Kif tivverifika l-kont u d-dettalji tan-negozju tiegħek bħala Host professjonali

Meta tilqa' n-nies jew tgħin lin-nies jilqgħu l-klijenti fuq Airbnb jaf nitolbuk tagħtina informazzjoni bħall-isem uffiċjali, id-data tat-twelid jew dokument tal-identità maħruġ mill-gvern tiegħek biex nivverifikaw min int. Jaf nitolbu lill-Hosts professjonali jagħtuna d-dettalji dwar in-negozju tagħhom u n-nies li se jgħinuhom iħaddmu l-kont. Sir af iktar dwar kif tifhem intix Host professjonali jew Host privat.

Aħna obbligati bil-liġi li nwettqu proċess magħruf bħala Sir Af il-Klijent Tiegħek (KYC) li matulu niġbru xi dettalji tan-negozju. Jekk xi ħaġa ma tkunx kif suppost, jaf nillimitawlek il-kont tiegħek u jaf ma tkunx tista' titħallas. Jekk inkunu neħtieġu dil-informazzjoni għall-kont tiegħek, se nibagħtulek email u notifika fl-app bl-istruzzjonijiet ta' kif tista' tagħtina dak li neħtieġu.

F'xi reġjuni, il-liġi tobbligana nuru xi dettalji tan-negozju fuq il-listings imtella' min-negozji. Wara li nivverifikaw id-dettalji tan-negozju li tkun tajtna, il-listing tiegħek jista' jiġi ppubblikat.

Tista' taqra l-Politika tal-Privatezza tagħna biex tifhem aħjar kif nużaw u nħarsu l-informazzjoni li taqsam magħna u biex issir taf iktar dwar kif Airbnb tħares il-fiduċja u s-sigurtà.

Meta nivverifikaw id-dettalji tal-kont u tan-negozju tiegħek

Se nitolbuk iżżid l-informazzjoni meħtieġa għal Sir Af il-Klijent Tiegħek meta toħloq kont ta' Host ġdid. Fir-reġjuni fejn obbligati nuru d-dettalji tan-negozju fuq il-listings, int u toħloq il-listing tiegħek bħala Host professjonali jaf nitolbuk iktar dettalji tan-negozju.

X'jiġri jekk ma tagħtix l-informazzjoni tiegħek

Jekk ma tagħtix l-informazzjoni meħtieġa jaf ma tkunx tista' taċċetta l-bookings jew titħallas.

Jekk nitolbuk tagħti iktar dettalji dwar in-negozju tiegħek int u toħloq il-listing, mhux se tkun tista' tippubblika l-listing qabel tagħtina l-informazzjoni li nkunu tlabniek.

Id-dettalji tan-negozju li jaf ikunu meħtieġa jiġu validati u murija fuq il-listings

Fir-reġjuni fejn il-liġi titlobna nagħmlu hekk, se nitolbuk l-informazzjoni dwar in-negozju tiegħek bħal:

• Id-dettalji tar-reġistrazzjoni tan-negozju (jekk ikun il-każ): Fosthom il-pajjiż fejn huwa rreġistrat in-negozju tiegħek, ir-reġistru bl-informazzjoni dwar in-negozju u n-numru tar-reġistrazzjoni tan-negozju tiegħek. Sir af iktar dwar kif issib id-dettalji tar-reġistrazzjoni tan-negozju tiegħek.
• L-isem uffiċjali tan-negozju: Jekk in-negozju tiegħek irreġistrat, dan għandu jkun l-istess isem li jintwera fid-dettalji tar-reġistrazzjoni tan-negozju tiegħek.
• L-indirizz tan-negozju: In-negozji reġistrati għandhom jużaw l-indirizz li jintwera fir-reġistri pubbliċi. In-negozji mhux reġistrati għandhom jużaw l-istess indirizz li jużaw fuq il-fatturi u d-dokumenti tat-taxxa u li jistgħu jkunu l-istess bħall-indirizz tad-dar.
• In-numru tal-mowbajl u l-indirizz tal-email: Jeħtieġlek tikkonferma n-numru tal-mowbajl u l-indirizz tal-email tan-negozju tiegħek b'kodiċi ta' darba għal kull wieħed.
• Jaf nitolbuk ukoll tivverifika l-identità tiegħek.

Se tkun tista' tibdel id-dettalji tan-negozju tiegħek jekk fil-ġejjieni xi informazzjoni tan-negozju tiegħek tinbidel jew tkun tixtieq turi l-isem kummerċjali minflok l-isem uffiċjali tan-negozju tiegħek.

