Kif tibni pjan tan-negozju tal-ospitalità

Nick u Sarah Roussos-Karakaian huma koppja miżżewġa tim ta' Superhosts (@nestrs) li l-hosting għamluh xogħol full-time ġewwa Columbus, Ohio. Wara li ppubblikaw il-kantina tagħhom fuq Airbnb ġewwa l-Belt ta' New York fl-2012, ma ridux jieqfu. Minn dakinhar, huma għamluh ix-xogħol tal-ħolm tagħhom. Sarah hija co-host ukoll fil-podcast "Thanks for Visiting", riżorsa kemm għal Hosts b'esperjenza kif ukoll għal dawk li għadhom jibdew. Hawnhekk, huma jaqsmu l-għarfien u l-pariri tagħhom dwar kif tibda negozju ta' Airbnb.

Sarah : "Għalina, kollox beda ġewwa Queens, New York. Jien kont attriċi. Kont naħdem ħafna sigħat ġo bar ukoll."

Nick: "U jien kont apprendist b'masters fl-arkitettura li bilkemm kont naqla' biżżejjed biex nixtri l-ikel…"

Sarah: "U t-tnejn li aħna vera xtaqna nixtru propjetà tagħna imma ma konniex nafu kif se nagħmlu. Darba, rajt did-dar żgħira ħafna—kienet l-iżgħar waħda fil-blokka u kienet għalja għalina—imma jien kont determinata li nsib mod kif nixtruha."

Nick: "Bl-edukazzjoni finanzjarja t-tajba, tfaddil u għajnuna mill-familja, irnexxielna nieħdu loan."

Sarah: "U meta kien qed jiġri dan kollu, skoprejt li ħabib tiegħi kien tella' kamra fl-appartament tiegħu fuq Airbnb, u dan kien qed jgħinu jħallas il-kera tiegħu fil-Belt ta' New York—kienet xi ħaġa inkredibbli għalija. Ma kienx hemm ħafna nies li kienu jafu x'inhi Airbnb dak iż-żmien. Tkellimt ma' Nick dwar il-potenzjal għalina li nippubblikaw il-propjetà tagħna, hu ma kienx ċert—imma jien ħajritni l-idea. Dħalna għaliha u dak kien il-bidu ta' kollox."

Nick: "Niftakarni naħsel it-toilets u nħossni ferħan nagħmilhom. Bil-flus li kont naqla' minn hemm kont qed iħallas is-self ipotekarju għad-dar u kont ngħid: "Iva ta', tal-ġenn hekk! Kif nistgħu nagħmlu aktar affarijiet simili?"

Sarah: "Irnexxieli nakkwista ħafna mill-esperjenza tal-ospitalità tiegħi billi naħdem f'lukandi lussużi—u vera kont nieħu gost. Wara erba' snin ta' hosting u bħala sidien ta' dar ġewwa NYC, konna fortunati biżżejjed biex nirċievu offerta mingħand żviluppatur li ried jixtri l-post tagħna mingħandna, bl-għamara b'kollox."

Nick: "Wara ftit ħin ta' riflessjoni, spreadsheet twila bil-postijiet kollha li nistgħu mmorru fihom, u vjaġġi bit-triq madwar il-pajjiż u nitkellmu man-nies tal-post, sibna ruħna f'Columbus, Ohio."

Sarah: "Il-fatt li nistgħu ngħaqqdu flimkien id-disinn, l-ospitalità u l-proprjetà—u jkollna l-libertà li nagħmlu l-għażliet kreattivi tagħna—għalina huwa ħolma li saret realtà. Din hi r-raġuni għaliex ninsabu tant ħerqanin biex ngħinu lill-oħrajn jitgħallmu kif jilqgħu n-nies."

Sarah: “Qabel tibda, nirrakkomandawlek li tagħmel dikjarazzjoni tal-għanijiet tiegħek għalik. Dan se jkun l-etos u l-boxxla tiegħek, li huwa partikolarment utli matul dawk il-mumenti meta tista' tħossok inċert/a dwar direzzjoni jew deċiżjoni li tkun se tieħu. Id-dikjarazzjoni tal-għanijiet tiegħek tista' tgħin biex tiggwidak lejn il-post it-tajjeb. Se tinformak ukoll dwar kif tista' toħloq u tiddisinja l-ispazju tiegħek.”

Nick: “Meta toħloq dikjarazzjoni tal-għanijiet, ħu ftit ħin biex tistaqsi lilek innifsek xi mistoqsijiet:

• X'jimmotivak?
• X'inhuma l-valuri tiegħek?
• Kif tixtieq taħdem?
• X'inhi l-viżjoni tiegħek?
• X'inhuma l-għanijiet tiegħek?”

Sarah: “Għalina, il-missjoni tagħna hija li nittrasformaw spazji li jittrasformaw il-ħajjiet tan-nies. U dan nippruvaw niftakruh f'kull ma nagħmlu.”

