Is-sigurtà tal-Hosts u tal-klijenti

Biex niżguraw li ż-żjarat, l-Esperjenzi u l-interazzjonijiet ikunu siguri, ċerti attivitajiet u mġibiet mhux aċċettati fil-komunità tagħna.

X'naċċettaw

• Difiża personali: Jekk xi darba tisfa vittma ta' attakk fiżiku matul żjara jew Esperjenza, għandek il-permess tiddefendi lilek innifsek b'forza proporzjonata sakemm il-periklu jintemm.
• Armi permessi: Bl-eċċezzjoni tal-isplussivi jew l-affarijiet li jqabbdu n-nar u l-armi tan-nar, bħala klijent jew parteċipant tista' tieħu miegħek armi miżmuma b'mod legali jew armi mhux letali biss f'każ li jkunu mħarsa b'mod sigur u l-Host jew l-Organizzatur tiegħek ikun avżat dwarhom qabel il-wasla. Bħala Host, fl-akkomodazzjoni tiegħek tista' żżomm armi miżmuma b'mod legali sakemm dawn ikunu mħarsa b'mod sigur imma għandek tavża lill-klijenti bl-armi kollha anke jekk ikunu jinsabu f'post li ma jidhirx faċilment jew jekk il-klijenti ma jkunux jistgħu jsibuhom. Sir af iktar dwar ir-regoli marbuta mal-armi f'listing tagħna.

X'ma naċċettawx

• Theddid jew abbuż: It-theddid, il-vjolenza jew l-abbuż fil-konfront ta' oħrajn, inklużi sħab intimi, tfal, annimali u persuni morda jew b'diżabbiltà, mhumiex ittollerati fil-komunità tagħna.
• Aggessjonijiet u fastidji sesswali: Kull xorta ta' aggressjonijiet u fastidji sesswali huma pprojbiti. Kull mess jew imġiba ta' namur jew sesswali mhux mixtieqa jew mitluba jew taħditiet dwar relazzjonijiet personali jew preferenzi sesswali mhumiex aċċettabbli.
• Annimali perikolużi jew illegali: Ma naċċettawx li tieħu miegħek annimali li r-rażża jew l-ispeċi tagħhom hija illegali fil-post fejn jinsab il-listing jew fejn titmexxa l-Esperjenza. Il-pets u l-annimali tar-razzett u dawk slavaġ li jistgħu joħolqu riskju għas-sigurtà matul booking għandhom jiġu magħluqa b'mod sigur u l-klijenti u l-parteċipanti għandhom jiġu avżati dwarhom bil-quddiem. M'għandekx għalfejn tavża lill-klijenti jew lill-parteċipanti dwar annimali li ma wrewx sinjali ta' periklu għax l-għodda tagħna hija maħsuba biss għall-"annimali perikolużi". Sir af iktar dwar ir-regoli dwar l-annimali perikolużi tagħna.
• Tagħmir splussiv, tagħmir li jqabbad in-nar jew armi tan-nar: Dawn l-oġġetti qatt m'huma permessi waqt żjara jew Esperjenza, anki jekk huwa legali li jkollok dawn l-oġġetti fiż-żona tiegħek.
• Armi mhux imħarsa/li l-klijenti jew il-parteċipanti mhux avżati bihom. Il-klijenti u l-parteċipanti għandhom jiġu avżati b'kull arma miżmuma b'mod legali u dawn l-armi għandhom jiġu mħarsa b'mod sigur u kif suppost.

Qegħdin hawn biex ngħinuk

Jekk hemm xi emerġenza fis-seħħ, ikkuntattja lis-servizzi tal-emerġenza jew lill-forzi tal-ordni tal-post għall-għajnuna.

Għal problemi oħra marbuta mas-sigurtà, aħna qegħdin hawn għalik 24 siegħa kuljum. Aqra iktar dwar kif tista' tikkuntattjana miċ-Ċentru tal-Għajnuna tagħna.

Aħna nieħdu t-theddid ta' suwiċidju u li persuna se tweġġa' lilha nnifisha bis-serjetà ħafna u jekk niġu avżati li hemm riskju imminenti għas-sigurtà, nistgħu nikkuntattjaw lill-awtoritajiet biex jiċċekkjaw il-kundizzjoni tal-persuna. Jekk inti jew xi ħadd ieħor tħossukhom mhedda jew mhux siguri, jekk jogħġbok l-ewwel ikkuntattjaw lill-forzi tal-ordni lokali biex jgħinukhom.

Bħal dejjem, jekk tiltaqa' ma', jew tisfa vittma ta' mġiba li taħseb li tista' tikser il-politiki tagħna, jekk jogħġbok avżana dwarha.