligħ. Ħafna drabi l-klijenti ta' Colin spiċċaw jgħinu lill-għaqda wara li tahom l-opportunità jagħtu sehemhom fil-ħidma tal-konservazzjoni.

Grazzi għan-nominazzjoni tal-Klabb tal-Hosts tal-Kenja, A Rocha Kenya ngħatat għotja ta' $50,000 USD mill-Fond tal-Komunità ta' Airbnb. L-għaqda mingħajr skop ta' qligħ beħsiebha tuża l-flus biex toħloq riżerva naturali ġdida u żżid pont ieħor li jagħti minn siġra għall-oħra biex ittejjeb riżerva naturali li diġà fis-seħħ.

L-għotja se tgħin ukoll lill-għaqda mingħajr skop ta' qligħ tkompli l-programmi ta' ekoturiżmu li torganizza fiċ-ċentru ekoloġiku u torganizza iktar programmi ta' taħriġ bħal, ngħidu aħna, tagħti siġar nibbieta lill-membri tal-komunità.

Fl-2023 iktar minn 50 Klabb tal-Hosts innominaw għaqdiet mingħajr skop ta' qligħ minn madwar id-dinja biex jingħataw għotjiet mill-Fond tal-Komunità ta' Airbnb. Issa qed naċċettaw in-nominazzjonijiet għad-donazzjonijiet tal-2024 mill-Fond tal-Komunità. Kellem lill-Klabb tal-Hosts tiegħek għal iktar dettalji.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.