Nick: "Qabel tibda, importanti li tagħmel ir-riċerka tiegħek u tħares lejn il-kompetizzjoni fiż-żona tiegħek. Din ir-riċerka inizjali se tipprovdilek informazzjoni dwar kif l-aħjar tiddisinja, tippreżenta, u tirriklama l-ispazju tiegħek.

• Ikkunsidra d-demografika tiegħek. X'tip ta' nies aktarx jibbukkjaw żjara għandek? Pereżempju, għalina, Columbus hija belt b'kulleġġ allura aħna adattajna l-ispazji tagħna għal ġenituri li jżuru lill-istudenti uliedhom.
• Evalwa l-kumditajiet tiegħek. Jistgħu jidħlu annimali domestiċi? Għandek post għall-parkeġġ jew pool? L-ispazju tiegħek għandu dekor uniku? Dak li jagħmel l-ispazju tiegħek kemm kemm aktar speċjali jgħinek biex tkun tista' żomm ftit aktar flus.
• Fittex onlajn u ara listings ta' Airbnb, lukandi u kirjiet għal żmien qasir oħra fil-qrib. X'hemm disponibbli? Kemm iżommu? Hemm xi mod kif tista' tkun differenti?
• Oħloq strateġija tal-ipprezzar. Biex tgħin iżżid ir-rati tal-okkupanza tiegħek meta tkun għadek qed tibda, uża l-għodda tal-Prezzijiet Intelliġenti ta' Airbnb, li tħallik tbiddel ir-rati tiegħek awtomatikament bejn il-ġranet ta' fost il-ġimgħa u dawk tal-weekend."

Sarah: "Il-ħolqien ta' baġit mhuwiex eċitanti ħafna imma huwa super importanti. Nissuġġerulek tagħmel spreadsheet u taqsam l-ispejjeż tiegħek fi tliet kategoriji:

Spejjeż bil-quddiem: Dawn huma l-investimenti tal-bidu li toħroġhom għall-ispazju tiegħek qabel jidħol fih xi ħadd, bħal rinnovazzjonijiet, dekorazzjoni, għamara u fotografija.

• Sib il-ħin biex tinvesti fid-dekor tiegħek. M'hemmx għalfejn tixtri l-iktar affarijiet għaljin jew ikollok kollox lussuż. Kemm tagħmel il-post akkoljenti. Fittex fi ħwienet li jbigħu affarijiet użati jew uża l-kreattività tiegħek u agħmel xi ħaġa differenti b'kulur jew tema partikolari—dan huwa dak li se jiġbed in-nies lejn il-listing tiegħek.
• Dejjem ngħidu lill-Hosts li għadhom jibdew biex jinvestu f'saqqijiet, sufanijiet u lożor ta' kwalità għolja. Kulħadd jintefa' fuq is-sodda malli jidħol għall-ewwel darba f'kamra ta' lukanda—mela kun ċert/a li s-sodda tiegħek tkun waħda tajba. Xi kultant ikollna review ta' 5 stilel minħabba s-sodda biss, u dan se jgħinek ittella' dawk ir-rati tal-okkupanza.

Spejjeż kontinwi: Oġġetti ewlenin li jikkonsmahom il-klijent u li jridu jerġgħu jimtlew, inklużi prodotti għall-indafa personali, toilet paper, xugamani tal-karta, batteriji u bozoz tad-dawl.

• Qed tinkludi xi affarijiet addizzjonali bħal fliexken tal-ilma jew kafè?
• Agħmel lista tal-kumditajiet kollha li teħtieġ u ara li tkun kuntent/a bil-prezzijiet li qed issib
• Agħmel xirja kbira darba kull sitt xhur, u żomm rekord tal-kwantitajiet tiegħek fuq spreadsheet
• Fil-każ ta' oġġetti bħal lożor, ftakar biex tqis kemm-il darba tixtieq tixtrihom fis-sena. Dejjem trid taċċerta ruħek li jkollok lożor sbieħ u nodfa għall-klijent tiegħek.

Spejjeż ta' manutenzjoni u ġestjoni: Dan ikopri dak kollu li hemm bżonn biex l-ispazju tiegħek iżżommu sigur, sħun u li tista' tgħix fih, inklużi spazji fuq lawn, fuq barra u esterni. Se tkun qed timpjega persuna biex tgħinek fit-tindif bejn klijent u ieħor jew co-host?

Għodd dawn in-numri u ara li tkun komdu/a bin-numri tal-investiment u l-għanijiet realistiċi tiegħek. Jekk ma jogħġbukx, forsi trid iġġemma' ftit ieħor minn qabel biex tkun tista' toħloq spazju li int kburi bih."

