Ikkomunika aħjar grazzi għall-aġġornamenti marbuta mal-messaġġi

Il-messaġġi huma importanti biex, bħala host, tikkomunika kif suppost. Il-bidliet fit-tab Messaġġi se jgħinuk tiffranka l-ħin u tagħti tweġibiet ċari lill-klijenti.

Il-mudelli l-ġodda tat-tweġibiet ta' malajr fihom it-tweġibiet għall-mistoqsijiet komuni u għalhekk m'għandekx għalfejn tikteb kollox mix-xejn. Tista' tibdel u tibgħat dal-mudelli int u titħaddet mal-klijenti jew tagħżel li jintbagħtu awtomatikament iktar tard.

Fost il-faċilitajiet il-ġodda l-oħra tat-tab Messaġġi hemm:

• It-tweġibiet meħjuta jgħinuk iżżomm it-taħditiet organizzati
• L-għodod tal-bidla fil-messaġġi jħalluk tibdel jew treġġa' lura l-messaġġi li tkun bgħatt

Il-hosts kollha se jiksbu dal-bidliet fix-xhur li ġejjin.

Iktar minn tużżana mudelli tat-tweġibiet ta' malajr ġodda b'eżempji ta' tweġibiet għall-iktar mistoqsijiet komuni tal-klijenti dwar suġġetti bħad-direzzjonijiet, il-wifi u ċ-checkout. Uża messaġġ miktub minn qabel kif inhu jew ibdlu skont l-istil ta' kif tilqa' n-nies, il-kumditajiet fil-post tiegħek jew il-ħtiġijiet tal-klijenti.

Il-mudelli l-ġodda għandhom ukoll xi faċilitajiet ġodda li jgħinuk tikkomunika eħfef u iktar malajr.

• Suġġerimenti: Meta xi wieħed mill-mudelli jkun jista' jgħinek twieġeb mistoqsija ta' klijent, fit-taħdita tiegħek se tintwera awtomatikament tweġiba ta' malajr suġġerita mill-IA—suġġeriment li jintwera lilek biss. Qabel tibgħatha, tista' tiċċekkja u tibdel it-tweġiba jew tikteb il-messaġġ mill-ġdid.
• Dettalji: It-tweġibiet ta' malajr il-ġodda għandhom xi varjabbli li, meta tibgħat il-messaġġ, jimlew awtomatikament isem il-klijent u xi dettalji dwar il-booking u l-listing.
• Tfakkiriet: Meta messaġġ li tkun ħejjejt biex jintbagħat awtomatikament ikun wasal biex jintbagħat, se nuruk tfakkira fit-taħdita tiegħek mal-klijent. Jekk il-messaġġ qed jagħti informazzjoni li diġà tajt, tista' tagħżel li tibdlu jew taqbżu.

Dal-faċilitajiet se jidħlu fis-seħħ fil-bidu tal-2025. Sa dak iż-żmien, tista' tuża l-għodod li nagħtu bħalissa biex toħloq it-tweġibiet ta' malajr tiegħek u tħejji l-messaġġi skedati għall-klijenti. Meta nżidu l-mudelli l-ġodda, mhux se titlef il-mudelli li tkun erfajt qabel.

Qed inniedu t-tweġibiet meħjuta u l-għodod għall-bidliet fil-messaġġi biex ngħinuk int u tibgħat il-messaġġi.

• Tweġibiet meħjuta: Meta twieġeb messaġġ partikolari f'konverżazzjoni, it-tweġiba tiegħek tintwera taħt il-messaġġ oriġinali. Il-klijenti jistgħu jwieġbu l-istess u b'hekk tinħoloq ħajta ta' messaġġi li jwasslu minn wieħed għall-ieħor.
• Għodod għall-bidliet fil-messaġġi: Se tkun tista' tibdel messaġġ sa kwarta wara li tibagħtu u treġġa' lura messaġġ sa 24 siegħa wara li tkun bgħattu.

It-tweġibiet meħjuta u l-għodod għall-bidliet fil-messaġġi se jibdew deħlin fis-seħħ f'Novembru. Il-bidliet fit-tab Messaġġi huma parti mill-Aġġornament tax-Xitwa tal-2024.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.