Biex tivverifika d-dettalji tan-negozju tiegħek:

Ѕе ngħаrrfuk fi ftit żmien mаllі nіkkоnfеrmаw іd‐dеttаlјі tаn‐nеgоzјu tіеgħеk јеw јеkk іnkunuх nеħtіеġu хі іnfоrmаzzјоnі оħrа.

Fejn nuru d-dettalji tan-negozju tiegħek

Fir-reġjuni fejn bil-liġi obbligati nuru d-dettalji tan-negozju, fuq il-profil tiegħek bħala Host u fuq il-paġni tal-listings se jkun hemm il-link Uri d-dettalji tan-negozju. Meta xi ħadd jikklikkja jew jagħfas fuqha, se nuru d-dettalji tan-negozju tiegħek.

Liema informazzjoni meħtieġa għal Sir Af il-Klijent Tiegħek (KYC)

Nissuġġerulek biex qabel tibda, taqra dil-lista t'hawn taħt biex tgħinek tifhem aħjar x'informazzjoni neħtieġu u kif iddaħħalha kif suppost:

• L-informazzjoni dwarek: L-informazzjoni dwar il-persuna li qed tħaddem il-kont f'isem in-negozju
• In-negozju tiegħek: Anki għal min jaħdem għal rasu jew jinsab fi sħubija kummerċjali
• Is-sidien benefiċjarji: Kull min għandu direttament jew indirettament mill-inqas 25% tan-negozju
• Maniġers tal-kont: Kull persuna oħra li tuża l-kont tal-Host

Qabel tibda ara li jkollok dil-informazzjoni kollha.

Jaf ukoll nitolbuk dettalji mhux obbligatorji bħal:

• Id-data tat-twaqqif tan-negozju (mhix obbligatorja)
• L-indirizz tal-websajt tan-negozju (mhix obbligatorja)

Il-passi meħtieġa biex tivverifika l-informazzjoni tiegħek għal Sir Af il-Klijent Tiegħek

1. Ibda żid l-informazzjoni meħtieġa

Żomm f'moħħok: L-uniċi Hosts li se jirċievu n-notifika bl-email u fl-app huma dawk li neħtiġuhom jagħtuna d-dettalji tagħhom.

Parir: Tista' ssib fejn wasalt u kemm bejn wieħed u ieħor se jeħodlok ħin kull pass biex jitlesta fil-linja li tintwera taħt kull taqsima li għadha mhix lesta. Meta trid dejjem tista' tagħżel Erfa' u oħroġ biex terfa' l-informazzjoni li tkun diġà daħħalt jekk tkun teħtieġ iktar żmien biex tagħti d-dettalji meħtieġa.

2. Agħżel id-deskrizzjoni tal-kont tiegħek

Se ssib għadd ta' għażliet bid-deskrizzjonijiet ta' kull xorta ta' negozju. Agħżel l-eqreb għażla għax-xorta ta' negozju tiegħek u kklikkja jew agħfas fuq Li jmiss biex tkompli.

3. Żid id-dettalji tiegħek

Daħħal l-informazzjoni mitluba fit-taqsima Ikkonferma d-dettalji tiegħek.

• Dit-taqsima hija għad-dettalji tal-persuna li se tkun qed tieħu ħsieb il-kont tal-Host f'isem in-negozju.
• Il-persuna li tħaddem il-kont jeħtiġilha tikkonferma wkoll li għandha s-setgħa li tieħu ħsieb il-kont ta' Airbnb f'isem in-negozju.
• Jekk ikun hemm iktar minn persuna waħda qed tagħmel hekk, jeħtieġlek tagħżel il-persuna ewlenija u ddaħħal id-dettalji tagħha. L-oħrajn kollha għandhom jiżdiedu fit-taqsima Maniġers tal-kont.

4. Żid id-dettalji tan-negozju tiegħek

Issa żid id-dettalji dwar in-negozju tiegħek fit-taqsima Żid id-dettalji tan-negozju tiegħek.

• Jekk sid in-negozju huwa kumpanija oħra, jeħtieġlek iddaħħal id-dettalji tan-negozju tiegħek (u mhux tal-kumpanija-sid).
  
