Ingħaqad man-Netwerk tal-Co-Hosts
Grazzi għan-Netwerk tal-Co-Hosts, issa tista' tagħti lill-hosts għajnuna personalizzata bil-listings fiż-żona tiegħek. Meta tissieħeb man-netwerk se tkun tista':
- Tirriklama ruħek u s-servizzi tiegħek.
- Turi kemm titlob flus.
- Tikkomunika mal-hosts li jaf taħdem magħhom.
- Taħdem għal rasek kif tixtieq int.
Kull min ikun qed ifittex co-host jista' jfittex fin-netwerk biex isib u jqabbad persuna tal-post b'esperjenza.
In-Netwerk tal-Co-Hosts huwa disponibbli ġewwa l-Awstralja, il-Brażil, il-Kanada, Franza, il-Ġermanja, l-Italja, il-Messiku, Spanja, ir-Renju Unit u l-Istati Uniti tal-Amerka. Fl-2025, in-netwerk se jibda jaħdem f'iktar pajjiżi.
Servizzi li tista' tagħti
Il-profil tiegħek bħala co-host huwa fejn tirriklama l-ħiliet tiegħek u żżid id-dettalji dwar is-servizzi li tagħti. Agħżel mil-lista tas-servizzi tal-co-hosts:
- Il-ħolqien tal-listing
- L-għażla tal-prezzijiet u tad-disponibbiltà
- It-talbiet għall-booking
- Il-messaġġi mal-klijenti
- L-għajnuna lill-klijenti waqt iż-żjara
- It-tindif u ż-żamma
- It-teħid tar-ritratti tal-listing
- Id-disinn u l-istil ta' ġewwa l-post
- Il-liċenzji u l-permessi biex tilqa' n-nies
Tista' tiddeskrivi wkoll x'servizzi oħra tagħti bħal, ngħidu aħna, il-ġardinaġġ, l-analiżi tan-negozju u t-taħriġ fl-ospitalità.
Il-hosts li qed ifittxu l-għajnuna fiż-żona tiegħek jistgħu jistaqsuk xi mistoqsijiet u jitolbu s-servizzi tiegħek. L-algoritmu tat-tiftix tan-netwerk iqis għadd ta' fatturi—fosthom il-kwalità, it-tweġibiet u l-post—biex jgħin lill-hosts isibu l-co-hosts addattati għal-listings tagħhom.
X'teħtieġ biex tissieħeb
Biex tissieħeb man-Netwerk tal-Co-Hosts teħtieġ:
- Listing attiv bħala host jew co-host b'aċċess sħiħ jew b'aċċess għall-messaġġi u għall-kalendarju.
- Li fl-aħħar 12-il xahar, ilqajt mill-inqas 10 bookings—jew mill-inqas 3 bookings li flimkien jgħoddu mill-inqas 100 lejl—bħala host jew co-host ta' Airbnb.
- Li fl-aħħar 12-il xahar, għal-listings kollha li tmexxi bħala host jew co-host b'aċċess sħiħ jew b'aċċess għall-messaġġi u għall-kalendarju, kellek rating medju ta' mill-inqas 4.8 stilel mingħand il-klijenti.
- Li r-rata ta' kanċellazzjoni tal-bookings tiegħek kienet inqas minn 3%, bl-eċċezzjoni ta' xi raġunijiet tajba li mhux fil-kontroll tiegħek.
- Li l-kont ta' Airbnb tiegħek ma jkollux problemi. Jeħtieġlek tivverifika l-identità tiegħek u r-ritratt tal-profil tiegħek u ismek għandhom ikollhom dak li neħtieġu minnhom biex il-profil tiegħek ikun jista' jintwera fin-netwerk.
Hija r-responsabbiltà tiegħek li tkun taf x'regolamenti jgħoddu għalik u li tikseb il-liċenzji u l-permessi meħtieġa u li tirreġistra jekk għandek tagħmel hekk. Ngħidu aħna, xi żoni jafu jeħtiġuk ikollok liċenzji ta' aġent tal-propjetà jekk tagħti xi servizzi.
Aqra r-regoli tas-servizz tan-Netwerk tal-Co-Hosts u sir af iktar dwar l-algoritmu tat-tiftix, il-verifika tal-identità u r-raġunijiet tajba għall-kanċellazzjoni miċ-Ċentru tal-Għajnuna.
In-Netwerk tal-Co-Hosts disponibbli ġewwa Franza, Spanja, l-Italja, il-Ġermanja, ir-Renju Unit, l-Awstralja, il-Messiku (grazzi għal Airbnb Global Services Limited), il-Kanada, l-Istati Uniti tal-Amerka (grazzi għal Airbnb Living LLC) u l-Brażil (grazzi għal Airbnb Plataforma Digital Ltda).
Il-hosts tan-Netwerk tal-Co-Hosts ħafna drabi jkollhom ratings għoljin, rati ta' kanċellazzjoni baxxi u esperjenza tajba ta' kif jilqgħu n-nies fuq Airbnb. Ir-ratings jinħadmu skont ir-reviews tal-klijenti għal-listings li huma hosts jew co-hosts tagħhom u jafu ma jkunux inħadmu fuq is-servizzi uniċi li jagħti l-co-host.
L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.