Ibda l-avventura tiegħek fuq Airbnb

Qis il-listing bħala riklam għall-ispazju tiegħek. Għalkemm għandek tikteb listing b'mod li tħajjar kemm jista' jkun nies jibbukkjawh, importanti li tkun onest u ssemmi jekk hemmx xi affarijiet mhux tas-soltu.

• Ibda bl-affarijiet bażiċi. Daħħal id-dettalji bħall-post fejn jinsab il-post tiegħek, x'tip ta' propjetà qed toffri u n-numru ta' kmamar tas-sodda u kmamar tal-banju li se jkollhom aċċess għalihom il-klijenti tiegħek.
• Ħu r-ritratti tal-ispazju. Il-klijenti jħobbu jqallbu r-ritratti huma u jiddeċiedu fejn se joqogħdu. Biex tieħu l-aħjar ritratti, l-ewwel naddaf l-ispazju tiegħek. Ħu ritratti ta' kull żona, billi tuża d-dawl naturali u billi, fejn tista', tieħu r-ritratti għall-wisa'.
• Iffoka fuq id-dettalji uniċi. Int u tikteb l-isem u d-deskrizzjoni tal-listing tiegħek, qis dak li jagħmel il-post tiegħek tant speċjali bħal pereżempju xi veduta partikolari jew il-pixxina. Barra minn hekk, fid-deskrizzjoni tal-listing semmi dawk l-affarijiet li taħseb li l-klijenti jkunu jixtiequ jkunu jafu dwarhom qabel jibbukkjaw, bħal pereżempju jekk hemm spazju għall-parkeġġ jew turġien x'titla'.
  

Il-pass li jmissek tagħmel huwa li tħejji l-loġistika kollha tal-listing tiegħek biex il-proċess tal-ospitalità jimxi mingħajr ebda xkiel.

• Żid ir-Regoli tad-Dar mal-listing tiegħek. Biex tgħin lill-klijenti jkunu jafu x'tistenna mingħandhom, żid ir-regoli għall-ispazju tiegħek, inkluż dettalji bħar-restrizzjonijiet fuq it-tipjip, il-pets jew il-parties.
• Ibda uża l-kalendarju tiegħek. Biex tiżgura li tikseb il-bookings meta tista' tilqa' n-nies biss, aġġorna l-kalendarju ta' Airbnb tiegħek bid-disponibbiltà tiegħek. Tista' tagħżel ukoll kemm tixtieq li tiġi avżat dwar booking minn qabel jew kemm jistgħu jibbukkjaw bil-quddiem il-klijenti.
  
• Agħżel il-prezz ta' kull lejl tiegħek. Il-prezz li titlob huwa dejjem f'idejk imma Airbnb għandha xi għodod—bħal Prezzijiet Intelliġenti—maħsuba biex jgħinuk titlob il-prezzijiet skont id-domanda kif ukoll għażliet għall-prezzijiet personalizzati għal żminijiet bħal tmiem il-ġimgħa u staġuni partikolari.
• Aqra l-liġijiet tal-post fejn jinsab il-listing. Xi bliet għandhom ir-regoli dwar il-qsim tad-djar, bħal pereżempju limiti fuq in-numru ta' ljieli li matulhom tista' tilqa' n-nies, rekwiżiti ta' reġistrazzjoni jew taxxi speċjali. Sir af iktar dwar kif tilqa' n-nies b'mod responsabbli minn hawn.
  

Kemm jekk qed tistenna l-ewwel klijent, kif ukoll jekk lill-100 wieħed, dawn huma l-passi li għandek tieħu biex tiżgura li l-ispazju tiegħek ikun lest.

• Naddaf. Naddaf kull kamra li l-klijenti se jkollhom aċċess għaliha, b'mod partikolari l-kmamar tas-sodda, il-kmamar tal-banju u l-kċina. Iċċekkja li ma jkun hemm l-ebda xagħar, trab, jew moffa fuq l-uċuħ u mal-art u ifrex is-sodod b'lożor nodfa.
  
• Aħżen l-oġġetti prezzjużi. Jekk għandek xi ġojjelli, passaporti jew oġġetti prezzjużi oħra nissuġġerulek li taħżinhom f'kamra msakkra, armarju, safe jew faċilità tal-ħażna. Jew tista' tħallihom mal-familja jew mal-ħbieb.
  
• Ixtri biżżejjed affarijiet essenzjali. Biex tgħin lill-klijenti jħossuhom id-dar, nissuġġerulek toffri l-kumditajiet bħas-sapun, ix-xampù, it-toilet paper, il-lożor u x-xugamani. Mhux idea ħażina jekk ikollok xi ftit żejda għal li jista' jkun.
• Agħti d-dettalji taċ-checkin. Lesti ruħek biex tgħin lill-klijenti jagħmlu ċ-checkin jew iċ-checkout jew qabbad lil sħabek jew lil tal-familja biex jgħinuk. Jekk mhu se jkun hemm ħadd biex jgħinhom, dejjem tista' tuża lockbox jew serratura elettronika u tagħti lill-klijenti l-istruzzjonijiet għaċ-checkin fl-app ta' Airbnb.
• Żid l-aħħar irtokki. Il-klijenti jħobbu d-dettalji maħsuba. L-informazzjoni dwar id-dar bl-istruzzjonijiet u l-pariri tista' tgħin lill-klijenti jifhmu kif jaħdmu l-affarijiet. Għalkemm mhux meħtieġ, xi flixkun inbid jew rigal żgħir ieħor jaf ukoll jgħin biex il-klijenti jħossuhom milqugħa tajjeb.

Wara li tkun lestejt il-listing u l-ispazju tiegħek, se tkun lest/a biex tibda tilqa' l-klijenti u ddaħħal xi ħaġa tal-flus!