It-tab Messaġġi hija l-inbox il-ġdida tiegħek

L-iktar taqsima tal-app li jużaw il-Hosts hija l-inbox. Grazzi għat-tab Messaġġi, qed nagħmluhielhom eħfef biex jikkomunikaw iktar malajr.

Id-disinn il-ġdid tal-inbox jiġbor il-messaġġi kollha marbuta mal-ospitalità, mal-vjaġġi u li ġejjin mit-tim tal-għajnuna f'post wieħed. Mit-tab Messaġġi tista':

• Tiffiltra l-messaġġi b'mossa waħda.
• Tikkomunika f'taħdita tal-grupp ma' kull klijent li jingħaqad ma' booking.
• Twieġeb il-mistoqsijiet tal-klijenti aħjar grazzi għat-tweġibiet ta' malajr issuġġeriti mill-algoritmu tal-IA.
• Tirreaġixxi għall-messaġġi bl-emoji.
• Tfittex il-messaġġi tiegħek kollha b'ħeffa ikbar.

Bħala regola standard, it-tab Messaġġi turik il-messaġġi kollha. Agħżel Ospitalità, Vjaġġi jew Tim tal-Għajnuna biex tiffiltra skont ix-xorta ta' messaġġ.

Għal Ospitalità tista' tuża wkoll dawn il-filtri li ġejjin:

• Mhux moqrija jurik il-messaġġi mhux miftuħa biss.
• Stadju tal-vjaġġ jurik il-messaġġi skont it-talbiet tal-bookings, il-bookings mistennija, il-bookings li tkun qed tilqa' dak il-ħin jew il-bookings tal-imgħoddi.
• Listings jurik il-messaġġi listing b'listing jekk għandek iktar minn listing wieħed.
• Stellati jurik biss il-messaġġi li mmarkajt bi stilla.

Jekk għandek Co-Host, int Ambaxxatur Superhost jew torganizza Esperjenza, fit-tab Messaġġi se ssib dal-filtri wkoll:

• Co-Host jurik it-taħditiet bejnek u bejn il-Co-Hosts l-oħra ta' listing.
• Ambaxxatur Superhost jurik il-messaġġi bejnek u bejn il-Hosts li qabbilniek magħhom.
• Esperjenzi jurik il-messaġġi marbuta mal-bookings tal-Esperjenzi.

Kull booking jiftaħ taħdita ġdida. Kull taħdita għandha tikketta, bħal Vjaġġ mitlub jew Co-Host, b'hekk tkun tista' ssib xi tgħid f'tebqa t'għajn. Messaġġ dwar booking li għaddej bħalissa jew li mistenni se jkun immarkat b'tikka lewn ħadrani. Messaġġ li jeħtieġlek tagħmel xi ħaġa bħal, ngħidu aħna, li twieġeb għal talba għall-booking, se jkun immarkat b'tikka lewn ħamrani.

Uża l-filtru Vjaġġi biex issib il-messaġġi li tibgħat u tirċievi meta l-vjaġġatur tkun int. Uża l-filtru Tim tal-Għajnuna biex issib it-taħditiet mal-Għajnuna ta' Airbnb.

Il-Hosts issa jistgħu jikkomunikaw ma' kull klijent li jingħaqad mal-booking. Dan kif jaħdmu l-messaġġi tal-grupp:

• Il-klijent li jkun għamel il-booking jistieden nies oħra jingħaqdu mal-booking tiegħu.
• Kull vjaġġatur li jaċċetta jiżdied mal-booking u mat-taħdita tal-grupp għal dak il-vjaġġ. Il-vjaġġaturi se jkunu jistgħu jaqraw il-messaġġi kollha—anki jekk jingħaqdu iktar tard.
• Meta tibgħat messaġġ, kull min ikun fil-grupp se jkun jista' jaqrah.
• Għal iktar informazzjoni dwar il-booking u t-taħdita, fosthom għal-lista ta' kull persuna fil-grupp, agħfas fuq il-buttuna Dettalji.
• Agħfas fuq ir-ritratt tal-profil tal-klijent li tixtieq tiftaħ il-profil tiegħu u sir af iktar lill-persuna li tkun se tilqa'.

It-tweġibiet ta' malajr huma messaġġi mudell miktuba minnek biex twieġeb il-mistoqsijiet li jistaqsuk ta' sikwit dwar iċ-checkin, iċ-checkout u iktar. Biex tkun tista' tuża l-faċilità l-ġdida tat-tweġibiet ta' malajr suġġeriti bl-algoritmi tal-IA, jeħtieġlek toħloq it-tweġibiet ta' malajr.

Dil-faċilità tuża l-algoritmi tal-IA biex tifhem il-mistoqsija tal-klijent u tissuġġerilek waħda mit-tweġibiet ta' malajr tiegħek bħala tweġiba. It-tweġiba ta' malajr suġġerita se tintwera fit-taħdita tal-grupp u int biss se tkun tista' taraha. Qabel tibgħatha se tkun tista' tiċċekkjaha u tibdilha.

Mit-tab Messaġġi tista' twieġeb il-messaġġi bl-emojis. Kull min ikun jagħmel parti minn taħdita se jkun jista' juża wiċċ jitbissem, qalb, seba' kbir 'il fuq, ċapċipa jew daħka biex juri li qara l-messaġġ.

Qed tfittex xi taħdita partikolari? L-għodda tat-tiftix il-ġdida tfittex il-messaġġi kollha.

Tista' tfittex il-messaġġi b'isem il-persuna jew b'kelma jew frażi partikolari. Biex ngħinuk issib it-taħditiet iktar malajr, ir-riżultati tat-tiftix iqisu l-filtri li tkun għażilt.

Inkiteb ma' Aċċess Bikri issa biex tipprova t-tab Messaġġi.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.