Kif issib id-dħul tiegħek
Tixtieq tifhem malajr kemm qed tagħmel flus jew kemm nistmaw li se tagħmel flus? Iċċekkja l-istatus tal-ħlasijiet tiegħek mid-Dashboard tad-dħul.
Fejn tista' ssib id-dħul tiegħek
Biex issib kif sejrin il-listings tiegħek, iftaħ it-taqsima Dħul u kabbar il-grafika biex tiftaħ id-dehra interattiva tad-dħul. Din se turik id-dħul tiegħek maqsum xahar b'xahar jew sena b'sena u maqsum skont il-listing. Tista' tuża l-filtru biex tagħżel l-informazzjoni ta' liema listings għandha tintwera.
Sir af iktar dwar kif tniżżel fajl bid-dħul tiegħek. Tista' wkoll issir taf iktar dwar il-grafika tad-dħul tiegħek miċ-Ċentru tar-Riżorsi.
Dħul interattiv
Id-Dashboard tad-dħul għandha grafika interattiva tad-dħul li turik id-dħul li għamilt xahar b'xahar u sena b'sena, li tħallik tiffiltra skont il-listing u li tagħtik iktar dettalji dwar is-snin l-imgħoddija u l-istimi għall-ġejjieni.
Taqsira mill-bidu tas-sena
Taqsira tal-flus kollha li daħħalt minn kull booking mill-bidu tas-sena għal dik is-sena. Turik ukoll it-tariffi għas-servizz, it-taxxi, kull tnaqqis ieħor u kemm qlajt flus wara dat-tnaqqis.
Dħul mistenni
Id-Dashboard tad-dħul se turik it-tliet tranżazzjonijiet li jmiss imma tista' tagħżel Uri t-tranżazzjonijiet mistennija kollha biex nuruk il-lista sħiħa.
Tista' tiffiltra t-tranżazzjonijiet mistennija bid-data u bil-listing u tista' tfittex tranżazzjoni partikolari billi ddaħħal il-kodiċi tal-konferma jew is-somma tal-ħlas għall-booking.
Biex issib id-dettalji ta' tranżazzjoni, id-data ta' meta mistennija titħallas u kif inħadem il-ħlas, iftaħ dik it-tranżazzjoni. Tista' wkoll tibdel il-metodu tal-ħlas tat-tranżazzjoni billi tagħfas fuq ibdel il-metodu tal-ħlas tiegħek.
Dħul imħallas
Id-Dashboard tad-dħul se turik l-aħħar tliet tranżazzjonijiet imħallsa imma tista' tikklikkja fuq Uri t-tranżazzjonijiet imħallsa kollha biex nuruk il-lista kollha.
Agħżel kull ringiela biex tikseb id-dettalji tad-dħul fosthom id-dettalji tal-booking, il-bidliet fil-booking u d-dettalji tal-kanċellazzjoni.
Jekk għandek iktar minn listing wieħed b'bookings li jibdew fl-istess jum, il-ħlasijiet jafu jintbagħtu flimkien u għalhekk se jintwerew f'ringiela waħda.
Jekk taf xi flus lil klijent minħabba kanċellazzjoni jew bidla fil-booking, tista' żżomm kont tiegħu bid-Dashboard tad-dħul. Sir af iktar kif jaħdmu l-bidliet fid-dħul tiegħek.
Meta se nħallsuk
Meta titħallas jiddependi mit-tul taż-żjara tal-klijent, mill-ħin meħtieġ biex il-metodu tal-ħlas li tkun għażilt jipproċessa l-ħlas u minn jekk intix Host ġdid jew le. Sir af iktar dwar meta se titħallas.
Artikli relatati
- Host
Kif issib jekk il-metodu tal-ħlas tiegħek hux jaħdem
Tista' tara jekk l-istatus ħdejn il-metodu tal-ħlas tiegħek hux Standard, Pendenti, Żball jew mingħajr ebda status (jiġifieri diġà verifikat… - Host
Meta se tirċievi l-ħlas tiegħek
Ħafna drabi nibagħtu l-ħlasijiet madwar 24 siegħa wara li l-klijent jagħmel iċ-checkin. Biss, meta jidħlulek il-flus jiddependi mit-tul taż-… - Host
Xi tfisser bidla fid-dħul tiegħek
Aġġustament huwa l-ammont ta' flus dovut minn host minħabba kanċellazzjoni, bidla fil-booking jew ksur tal-Politika tal-Ħlas Lura lill-Klije…