• Mhux se tintalab timla l-Isem kummerċjali sakemm ma tkunx qed tuża isem kummerċjali differenti mill-isem uffiċjali tan-negozju tiegħek.
  • Isem kummerċjali: Xi negozji jużaw isem differenti minn dak li rreġistraw fuq id-dokumenti u/jew il-websajt tagħhom. Dan jista' jintwera bħala "trading as" (T/A) jew "doing business as" (DBA). Dan bħal meta, ngħidu aħna, l-isem uffiċjali jkun "Vjaġġi Limited" imma n-negozju jirriklama lilu nnifsu bħala "Malta Holidays".
• Jekk int qed taħdem għal rasek jew fi sħab u m'għandekx isem uffiċjali tan-negozju, daħħal l-isem uffiċjali tiegħek jew tas-sħubija fit-taqsima Isem uffiċjali tan-negozju.

5. Żid is-sidien benefiċjarji

Skont ix-xorta ta' negozju li tagħżel, jaf nistaqsuk dwar is-sidien benefiċjarji.

• Jekk il-persuna li daħħalt fit-taqsima Id-dettalji tiegħek hija wkoll sid benefiċjarju, m'għandekx għalfejn terġa' ddaħħal dik l-informazzjoni dwarha; kemm tagħżel li dik il-persuna hija sid benefiċjarju wkoll.
• Tista' żżid sa 4 sidien benefiċjarji u tagħti l-perċentwali ta' sjieda għal kull wieħed minnhom.
• Jekk is-sjieda tan-negozju tiegħek tinsab f'idejn negozju ieħor, aħna nkunu neħtieġu d-dettalji tas-sidien ta' dik il-kumpanija. Jekk il-binja tal-kumpanija tiegħek hija kumplikata, jaf ikollok tfittex fil-fond biex issib in-nies li fl-aħħar għandhom mill-inqas 25% tan-negozju tiegħek.
• Jekk ħadd m'għandu jew ħadd ma jikkontrolla mill-inqas 25% tan-negozju tiegħek, jaf nitolbuk tagħtina l-informazzjoni marbuta mal-bniedem li jieħu ħsieb in-negozju (bħal, ngħidu aħna, id-Direttur jew is-CEO). Dit-taqsima tissejjaħ Maniġer tan-negozju u se tintwera minflok it-taqsima Sid benefiċjarju jekk tgħidilna li m'hemmx sidien benefiċjarji.

6. Żid il-maniġers tal-kontijiet

Fit-taqsima Żid maniġer tal-kont jaf nitolbuk xi informazzjoni dwar kull min jieħu ħsieb il-kont. Jekk ħadd iktar mhu se jieħu ħsieb il-kont, se ssib l-għażla li timmarka hekk.

Hekk kif tlesti dik il-formola, ikklikkja jew agħfas fuq Ibgħat.

X'jiġri wara li ttella' l-informazzjoni ta' Sir Af Il-Klijent Tiegħek

Matul il-pass li jmiss se nivverifikaw l-informazzjoni. Għalkemm se nippruvaw nivverifikaw l-informazzjoni mingħajr ma ntellfuk, bħala parti mill-proċess ta' verifika jaf nitolbuk ftit iktar informazzjoni u/jew dokumenti fosthom:

• Karta tal-identità maħruġa mill-gvern (mhux skaduta) għall-persuna msemmija fit-taqsima Id-dettalji tiegħek. Jaf nitolbuk ittella' dil-informazzjoni fid-Dettalji tal-kont f'taqsima li se tintwera biss jekk inkunu tlabniek dokument tal-identità għal dil-persuna.

• Dokument tal-identità maħruġ mill-gvern (mhux skadut) għas-sid(ien) benefiċjarji jew għall-maniġer tan-negozju (skont ma jkun il-każ). Jaf nitolbuk ittella' dad-dokument f'Talba għall-informazzjoni.

• Id-dokumenti tan-negozju li juru kif tinqasam sjiedet in-negozju tiegħek. Jaf nitolbuk ittella' dad-dokument f'Talba għall-informazzjoni.

• Iktar dettalji u bidliet f'każ li l-informazzjoni fuq id-dokument tal-identità u/jew id-dokumenti li ttella' ma jaqblux (bħal, ngħidu aħna, l-ismijiet uffiċjali, id-dati tat-twelid). F'dak il-każ nitolbuk tibdel dil-informazzjoni mid-Dettalji tal-kont.

Kif se nikkuntattjawk

Jekk inkunu neħtieġu nikkuntattjawk aħna u nivverifikaw l-informazzjoni dwarek, se niktbulek b'messaġġ u bl-email. Importanti li żżur il-messaġġi tal-Host tiegħek ta' sikwit biex tiftaħ il-links li nkunu bgħatnielek biex tlesti l-proċess tal-verifika. Jekk qed tuża softwer tal-imsieħba tagħna (API) bil-faċilità li jgħarrfek, se tirċievi dawn in-notifiki bl-API tiegħek ukoll.

