Kif tieħu ħsieb il-kalendarju tiegħek

Il-klijenti jistgħu jsibu l-listing tiegħek fir-riżultati tat-tiftix fi żmien 24 siegħa wara li tippubblikah. Bħala regola standard, il-kalendarju tiegħek se jkun kollu miftuħ. Importanti li tibdel id-disponibbiltà tiegħek minnufih u mbagħad tagħżel il-politika ta' kanċellazzjoni tiegħek u tagħżel kif il-klijenti jistgħu jibbukkjaw il-listing tiegħek.

Fil-kalendarju tiegħek imblokka d-dati li matulhom ma tistax tilqa' n-nies. Dil-ħaġa taħbi l-listing tiegħek mir-riżultati tat-tiftix u tgħinek tevita li jkollok tikkanċella l-bookings.

"Qed tagħti servizz lill-klijent tiegħek u jeħtieġlek tagħmel l-almu tiegħek biex tagħti l-aqwa servizz," tgħid Felicity, membru tal-Bord Konsultattiv tal-Hosts u Superhost ġewwa New South Wales, l-Awstrajla.

Imxi ma' dal-istruzzjonijiet biex tagħżel liema dati għandhom ikunu miftuħa għall-klijenti.

• Agħżel kemm il-klijenti jistgħu jibbukkjaw bil-quddiem. Tista' tilqa' l-bookings għal dakinhar stess sa ċertu ħin jew tagħżel li l-klijenti jibbukkjaw mill-inqas sebat ijiem bil-quddiem qabel il-wasla tagħhom.

• Issinkronizza l-kalendarji tiegħek. Meta tissinkronizza l-kalendarju ta' Airbnb ma' kalendarji oħra, tkunlek eħfef li tieħu ħsieb il-bookings tiegħek u li tevita l-bookings doppji.

• Agħżel politika ta' kanċellazzjoni. Int biss tagħżel kemm tixtieqha tkun stretta jew flessibbli jekk klijent jagħżel li jikkanċella. Agħżel dik li tgħodd għalik.

• Żomm il-kalendarju tiegħek aġġornat. B'hekk tevita kemm li jkollok tikkanċella kif ukoll li teħel penali u tariffi marbuta mal-kanċellazzjonijiet.

Agħżel il-ħinijiet taċ-checkin u taċ-checkout għall-klijenti tiegħek u kemm tixtieq li jkollok żmien fejn il-post tiegħek jitħalla battal bejn booking u ieħor.

• Agħżel l-inqas u l-itwal għadd ta' ljieli għal żjara. Tista' toħloq tul tal-vjaġġi addattat għalik għal dati partikolari. Ara li dejjem timxi mal-liġijiet u mar-regolamenti tal-post fejn jinsab il-listing tiegħek.

• Ifhem kemm teħtieġ ħin biex tħejji l-listing. Kemm teħtieġ żmien biex int jew dawk li jgħinuk tnaddaf iħejju l-post bejn booking u ieħor? Ħafna Hosts iħallu lill-klijenti jibdew il-vjaġġ tagħhom dakinhar stess li klijenti oħra jkunu ħallew il-post. Oħrajn jimblukkaw lejl jew tnejn qabel u wara kull booking.

• Agħżel il-ħinijiet taċ-checkin u taċ-checkout għal-listing tiegħek. Agħżel fi x'ħin jistgħu jaslu l-klijenti u sa x'ħin għandhom joħorġu. Għandek ukoll l-għażla li tqiegħed ħin sakemm għandhom jaslu l-klijenti jekk ma tridhomx jagħmlu ċ-checkin tard wisq.

Tista' tagħżel li taċċetta l-bookings awtomatikament jew wieħed wieħed int stess. Das-setting ħafif ħafna biex tibdlu meta trid.

• Il-Booking Immedjat iħalli lil kull min għandu dak li tistenna mill-klijenti u jaqbel mar-regoli tad-dar tiegħek jibbukkja awtomatikament id-dati li għadhom miftuħa fuq il-kalendarju tiegħek. Il-klijenti xorta se jkunu jistgħu jikkuntattjawk jekk ikollhom xi mistoqsijiet.

• It-talbiet għall-booking jagħtuk 24 siegħa ċans biex taċċetta jew tiċħad talba ta' klijent qabel tiskadi. B'hekk ikollok biżżejjed ħin biex tikkonferma li l-klijenti jafu bir-regoli jew bil-karatteristiċi partikolari tal-post bħal, ngħidu aħna, li d-daħla waħdanija tal-post tista' tasal għaliha biss wara li titla' taraġ wieqaf ħafna. Jekk tħalli t-talbiet għall-booking jiskadu, fil-kalendarju tiegħek se nimblukkaw id-dati mitluba sakemm terġa' tiftaħhom.

Tagħżel liema metodu tal-booking tagħżel, ara li dejjem iżżomm il-kalendarju tiegħek aġġornat biex la jkollok bookings li jidħlu f'xulxin u lanqas ma jkollok għalfejn tikkanċella l-bookings.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.