L-aġġornamenti jagħmlu l-kalendarju tiegħek eħfef biex tużah fuq il-mowbajl
Messaġġ mingħand l-editur: Dal-artiku ġie ppubblikat bħala parti mill-Aġġornament tas-Sajf 2023 ta' Airbnb. L-informazzjoni jaf laħqet inbidlet minn meta dal-artiklu ġie ppubblikat. Sir af iktar dwar l-aħħar verżjoni tas-servizz tagħna.
Il-kalendarju tal-Hosts huwa wieħed mill-iktar partijiet tal-app ta' Airbnb li jintuża. Għedtulna li bidliet żgħar kienu qed jieħdu ħafna ħin għax pereżempju kellkom tagħfsu fuq id-dati waħda waħda biex tagħżlu għadd ta' ġimgħat f'daqqa.
Qed inniedu żewġ bidliet biex nagħmluhielkom eħfef li tieħdu ħsieb il-kalendarju mill-mowbajl.
Żerżaq subgħajk biex tagħżel id-dati: Agħżel firxa ta' dati billi żżomm subgħajk fuq l-ewwel waħda mbagħad tkaxkru sal-aħħar data li tixtieq tagħżel. Biex nieħdu eżempju, il-ġimgħa d-dieħla għadha mhix ibbukkjata? Ibdel il-prezz li qed titlob għal dawk id-dati mingħajr ma jkollok għalfejn tagħlaq il-kalendarju jew tmur minn paġna għall-oħra.
Ħarsa lejn il-kalendarju sena b'sena: Minn Ġunju 'l quddiem se tkun tista' ssib id-disponibbiltà għal sena sħiħa flimkien mal-prezz ta' kull xahar minn post wieħed. Biex jintwerew it-12-il xahar kollha f'daqqa, agħżel "Sena" mill-menù dropdown li ssib fin-naħa ta' fuq tal-kalendarju tiegħek. Id-dati b'bookings li għaddejjin bħalissa, li mistennija għall-ġejjieni u dawk pendenti se jkunu mmarkati bl-istess kuluri li nużaw meta jkun qed jintwera l-kalendarju xahar b'xahar. Agħfas fuq liema xahar trid biex tibdel il-prezz ta' kull lejl għal dak ix-xahar kollu f'daqqa.
Għal kumdità ikbar, mexxejna l-għodod tal-prezzijiet kollha f'post wieħed fil-kalendarju. Kemm tagħfas fuq l-ikona tas-settings li ssib fir-rokna tal-lemin fin-naħa ta' fuq tal-iskrin. Tista' tuża wkoll il-buttuni ta' taħt il-prezz tiegħek biex tqabblu mal-prezz medju ta' listings fil-qrib li jixbhu lil tiegħek li ġew ibbukkjati jew biex tikseb rendikont ta' x'se jħallsu l-klijenti u kemm se ddaħħal int.
Dawn il-bidliet huma parti mill-Aġġornament tas-Sajf 2023 ta' Airbnb, b'25 bidla ġdida għall-Hosts. Ikseb Aċċess Bikri biex tibda tuża dal-għodod il-ġodda minn issa.