Sarah: "Dan huwa wieħed mis-suġġerimenti tiegħi li nieħu l-iktar gost naqsam mal-Hosts, li huwa li ssib ħabib onest u li jgħid l-affarijiet kif iħosshom, u tgħidlu biex joqgħod ftit fl-ispazju tiegħek. Tant int viċin tiegħu ġurnata wara l-oħra li tista' tinsa x'affarijiet ikollu bżonnhom min jivvjaġġa—bħal xkupilja tas-snien jew toothpaste—jew ikun hemm xi difett fid-disinn li ma ndunajtx bih. Ħabib jista' jgħin biex jagħtik feedback dwar dawk id-dettalji irqaq imma importanti. Ma tridx li jgħidlek bihom klijent li jkun qed iħallas."

Nick: "Nixtiequ ninkludu basket jismu 'Insejt xi ħaġa?' li jkun mimli prodotti għall-indafa personali u oġġetti li l-klijenti jista' jkollhom bżonnhom fl-aħħar minuta. Biex tirnexxi, irid ikollok mentalità ta' ospitalità fil-qalba tan-negozju tiegħek. Din hija r-raġuni għaliex in-nies imorru fil-lukandi tad-ditti differenti li jħobbu huma—għax jafu x'ħa jsibu: spazju li jħossu li huma l-ewwel nies li qatt daħlu fih, ix-xugamani jkunu ġew mitwijin b'attenzjoni, u jafu li se jsibu d-dettalji kollha bħal li jkollhom ċarġer tal-mowbajl ħdejn il-komodina. Inti trid tipprovdi l-istess livell ta' servizz lill-klijenti tiegħek biex ikunu jridu jerġgħu jiġu lura għandek iktar minn darba."

Nick: “Il-hosting għandu d-diffikultajiet tiegħu, imma issa nbidel ukoll minn meta bdiet Airbnb għall-ewwel darba. Hemm ħafna aktar teknoloġija, għodod, riżorsi u għajnuna biex jgħinuk torganizza l-proċess u tagħmel ħajtek ftit aktar faċli bħala Host."

Sarah: “Meta l-Hosts ikunu għadhom jibdew, nissuġġerulek li tagħmel il-proċess mill-bidu sal-aħħar ta' kull żjara: mill-ewwel messaġġ tal-booking, sa meta tilqa' lill-klijenti tiegħek, tagħmel it-tindif u tbiddel l-affarijiet. Ladarba tkun fhimt x'għandek tagħmel, tista' tawtomatizzah b'diversi modi differenti, pereżempju:

• Apps ibbażati fuq il-web: Hemm apps li tista' tużahom (bħal IFTTT) biex tipprogramma attivaturi tal-avvenimenti u tqabbad għodod diġitali. Pereżempju, meta tirċievi konferma tal-booking fl-inbox tal-email tiegħek, din tista' tibgħat tfakkira awtomatika fil-kalendarju lilek, lis-sieħeb/sieħba tiegħek jew lil persuna tat-tindif.
• Is-smart locks jagħmlu bidla radikali. Il-klijenti jista' jintbagħtilhom kodiċi uniku li jkun jgħodd tul il-vjaġġ tagħhom biss. Dawn jippermettu lill-klijenti jagħmlu ċ-checkin huma stess, li jfisser li ma jkollniex għalfejn noqogħdu nikkoordinaw ħin magħhom biex niftħulhom l-appartament. Sempliċiment kemm nikkuntattjawhom f'nofs iż-żjara tagħhom.
• Il-lista klassika: Għamilt checklist ta' kull tliet xhur għal kull dar bl-affarijiet li rrid nagħmel għas-sigurtà u l-manutenzjoni, affarijiet bħal li niċċekkja l-filtri tal-forn, niżgura li l-allarmi tan-nar ikollhom batteriji li jaħdmu, li niknes taħt is-sodod. Nipprintja l-lista u nwaħħalha ma' armarju fil-ġenb—b'hekk jekk inkun qed inżur propjetà, inkun nista' nkun naf l-istatus tagħha għal dik is-sena."

Nick: "Biex toħloq negozju ta' Airbnb trid taħdem ħafna. Iżda aħna vera nixtiequ nuru lin-nies li huwa possibbli li jkollok dar u tagħmlu full-time—u li hemm aktar minn mod wieħed kif tista' tagħmel dan."

Sarah: "Taf int, jien biddilt il-karriera tiegħi, u kont beżgħana ħafna li qatt mhu se nsib xi ħaġa li togħġobni daqs l-ispettaklu. Imma għalina Airbnb biddiltilna ħajjitna. Nistgħu nagħmlu l-għażliet kreattivi tagħna stess, m'hemm ħadd jikkmandana—u dan jagħmilha ħaġa ħafna aktar speċjali."

Nick: "Dan jippermettilna nibqgħu flessibbli u ngawdu ħajjitna ftit aktar. Nittamaw li inti tista' ssib mod kif tibda negozju ta' Airbnb u tagħmlu tiegħek. Jekk ikollok bżonn aktar pariri, tista' ssibna."

Nixtiqulek il-hosting it-tajjeb!
Nick + Sarah, Nestrs