Ikseb iktar reviews ta' 5 stilel

Nifirħulek tar-review ta' 5 stilel li ksibt! Il-klijenti li tilqa' japprezzaw il-ħidma li qed twettaq biex ikollhom żjara mill-aqwa. Hawn għandek ftit pariri fuq kif tkompli sejjer/sejra hekk u ma taqax lura.

Anki jekk il-klijenti tawk punteġġ ta' ħames stilel, xorta jafu ssuġġerewlek xi bidliet żgħar. Uża l-kummenti u l-ħsibijiet tagħhom biex tifhem x'għandek tagħmel u qis jekk tistax ittejjeb il-mod kif tilqa' n-nies.

• Erġa' dur ir-ritratti tal-listing tiegħek. F'review il-klijenti qalulek kemm għoġobhom it-terrazzin tal-listing tiegħek? Ara li qed jintwera fir-ritratti. Iżżejjen il-listing għal xi btala? Ifhem għal liema żmien deħlin l-ikbar għadd ta' bookings bħalissa u qiegħed ir-ritratti tal-listing tiegħek matul dak iż-żmien tas-sena qabel l-oħrajn.
• Qis il-kumditajiet tal-listing tiegħek. Ifhem x'kumditajiet popolari tista' żżid jew tibdel bħal, ngħidu aħna, li tibdel lockbox b'serratura intelliġenti. L-iktar kumditajiet imfittxija mill-klijenti huma s-self checkin, il-wifi, magna tal-ħasil, dryer, TV jew servizz tal-cable u żona għall-BBQs.*
• Ħalli xi ħaġa personali. Tejjeb il-merħba li tagħti billi tħalli messaġġ miktub bl-id jew tifkira żgħira bħal, ngħidu aħna, mappa taż-żona li l-klijenti tiegħek beħsiebhom iżuru.
• Tejjeb it-tiżjin tal-post. Agħti ħajja ġdida lill-ispazju tiegħek b'xi oġġetti bħal cushions kbar jew billi tħejji rkejjen komdi għall-qari u għal-logħob.

Int u tagħmel il-bidliet tiegħek, ara li d-deskrizzjoni, ir-ritratti u l-kumditajiet tal-listing ikun juru dak li fil-verità se tkun qed tagħti lill-klijenti.

Bħala Host fuq Airbnb se tkun qed tilqa' n-nies minn madwar id-dinja kollha. Importanti li tilqa' lil kulħadd bl-istess mod u b'inklussività ħalli kull klijent ikun jista' jħossu milqugħ.

• Staqsi. Ibgħat messaġġ awtomatiku ftit tal-jiem qabel iċ-checkin biex tistaqsi lill-klijenti jekk hemmx xi ħaġa li tista' tagħmel biex iż-żjara tagħhom tkun iktar komda. Meta tipprova tifhem x'jeħtieġu l-klijenti, tkun qed turihom li għalik il-kumdità tagħhom hija importanti.
• Tiktibx biss għal ġens wieħed. Meta tuża l-pronomi fuq il-profil ta' Airbnb, mhux biss tkun qed tgħarraf lil ħaddieħor kif tixtieqhom isejħulek imma tkun qed turi wkoll li tilqa' klijenti b'identità ta' ġens differenti. Meta tikteb lill-klijenti, ara tkunx qed tissoponi dettalji bħal, ngħidu aħna, il-ġens jew l-istat tar-relazzjoni tagħhom.
• Semmi l-faċilitajiet tal-aċċessibbiltà. Għandek post għall-parkeġġ aċċessibbli, daħla, bieb jew doċċa mingħajr turġien jew faċilitajiet aċċessibbli oħra? Aqra l-linji gwida tal-faċilitajiet tal-aċċessibbiltà tagħna u tella' ritratti ċari fit-taqsima Aċċessibbiltà tal-listing tiegħek biex tgħin lill-klijenti jifhmu jekk l-ispazju tiegħek hux addattat għalihom.
• Ixgħel il-Booking Immedjat. Meta tħalli lill-klijenti jibbukkjaw il-post tiegħek mingħajr ma jkollok għalfejn tapprovahom minn qabel, tkun qed turi kemm lest/a tilqa' lil kull min għandu dak li qed tfittex mill-klijenti.
• Offri s-self checkin. Il-klijenti qalulna li meta jkunu jistgħu jidħlu fil-post waħidhom, iserrħu moħħhom li ħadd mhu se jiddiskrimina kontrihom minħabba l-identità tagħhom.

L-ospitalità inklussiva tfisser li tuża l-istess standards meta tilqa' lill-klijenti kollha, minn xħin jibbukkjaw sakemm tiktbu r-reviews lil xulxin. Jekk tixtieq issir taf iktar, aqra s-sensiela tat-tagħlim tagħna dwar kif tista' tkun Host iktar inklussiv.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.

*Skont id-dejta ta' Airbnb li tkejjel l-iktar kumditajiet imfittxija madwar id-dinja kollha bejn l-1 ta' Jannar 2024 u t-30 ta' Ġunju 2024.