Kif tuża l-messaġġi skedati biex tiffranka l-ħin

L-għodda tal-messaġġi awtomatiċi tgħinek taqsam mal-klijenti awtomatikament l-informazzjoni importanti f'mumenti partikolari bħal, ngħidu aħna, dakinhar taċ-checkin. B'hekk tista' toħloq messaġġi standard u tħejjihom biex jintbagħtu f'dawk il-mumenti meta l-klijenti hemm ċans iktar li jkunu jixtiequ dik l-informazzjoni.

Tista' wkoll toħloq tweġibiet ta' malajr, mudelli qosra li jintuża biex twieġeb l-iktar mistoqsijiet li jsirulek ta' sikwit u tiffranka l-ħin int u tikkomunika mal-klijenti.

Biex tikteb il-messaġġi u tagħżel meta għandhom jintbagħtu, iftaħ is-settings tal-messaġġi mit-tab Messaġġi.

Tista' tuża x-shortcodes biex tippersonalizza dal-messaġġi. Dawn ix-shortcodes jinbidlu bl-informazzjoni mil-listing u mill-booking tal-klijenti bħal, ngħidu aħna, ir-regoli tad-dar tiegħek, isem il-klijenti u d-data taċ-checkin. Ara li d-dettalji tal-listing tiegħek ikunu mimlijin u aġġornati għax il-messaġġi b'shortcodes vojta ma jintbagħtux sew.

Uża l-menù dropdown biex iddaħħal ix-shortcodes. Malli tlesti tikteb il-messaġġi, agħżel meta għandhom jintbagħtu billi tagħżel liema għemil tal-klijenti għandu jwassal biex jintbagħat il-messaġġ. Dejjem se tkun tista' tibdel, taqbeż jew tibgħat messaġġ qabel il-ħin biex taddatta għall-ħtiġijiet tiegħek.

Dan kif tista' tuża x-shortcodes għal messaġġ awtomatiku:

Għażiż/a [isem il-klijent],

Grazzi tal-booking! Ħerqana ħafna li nilqgħuk għandna nhar [data taċ-checkin]. Tista' jekk jogħġbok tgħidilna fi x'ħin beħsiebek tasal? B'hekk tkun qed tgħinna għaċ-checkin li s-soltu jkun minn [ħin taċ-checkin] 'il quddiem.

Hawn għandek xi ftit informazzjoni qasira dwar iż-żona: [viċinat]

Hawn għandek xi ftit informazzjoni dwar kif tmur minn post għall-ieħor: [minn post għall-ieħor]

Tista' taqra l-gwida tal-ivvjaġġar tagħna minn hawn: [gwida tal-ivvjaġġar] għall-pariri tagħna li jafu jkunulek ta' siwi int u żżur: [belt]. Se nibagħtulek l-informazzjoni dwar iċ-checkin xi ftit tal-jiem qabel il-vjaġġ tiegħek. Tiddejjaq xejn tistaqsina jekk ikollok xi mistoqsija.

Tista' tagħżel li tibgħat il-messaġġi meta trid. Nissuġġerulek tqis dawn il-mumenti biex tibgħat l-informazzjoni importanti lill-klijenti meta jkunu jeħtiġuha.

• Ftit wara l-booking: Ibgħat messaġġ lill-klijenti minnufih biex tgħidilhom li daħallek il-booking tagħhom u agħtihom id-dettalji u l-pariri tiegħek għaż-żjara.
• Qabel iċ-checkin: Fakkar lill-klijenti dwar iż-żjara tagħhom biex ikunu jistgħu jħejju għall-wasla. Dax-xorta ta' messaġġi ma jistgħux jintbagħtu qabel 14-il jum miċ-checkin.
• Dakinhar taċ-checkin: Anki jekk diġà jaf tkun qsamt id-dettalji taċ-checkin, ħafna klijenti jsibuha komda jekk terġa' tibagħtilhom l-iktar dettalji importanti dakinhar taċ-checkin, fosthom kif jistgħu jaslu sal-post tiegħek.
• L-ewwel jum taż-żjara: Iktbilhom biex tikkonferma li kollox sew u ara għandhomx xi mistoqsijiet.
• L-għada taċ-checkout: Għidilhom grazzi taż-żjara u fakkarhom jiktbulek review.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.