Uża dawn il-pariri biex tagħmel tindifa professjonali

Jekk tixtieq tagħti ospitalità ta' ħames stilel, tindifa bir-reqqa bejn booking u ieħor hija importanti ħafna. Waħda mill-raġunijiet ewlenin għaliex il-klijenti jagħtu rating ta' inqas minn ħames stilel hija n-nuqqas ta' ndafa.

Tħallix li t-trab, it-tbajja' jew l-irwejjaħ jgħarrqulek livell ta' ospitalità mill-aqwa. Ipprova dawn il-pariri mogħtija minn Diana Cruz, esperta tat-tindif. Hi u żewġha jnaddfu madwar tużżana postijiet ġewwa l-Lbiċ ta' Florida għal Hosts ta' Airbnb.

Agħmilha eħfef li tieħu ħsieb it-tindif u evita li tinsa xi ħaġa. Diana tuża ħwejjeġ siewja bħal dawn:

• Mopp tal-mikrofibra bi xkupilji żgħar biex taħsel l-art u tilħaq dawk l-irkejjen li jaf issibha bi tqila tilħaqhom
• Barmil maqsum fi tnejn biex tifred l-ilma bis-sapun mill-ilma għat-tlaħliħ
• Vacuum cleaner b'manek apposta għat-twapet u għall-postijiet li jaf issibha bi tqila tilħaqhom bħal, ngħidu aħna, taħt il-bibien li jiżżerżqu
• Pajp tad-doċċa li jinqala' biex taħsel is-sinkijiet, il-banji u d-doċċi li mingħajru tkun iebsa li taħsilhom
• Barraxa għall-ħġieġ biex tnaddaf il-cookers u l-bibien jew il-ħġieġ tad-doċċa
• Prodotti għat-tindif mhux tossiċi biex tneħħi t-tbajja', il-marki tas-sapun u x-xaħmijiet tal-ikel
• Sponoż li ma joborxux biex tneħħi l-marki tal-ġebla minn mal-pajpijiet u l-viti
• Blalen tad-dryer biex tnaqqas l-għadd ta' tentux u xagħar li jeħel mal-ilbies u l-bjankerija wara l-ħasla
• Romblu għat-tentux biex tneħħi s-suf u x-xagħar tal-pets mill-għamara mgħottija bid-drapp

Meta tmexxi n-negozju b'mod organizzat, tqatta' inqas ħin tieħu ħsieb it-tmexxija tiegħu. Żomm il-prodotti għat-tindif kollha f'post wieħed, bħal, ngħidu aħna, f'qoffa bil-prodotti tat-tindif jew fi gwardarobba li tissakkar, u int u tużahom ixtri iktar minnhom skont ma tkun teħtieġ.

Jekk tixtieq rating ta' ħames stilel mingħand il-klijenti, importanti li tagħmel iktar minn dak mistenni minnek tgħid Diana. Is-suġġeriment tagħha huwa li toħloq proċess u checklist biex ma tinsa tagħmel xejn.

Diana dejjem tibda billi taqla' l-lożor mis-sodod u tneħħi l-bjankerija l-oħra. "Aħjar ikollok sett lożor u xugamani żejda biex ikollok xi tqiegħed għall-bookings li jmissu ma' xulxin," tgħidilna. "Ix-xugamani l-kbar jafu ma jilħqux jinfxu fil-ħin."

Diana toqgħod attenta ħafna biex tneħħi l-ħmieġ, it-tbajja u x-xagħar mill-iktar imkejjen li s-soltu n-nies jinsew inaddfu bħal:

• Taħt is-sodod. Iċċekkja taħt kull sodda u neħħi t-trab u l-oġġetti kollha li l-klijenti jafu jkunu nsew warajhom.
• Fil-kxaxen. Iftaħhom wieħed wieħed u naddafhom.
• Il-bibien tal-armarji. Imsaħ il-faċċati u l-ġnub.
• L-appliances tad-dar. Naddaf it-toaster, il-magna tal-kafè, il-microwave u l-friġġ mill-frak, mit-trabijiet u mit-tiċpis.
• Fuq ġewwa. Farfar l-uċuħ kollha fosthom l-ixkafef, il-blinds u x-xtieli tad-dar.
• Fuq barra. Iknes id-daħliet u t-terrazzini mit-trab, mill-weraq u mill-għanqbut.

Malli tlesti, ara li għamilt xogħol tajjeb. Iċċekkja l-ħasla u l-platti int u toħroġhom mill-magna tal-ħasil jew mill-ħassiel tal-platti.

Agħmel tindifa fil-fond kull xahrejn jew kull tliet xhur biex tagħmel it-tindif li ma jkollokx ċans tagħmel meta jkollok ħafna bookings wara xulxin.

Mhux kulħadd ixomm l-istess u għalhekk irwejjaħ qawwijin jistgħu jdejqu lill-klijenti. Diana tgħidilna li ħafna drabi għalxejn tipprova taħbi l-irwejjaħ bil-bliċ, bis-sustanzi li jaħbu l-irwejjaħ jew b'xi sistema oħra.

Diana tissuġġerixxi:

• Tiftaħ it-twieqi int u tħejji l-post, jekk ikun temp tajjeb.
• Tħaddem filtru tal-arja għal bejn sagħtejn u tliet sigħat biex tneħħi l-irwejjaħ li iktar iebsin tneħħihom.
• Tbexxex b'diżinfettant ħafif li jista' jintuża kullimkien wara li tkun ħallattu bl-ilma. Tista' tbexxex is-sufanijiet tad-drapp, id-drappijiet u t-twapet.

"Nipprova nuża dejjem prodotti ġejjin mix-xtieli u mhux prodotti ħorox," tgħid Diana. "Iqumu iktar flus imma jaħdmu tajjeb ħafna. Ħafna klijenti semmewli li għoġobhom li l-post kellu riħa friska ħafna."

Ħwejjeġ żgħar bħal dawn jagħmlu differenza kbira għall-klijenti. Diana tissuġġerixxi li tagħmel dawn il-ħamest iħwejjeġ li ġejjin biex timpressjona lill-klijenti mal-ewwel daqqa t'għajn.

• Erġa' imla l-kumditajiet kollha. Fosthom is-sapun għall-ħasil tal-platti, is-sapun għall-idejn, is-sapun biex tinħasel bih, ix-xampù u l-conditioner. Jekk tħalli xi ħaġa li tibdilha bejn klijent u ieħor bħal, ngħidu aħna, sponża għall-platti, ħalli waħda ġdida mgeżwra.
• Organizza d-dar. Iġbor ir-remote controls f'post wieħed, qiegħed il-cushions f'posthom u ara li kull ħaġa li hemm fl-armarji u fil-kxaxen, bħall-hair dryer jew it-twaġen u l-borom, tinsab f'postha.
• Żejjen ftit. Itwi t-truf tat-toilet paper u tal-karti tal-kċina, l-istess kif ħafna drabi jagħmlu l-lukandi lussużi.

"Jien noqgħod attenta biex anki nitwi l-boroż taż-żibel," tgħid Diana. "Dawn kollha ħwejjeġ li l-klijenti jinnutawhom—tkun qed turihom li hemm xi ħadd qed jieħu ħsieb kollox."

Nissuġġerulek iżżid Co-Host jew xi ħadd li jgħinek tnaddaf biex dejjem ikollok post nadif tazza. Dawn in-nies jistgħu jgħinuk tħejji kollox aħjar bejn klijent u ieħor u b'hekk tkun tista' tagħti lill-klijenti esperjenza ta' ħames stilel.

Diana Cruz u żewġha mhux jintwerew f'ritratt.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.