Kif iżżomm ċertu livell

Ratings u reviews aqwa jistgħu jwasslu għal iktar bookings u dħul ikbar. Wara ċ-checkout il-klijenti se jkunu jistgħu jagħtu punteġġ ġenerali dwar il-post kif ukoll punteġġ għall-indafa, għall-preċiżjoni, għaċ-checkin, għall-komunikazzjoni, għall-post fejn jinsab il-listing u għall-valur għall-flus.

Għalkemm ir-ratings mhux l-unika ħaġa li tgħodd fi żjara ta' ħames stilel, importanti ħafna li qatt ma jkun hemm ebda nuqqas f'dawn is-sitt kategoriji.

Il-klijenti jistennew li l-ispazji li jsibu jkunu jaqblu mar-ritratti, mal-lista tal-kumditajiet u mad-deskrizzjonijiet li jkollok fil-listing tiegħek. Jekk għandek xi kumdità li ma tagħtix is-sena kollha bħal, ngħidu aħna, pixxina, tinsiex tibdel il-listing meta tagħlaq il-pixxina.

Samantha, Superhost b'20 listing ġewwa Belfast, Maine, tgħarraf lill-klijenti x'għandhom jistennew billi tagħti deskrizzjonijiet tal-listing dettaljati b'ritratti aġġornati. "Nagħmlu l-almu tagħna biex il-lista tal-kumditajiet tkun dejjem eżatta ħalli l-klijenti jkunu jafu x'għandhom jistennew," tgħidilna. Samantha tipprova tibdel ir-ritratti tagħha darba kull ftit xhur u tagħmel xi bidliet fid-deskrizzjoni tal-listings tagħha darba fix-xahar.

Imla l-istruzzjonijiet taċ-checkin għal kull listing. Agħti dettalji pass pass u jekk ikunu meħtieġa, xi ritratti. Meta tista' torbot serratura intelliġenti mal-kont ta' Airbnb, orbot is-serraturi intelliġenti kompatibbli mal-kont ta' Airbnb tiegħek biex noħolqulek awtomatikament kodiċi uniku għal kull żjara tal-klijenti.

Corinne, Superhost ta' 36 listing ġewwa Purcellville, Virginia, toħloq messaġġ qasir bl-informazzjoni dwar id-dar u l-istruzzjonijiet tal-wasla għal kull listing. Hi tħejji dal-messaġġi biex jintbagħtu awtomatikament tlett ijiem qabel iċ-checkin u b'hekk tevita l-mistoqsijiet fl-aħħar ħin u tiżgura li ċ-checkin imur kif suppost.

Tista' toħloq checklist dettaljata tax-xogħol li għandu jsir għal-listings tiegħek biex dawk li jgħinuk tnaddaf ikollhom proċess li dejjem għandhom jimxu miegħu u b'hekk ma jħallu xejn barra. Corinne għandha checklist dettaljata li addattat għal kull listing.

Meta tixtri l-prodotti meħtieġa, tixtri għadd kbir minnhom u taħżinhom f'post wieħed. "Jekk jgħarrfuni li hemm xi prodott qed jonqos, nieħduh fil-listing mat-tindifa li jkun imiss," tgħid Corinee.

Ir-rata ta' rispons tiegħek tkejjel kemm twieġeb malajr għall-mistoqsijiet u t-talbiet għall-bookings. Uża t-tweġibiet ta' malajr u l-messaġġi skedati biex tiffranka l-ħin.

"Ħejjejt xi tweġibiet ta' malajr għall-iktar mistoqsijiet li jagħmluli, mistoqsijiet marbuta ma' kif jaħdmu l-fossa tan-nar jew il-hot tub u l-bogħod minn postijiet ta' interess," jgħidilna Kory, Superhost ġewwa Chicago b'seba' listings.

Fid-deskrizzjoni tal-listing tiegħek agħti deskrizzjoni ċara tal-post fejn jinsab, kemm jekk għandek post fil-qalba tal-belt kif ukoll jekk jinsab maqtugħ min-nies. Tista' tgħarrafhom x'għandhom jistennew billi tuża l-isem tal-listing u l-captions tar-ritratti.

"L-ewwel listing li tellajt kien għal post 'il bogħod mill-qalba tal-belt," tgħid Tatiya, membru tal-Bord Konsultattiv tal-Hosts u Superhost ġewwa Bangkok b'ħames listings tagħha u Co-Host ta' 44 listing oħra. "Meta l-klijenti bdew jeħlu fit-traffiku ta' Bangkok, bdejt nikseb ratings ħżiena. Maż-żmien tgħallimt x'għandi nikteb fid-deskrizzjoni tal-listing biex il-klijenti jifhmu x'għandhom jistennew."

L-indafa, il-preċiżjoni, il-proċess taċ-checkin, il-mod kif tikkomunika u l-post fejn jinsab il-listing kollha għandhom effett fuq il-valur ġenerali tal-listings tiegħek. Jekk tikseb punteġġi għoljin f'dawn il-ħames kategoriji u żżomm id-disinn u l-kumditajiet aġġornati, hemm ċans ikbar li l-klijenti jħossu li ħallsu prezz tajjeb għall-booking tagħhom.

"Nemmen li r-ritratti u d-deskrizzjonijiet dettaljati jistgħu jagħtu ħjiel tal-esperjenza u tal-valur tal-post," jgħid Kory. "Inħobb nuri li għandi kċejjen mgħammra b'kollox, spazji fuq barra għall-mistrieħ u postijiet b'disinn imfassal apposta għax-xorta ta' vjaġġaturi li nixtieq nilqa' f'dak il-post."

Biex issib kif sejjer/sejra fis-sitt kategoriji u ssib id-dettalji maqsuma skont kull klijent, iftaħ it-tab Perspettivi tiegħek.

Jekk qed tagħti żjarat ta' livell ta' ħames stilel, qed twieġeb lill-klijenti malajr u qed iżżomm il-kalendarju u s-settings tal-bookings tiegħek aġġornati biex tevita li jkollok tikkanċella l-bookings, tinsab fit-triq it-tajba biex issir Superhost. Sibna li bħala medja, il-badge ta' Superhost tista' żżid id-dħul tas-Superhosts b'4%.*

*Skont ma qalulna s-Superhosts fl-2021 u fl-2022

Jekk tuża software li jaqbad mal-pjattaforma tagħna bl-API, jekk l-operatur tas-software tiegħek żied dawn il-faċilitajiet, se tkun tista' tużahom direttament minn dak is-software. Jekk għad le, ikteb lill-operatur tas-software tiegħek biex issir taf meta se tkun tista' tibda tużahom.

L‐іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.