Links għat-tlugħ tad-dejta

Jekk nitolbuk xi dokumenti ta' prova, ara li tiftaħ il-links li t-tim tal-għajnuna ta' Airbnb jibgħatlek fil-messaġġ li se ssib fil-messaġġi tal-Host tiegħek. Tista' ssib fejn ittella' d-dokumenti ta' prova billi tiftaħ dawn il-links biss:

• Id-dokumenti tal-identità għall-persuna msemmija fit-taqsima Id-dettalji tiegħek: Dettalji tal-kont

• Id-dokument tal-identità għas-sidien benefiċjarji jew għall-maniġer tan-negozju (skont il-każ): Talba għall-informazzjoni

• Dokument tan-negozju bħal, ngħidu aħna, dokument li juri s-sjieda tan-negozju tiegħek: Talba għall-informazzjoni
  • Xi drabi jaf nitolbuk tagħtina dokument tan-negozju billi tehmżu direttament mat-tweġiba għat-talba tagħna

Żomm f'moħħok: M'għandekx għalfejn tibgħat dil-informazzjoni jekk ma nitolbuhielekx. Jekk ma tlabniek xejn mhux se tkun tista' ttella' d-dokumenti.

X'naqsmu ma' ħaddieħor

L-informazzjoni tan-negozju tiegħek se tiġi pproċessata skont il-Politika tal-Privatezza tagħna.

Nistgħu naqsmu l-informazzjoni tan-negozju tiegħek ma' operaturi ta' servizzi barranin awtorizzati biex jgħinuna fil-verifika, bħal, ngħidu aħna, biex nawtentikaw l-informazzjoni tan-negozju tiegħek.

Kif nużaw u nieħdu ħsieb id-dejta tiegħek

Ħаdd ħlіеf іl‐ħаddіеmа аwtоrіzzаtі tа' Аіrbnb u l‐ореrаturі tаѕ‐ѕеrvіzzі аwtоrіzzаtі lі mhuх раrtі mіll‐kumраnіја tаgħnа mhu ѕе јkun јіѕtа' јіftаħ l‐іnfоrmаzzјоnі lі tіbаgħtіlnа. Aħna nħarsu d-dejta tiegħek skont il-liġijiet u r-rekwiżiti legali l-oħra kollha fis-seħħ, fosthom:

• Iż-żmien meħtieġ biex nilqgħu kontra l-qerq u nħarsu l-pjattaforma tagħna
• Inħarsu l-linji gwida tal-komunità ta' Airbnb
• Nimxu mal-liġijiet tat-taxxi u tal-pagamenti

Aħna nħarsu d-dejta miġbura bħala parti mill-proċess tal-verifika tan-negozju wara ċertu żmien magħżul minna, jekk ma jkun fadlilha l-ebda siwi għall-għan li nkunu ġbarnieha għalih jew jekk nipproċessaw talba mis-suġġett tad-dejta għat-tħassir tad-dejta. Biex nimxu mal-liġi jew jekk il-liġi tħallina nagħmlu hekk, f'xi sitwazzjonijiet jaf inżommu d-dejta.

Mistoqsijiet Komuni dwar il-verifika

X'xorta ta' dokumenti tal-identità maħruġa mill-gvern naċċettaw?

Naċċettaw il-biċċa l-kbira tad-dokumenti tal-identità maħruġa minn gvern biex nivverifikawk. Sir af iktar dwar ix-xorta ta' dokumenti tal-identità li tista' tuża.

Għaliex ċħadtuli dokument li bgħattilkom?

Jekk ma nkunux nistgħu nivverifikaw min int bid-dokumenti li tkun bgħattilna, se nikkuntattjawk u nitolbuk ittella' oħrajn ġodda. Xi eżempji għaliex ma nkunux nistgħu nużaw dokument tal-identità li tkun tellajt:

• Skadut
• Imżelleġ wisq biex naqrawh
• Ma nħariġx mill-gvern
• Huwa dokument ta' xi ħadd li mhux marbut mal-kont (eż.: għalkemm ktibt li persuna A se tkun qed tieħu ħsieb il-kont, tellajt id-dokument tal-identità ta' persuna B)

Xi eżempji għaliex ma nkunux nistgħu nużaw dokument tan-negozju li tkun tellajt:

• Ma jagħtix l-informazzjoni li neħtieġu bħal, ngħidu aħna, min hu sid in-negozju u kif tinqasam is-sjieda bejn is-sidien
• Mhux dokument uffiċjali jew minn sors indipendenti
• Id-dokument skada

X'xorta ta' dokument tan-negozju nistgħu nitolbuk?

