Kif tispjega x'qed tistenna mingħand kull klijent
Bħala parti mir-regoli bażi għall-Hosts, il-paġna tal-listing tiegħek għandha tagħti stampa ċara tal-post tiegħek u tispjega x'faċilitajiet u kumditajiet se jkunu disponibbli mill-ħin taċ-checkin sal-ħin taċ-checkout. Il-klijenti mhux se jieħdu gost isibu post li ma jaqbilx ma' dak li kien imwiegħed fil-listing.
Kif tgħarraf lill-klijenti x'jistgħu jistennew eżatt li jsibu
La għandek tesaġera l-benefiċċji tal-post tiegħek u lanqas għandek tħalli barra dettalji importanti. L-aħjar ħaġa li tagħmel hi li tgħid il-verità kollha dwar dak li jista' jdejjaq lill-klijenti dwar il-post u l-viċinat tiegħek (pereżempju li xorta jgħaddi ħafna dawl mill-purtieri filgħodu jew li hemm xi xogħol ta' bini fil-qrib).
Ipprova dal-pariri biex tiżgura li l-klijenti jkunu jafu x'għandhom jistennew li jsibu:
- Fid-deskrizzjoni tal-listing għid lill-klijenti dak kollu li għandhom jistennew li jsibu u żid xi ritratti bil-captions. Għidilhom jekk pereżempju se jsibu xi kelb fil-post jew jekk it-taraġ iżaqżaq.
- Agħti n-numru ta' kmamar u kmamar tal-banju veru. It-tip ta' listing għandu wkoll ikun jaqbel ma' dak li se jsibu l-klijenti—jekk il-listing tiegħek jinsab fi blokka appartamenti, tgħidx li hu dar fil-kampanja.
- Tesaġerax il-kumditajiet. Jekk il-post tiegħek jinsab siegħa 'l bogħod minn post popolari, tgħidx li huwa qrib—għid kemm jinsab eżatt 'il bogħod. Jekk il-pixxina jew il-hot tub mhux miftuħin il-ħin kollu, agħti l-ħinijiet fil-listing tiegħek.
Kif timpressjona lill-klijenti tiegħek
L-aqwa Hosts iwiegħdu inqas minn dak li joffru. Dan ifisser li ma joqogħdux jesaġeraw dak li joffru fil-listing u minflok jaħdmu biex joffru esperjenza mill-aqwa lill-klijenti tagħhom.
Dawn xi suġġerimenti fuq kif timpressjona lill-klijenti tiegħek waqt iċ-checkin:
- Uża ritratti realistiċi. Tużax ritratti meħuda minn angoli wiesgħa żżejjed jew bidliet fir-ritratti biex turi l-ispazju ikbar jew iktar imdawwal milli hu. F'ċerti postijiet tista' tqabbad fotografu professjonali direttament minn fuq Airbnb.
- Agħmel xogħol ta' żamma ta' sikwit. Dur l-ispazju tiegħek ta' sikwit biex tikkonferma li kull ħaġa msemmija fil-listing qiegħda hemm u taħdem kif suppost. Jekk għandek hot tub, pixxina, dishwasher jew kumditajiet bħal dawn, ara li qabel il-wasla tal-klijenti jkunu nodfa tazza u li jkunu qed jaħdmu sew.
- Offri xi ħaġa żejda lill-klijenti tiegħek bħala turija ta' apprezzament, pereżempju messaġġ qasir ta' merħba miktub bl-idejn jew kaxxa gallettini.