Id-dashboard tad-dħul tagħtik dettalji siewja ġodda

Meta tifhem id-dħul tiegħek, jaf tkun tista' tmexxi n-negozju tiegħek aħjar. Għalhekk qed inżidu dawn il-faċilitajiet suġġeriti mill-hosts fid-dashboard tad-dħul.

• Rapporti personalizzati: Oħloq rapporti tad-dħul għal liema listing u firxa ta' dati tagħżel.
• Iffiltra bix-xorta tad-dħul: Uri d-dħul tiegħek skont iż-żjarat, il-krediti, ir-riżoluzzjonijiet u iktar.
• Il-kartolini tad-dħul: Se ngħarrfuk hekk kif nibagħtulek il-pagamenti.

Dan kif tuża l-faċilitajiet tad-dashboard tad-dħul—nibdew bl-iġded faċilità.

Oħloq rapporti personalizzati għal kull listing u firxa tad-dati li tixtieq. Airbnb xorta toħloqlok rendikonti ta' kull xahar u ta' kull sena sa mill-ewwel xahar minn mindu bdejt tilqa' n-nies.

Kull rapport jagħti rendikont tad-dħul gross, tat-tnaqqis u tal-ħlasijiet netti tiegħek. Għandek ukoll l-għażla li żżid:

• Metodi tal-ħlas li juru d-dħul kollu għal kull kont tal-ħlas
• Numri dwar kif sejjer bħall-iljieli bbukkjati u t-tul taż-żjara medju

Wara li tkun għażilt x'tixtieq li jintwera, tista' tniżżel jew tibgħat email b'PDF tar-rapport biex iżżomm kopja tiegħu.

Iffiltra d-dħul tiegħek bix-xorta tad-dħul int u tiċċekkja t-tranżazzjonijiet mistennija u t-tranżazzjonijiet li tħallsu. Fost ix-xorta tad-dħul hemm:

• Żjarat
• Esperjenzi
• Krediti
• Riżoluzzjonijiet

Tista' tagħżel ukoll li tiffiltra t-tranżazzjonijiet skont id-data, skont il-listing u skont il-metodu tal-ħlas.

Fuq id-dashboard tad-dħul se nuruk kartolina tad-dħul hekk kif nibagħtulek pagament. Dil-kartolina se turi:

• Il-metodu tal-ħlas
• Is-somma tat-tranżazzjoni
• L-istima tal-ħin biex il-pagament jiġi proċessat

Għal iktar dettalji, iftaħ it-tranżazzjoni.

Il-grafika tad-dħul fin-naħa ta' fuq tad-dashboard turik:

• Kemm daħħalt kull xahar fis-sitt xhur ta' qabel
• Kemm daħħalt flus dax-xahar s'issa
• Kemm, skont il-bookings mistennija, nistennew li se tagħmel dħul fil-ħames xhur li ġejjin

Kabbar il-grafika biex issib id-dħul tiegħek xahar b'xahar jew sena b'sena u uża l-filtri biex issib id-dħul li għamel kull listing.

Taħt il-grafika tad-dħul interattiva, se ssib in-numri ta' kif sejjer bl-għadd ta' ljieli bbukkjati u t-tul medju taż-żjara.

It-taqsira tad-dħul tiegħek turi d-dħul gross, it-tnaqqis u l-ħlas nett kollu mill-1 ta' Jannar ta' dis-sena.

L-ikona tar-rota bis-snien min-naħa ta' fuq tad-dashboard tad-dħul tgħinek issib:

• Il-metodi tal-ħlas u r-regoli tar-routing
• Id-dettalji tal-kontribwent tat-taxxa u d-dokumenti tat-taxxa
• Ir-rapporti tad-dħul għal-listings u l-firxa tad-dati
• Id-donazzjonijiet imtennija ta' Airbnb.org bħala perċentwali ta' kull ħlas biex tgħin lin-nies milquta minn xi kriżi

Ikseb aċċess bikri minn issa biex tipprova l-faċilitajiet il-ġodda tad-dashboard tad-dħul.

Is-servizz jaf ivarja skont il-post fejn tinsab.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.