Jaf nitolbuk tagħtina dokument li juri kif inhi magħmula s-sjieda tan-negozju tiegħek. Dad-dokumenti għandu juri l-aħħar informazzjoni dwar is-sidien benefiċjarji tan-negozju tiegħek fosthom l-isem u l-kunjom u l-perċentwali tas-sehem jew kif tinqasam is-sjieda (bħal, ngħidu aħna, kif inhuma maqsumin l-ishma).

Jekk in-negozju tiegħek għandu entitajiet legali oħra bħal sidien, jaf nitolbuk iktar dokumenti marbuta mal-kumpanija sid biex nifhmu min huwa s-sid benefiċjarju.

X'xorta ta' dokumenti tan-negozju nista' ntella'?

Jaf ikun jeħtieġlek ittella' xi dokumenti uffiċjali skont ix-xorta ta' negozju li tmexxi u l-post fejn jinsab. Id-dokumenti għandhom juru isem sid(ien) in-negozju.

Fil-biċċa l-kbira nistgħu naċċettaw dokumenti tan-negozju bħalma huma:

• L-istatut tal-kumpanija
• Iċ-ċertifikat tat-twaqqif tal-kumpanija
• Iċ-ċertifikat ta' qagħda legali
• Iċ-ċertifikat tar-reġistrazzjoni tal-kumpanija
• Ir-regoli tal-kumpanija
• Il-ftehim tat-twaqqif tal-kumpanija
• Iċ-ċertifikat tal-VAT jew prova tar-reġistrazzjoni ta' numru tal-VAT

L-ismijiet ta' dawn id-dokumenti jistgħu jkunu ftit differenti; skont il-pajjiż fejn in-negozju tiegħek huwa reġistrat. Hawn tista' ssib lista b'eżempji ta' dokumenti li nafu nkunu nistgħu naċċettaw.

Fejn nista' nsib id-dokumenti tan-negozju tiegħi?

Jaf ikollok titlob l-għajnuna ta' xi ħadd li jaħdem miegħek jekk m'inix il-persuna responsabbli mill-mili tad-dokumenti għan-negozju tiegħek. Dan jista' jkun bħal, ngħidu aħna, is-segretarju, xi uffiċjal jew avukat tal-kumpanija tiegħek.

Il-Co-Hosts tiegħi se jkollhom joqogħdu jivverifikaw irwieħhom?

Jekk qabbadt Co-Host jew Koorganizzatur għal-listing jew għall-Esperjenza tiegħek, dil-persuna jeħtieġ li jkollha l-kont ta' Airbnb tagħha. Skont il-jeddijiet tal-aċċess li jkollhom, jafu jintalbu jagħtu l-informazzjoni dwarhom infushom bħal, ngħidu aħna, l-isem u l-kunjom uffiċjali, id-data u l-post tat-twelid u d-dokument tal-identità.

Għandi iktar minn kont tal-Host wieħed. Kif nista' nkun naf liema kontijiet teħtieġu l-informazzjoni jew id-dokumenti dwarhom?

Se nibagħtulek notifika bl-email fuq l-indirizz tal-email marbut mal-kont tal-Host li jkun qed jiġi ċċekkjat.

Għandi iktar minn kont tal-Host wieħed u l-kontijiet kollha huma tal-istess persuna/i. Hemm xi ħaġa oħra li għandi nkun naf?

Jekk għandek iktar minn kont tal-Host wieħed, għal iktar informazzjoni u għall-għajnuna jekk jogħġbok ikkuntattja lill-Maniġer tal-Kont ta' Airbnb tiegħek.

Aħna kumpanija li nieħdu ħsieb il-propjetà u noffru servizzi tal-ospitalità lis-sidien tal-propjetà. X'informazzjoni triduna ndaħħlu fil-formola ta' Sir Af il-Klijent Tiegħek?

Fit-taqsima Id-dettalji tiegħek tal-proċess Sir Af il-Klijent Tiegħek jeħtiġilkom tagħtu d-dettalji tal-bniedem li se jkun qed juża l-kont tal-Host f'isem in-negozju. Wisq probabbli dal-bniedem se jkun wieħed mill-ħaddiema tal-kumpanija li tmexxi l-propjetà tiegħek.

