Mur 'il quddiem biex taċċessa r-riżultati suġġeriti
    Dal-kontenut mhux disponibbli bil-lingwa magħżula minnek, għalhekk għamilnieh disponibbli bl-eqreb lingwa disponibbli għalissa.

    Kif il-kanċellazzjonijiet u l-ħlasijiet lura jaffettwaw il-ħlas li tirċievi

    X'għandek tistenna meta l-pjanijiet tal-vjaġġ jinbidlu.
    Minn Airbnb f'did-data: 19 ta’ Lul 2021
    Qari ta' 2 minuti
    Aġġornat f'did-data: 21 ta’ Lul 2021

    Punti ewlenin

    • Meta booking jiġi kkanċellat jew jinbidel, il-ħlas tiegħek jista' jinbidel ukoll

    • Dil-ħaġa tista' tiġri fil-mument tal-ħlas—jew taffettwa l-mod ta' kif fil-ġejjieni se titħallas għall-bookings

    • Sir af x'għandek tistenna u ikseb il-pariri fuq kif tevita l-kanċellazzjonijiet

    Anke l-iktar pjanijiet magħmula bir-reqqa jistgħu jinbidlu u dil-ħaġa tgħodd ukoll għall-vjaġġi fuq Airbnb. Klijent jaf ikollu jikkanċella l-booking tiegħu miegħek jew jibdel id-dati taż-żjara tiegħu u billi dil-ħaġa tista' taffettwa l-ħlas li tirċievi, aħna nixtiequ niżguraw li tkun taf x'għandek tistenna jekk dil-ħaġa sseħħ.

    L-aħbar it-tajba hi li bnejna proċess ta' ħlas lura awtomatiku biex nagħmluh ħafif kemm jista' jkun għalik bħala Host. Kompli aqra biex tifhem kif il-bidliet, il-kanċellazzjonijiet u l-ħlasijiet lura tal-vjaġġi jistgħu jaffettwaw il-ħlas tiegħek u l-esperjenza tal-klijent tiegħek—u biex tikseb xi pariri fuq kif tevita l-kanċellazzjonijiet tal-vjaġġi fil-ġejjieni.

    Allura x'ġara eżatt?

    Hemm ftit modi li l-bidliet fil-vjaġġ jistgħu jaffettwaw il-ħlas tiegħek. Dawn huma l-iktar tliet raġunijiet komuni għaliex jaf tinnota xi differenza fil-fondi:

    1. Bidla: Il-klijent bidel it-tul taż-żjara tiegħu fil-post tiegħek.
    2. Kanċellazzjoni: Il-klijent ikkanċella ż-żjara tiegħu fil-post tiegħek.
    3. Riżoluzzjoni: Xi parti miż-żjara tal-klijent ma marritx kif mistenni u talab ħlas lura.

    Il-klijenti tiegħek: Airbnb tieħu ħsieb tħallashom lura

    Allura x'jiġri meta klijent jibbukkja vjaġġ imbagħad ma jivvjaġġax? Jiddependi ħafna fuq il-politika ta' kanċellazzjoni tiegħek. U x'jiġri jekk pereżempju l-hot tub li rriklamat fil-listing tiegħek jieqaf jaħdem? Il-klijent jista' jikkuntattja lilek direttament jew lill-għajnuna lill-klijenti ta' Airbnb biex jitlob parti mill-ħlas lura.

    Meta jkun ħaqqu parti mill-ħlas jew il-ħlas kollu lura, m'hemmx fejn titfixkel: Airbnb tħallas lill-klijent tiegħek lura. Il-proċess jaħdem awtomatikament, bħall-bqija tas-sistema tal-pagamenti tagħna.

    Il-ħlas tiegħek: iż-żmien huwa importanti ħafna

    Kif dil-ħaġa taffettwa l-fondi tiegħek jiddependi fuq meta l-klijent tiegħek jitħallas lura.

    • Jekk klijent jitħallas lura qabel tirċievi l-ħlas għall-vjaġġ tiegħu: Il-ħlas tiegħek jew se jiġi kkanċellat jew irranġat skont il-politika ta' kanċellazzjoni tiegħek jew id-dettalji l-ġodda tal-vjaġġ.
    • Jekk klijent jitħallas lura wara li tirċievi l-ħlas għall-vjaġġ tiegħu: Il-ħlasijiet ġejjiena tiegħek se jiġu rranġati awtomatikament biex jagħmlu tajjeb għall-ispejjeż tal-ħlas lura. Kif diġà spjegajna, Airbnb tħallas lill-klijent lura minnufih imbagħad il-Hosts jitqiesu responsabbli biex iħallsu lura lil Airbnb. Fi ftit kliem, biex il-klijent ikollu esperjenza aħjar aħna nagħmlu tajjeb bil-quddiem għall-ispiża mbagħad niġbru dawk il-flus mill-qligħ li tagħmel iktar 'il quddiem. Għalhekk, għall-bookings ta' wara jaf ma tirċievi ebda ħlas jew il-ħlas tiegħek jaf ikun inqas milli kont qed tistenna. Se ssib dil-informazzjoni mniżżla bħala somma fin-negattiv f'email li nibagħtulek meta nibagħtulek il-ħlas tiegħek kif ukoll fl-istorja tat-tranżazzjonijiet.

    Kif tevita l-kanċellazzjonijiet

    Hemm xi affarijiet li tista' tagħmel biex tiżgura li l-mod kif Airbnb tirranġa awtomatikament il-ħlasijiet tiegħek ma jkunx sorpriża:

    Punti ewlenin

    • Meta booking jiġi kkanċellat jew jinbidel, il-ħlas tiegħek jista' jinbidel ukoll

    • Dil-ħaġa tista' tiġri fil-mument tal-ħlas—jew taffettwa l-mod ta' kif fil-ġejjieni se titħallas għall-bookings

    • Sir af x'għandek tistenna u ikseb il-pariri fuq kif tevita l-kanċellazzjonijiet

    Airbnb
    19 ta’ Lul 2021
    Dan kien ta' għajnuna għalik?