Fit-taqsima Informazzjoni dwar in-negozju jeħtieġlek tagħti d-dettalji tal-kumpanija li tmexxi l-propjetà (bħal, ngħidu aħna, in-numru tar-reġistrazzjoni tan-negozju).

Fit-taqsima Sidien benefiċjarji jeħtieġlek iżżid in-nies kollha li għandhom sjieda jew kontroll ta' mill-inqas 25% fil-kumpanija li tmexxi l-propjetà. Jekk ħadd m'għandu sjieda ta' jew jikkontrolla 25% tan-negozju, fit-taqsima Maniġer tan-negozju għandek tagħti d-dettalji tal-bniedem responsabbli mit-tmexxija tal-kumpanija li tmexxi l-propjetà, bħal, ngħidu aħna, Direttur jew CEO.

Aħna kumpanija li tmexxi l-propjetà li noffru servizzi tal-ospitalità għal sidien il-propjetà u nħallsu lil dawk is-sidien direttament mill-kont tal-Host ta' Airbnb tagħna. Jeħtiġilna nagħtu iktar informazzjoni dwar dawn il-ħlasijiet?

Iva, jekk iżżid kont tal-bank fit-taqsima tal-ħlasijiet tal-kont tiegħek b'isem ġdid (bħal, ngħidu aħna, f'isem sid il-propjetà) jaf nitolbuk tagħżel x'rabta għandek ma' dal-bniedem minn lista ta' għażliet. "Sid il-propjetà" hija waħda mill-għażliet li tista' tagħżel.

Nista' fil-ġejjieni nintalab iktar informazzjoni wara li ngħaddi mill-proċess ta' verifika?

Fil-ġejjieni jaf ikollna niktbulek u nitolbuk iktar informazzjoni. Dan jista' jseħħ jekk ikun hemm xi bidla fil-kont tiegħek (eż.: ħaddiem ġdid isir il-kuntatt ewlieni responsabbli mill-ħidma tal-kont tal-Host). Aħna obbligati mil-liġi li kull tant żmien nerġgħu nivverifikaw l-informazzjoni li għandna biex niżguraw li l-informazzjoni kollha għadha tajba. F'dak il-każ ukoll jaf nerġgħu nikkuntattjawk.

X'jiġri jekk ma nweġibx għat-talbiet biex nagħti iktar dokumenti jew informazzjoni?

Il-ħlasijiet tiegħek jafu jiġu sospiżi sakemm tagħtina l-informazzjoni meħtieġa.

Għalkemm l-informazzjoni tagħna ma nbidlitx minn meta għaddejt mill-proċess Sir Af il-Klijent Tiegħek, it-taqsimiet fil-formola m'għadhomx jistgħu jinbidlu. X'għandi nagħmel?

Jekk jogħġbok ikkuntattjana biex inħalluk tibdel l-informazzjoni fil-formola.

Kif tikkuntattjana

• It-taħditiet mat-tim tagħna jingħalqu wara li jgħaddu għadd ta' jiem (ħafna drabi 30 jew 90 jum). Jekk jogħġbok ikkuntattjana għal iktar għajnuna jekk ma tistax twieġeb xi messaġġ dwar il-verifika Sir af il-Klijent Tiegħek mill-Messaġġi tiegħek.

• Jekk jogħġbok ikkuntattjana għal iktar għajnuna jekk tħabbat wiċċek ma' xi problema teknika (eż.: nitolbuk ittella' dokument tal-identità imma meta tagħfas fuq il-link ma jkollokx l-għażla li ttella' dokument tal-identità).

• Tiddejjaqx tistaqsi lill-Maniġer tal-Kont tiegħek jekk ikollok xi problemi marbuta mal-proċess ta' Sir Af il-Klijent Tiegħek. Dan ikun jista' jgħinek aħjar b'dak li jkun jonqsok tagħmel biex tivverifika ruħek.

• Jekk ikollok xi mistoqsijiet oħra tista' tikkuntattjana wkoll.

Eżempji ta' dokumenti tan-negozju

Hawn taħt hawn lista ta' eżempji ta' dokumenti li, skont fejn jinsab irreġistrat in-negozju, nistgħu naċċettaw. Jekk jogħġbok ikkuntattjana biex inkunu nistgħu ngħinuk jekk ikollok xi problema tifhem x'dokumenti għandek ittella'.