Kif se titħallas talli tilqa' n-nies

Airbnb tagħmilhielek eħfef li titħallas dawk li nirreferu għalihom bħala ħlasijiet, xi ħaġa li teħtieġ biss ftit passi.

Int tagħżel kif tixtieq tikseb il-flus li tagħmel meta tilqa' n-nies. L-għażliet tiegħek jiddependu mill-post fejn toqgħod. Fost il-metodi tal-ħlas hemm:

• Il-kont tal-bank
• Ħlas Malajr
• Ħlas fil-kont tal-bank barra l-pajjiż
• Mastercard Debit Imħallsa minn qabel ta' Payoneer
• PayPal
• Western Union

Biex tħejji l-ħlasijiet, żid metodu tal-ħlas minn Pagamenti u ħlasijiet mis-settings tal-kont tal-ospitalità tiegħek. Il-metodu tal-ħlas li tagħżel se jintuża għall-ħlasijiet kollha tal-ġejjieni sakemm tagħżel li tibdlu.

Jaf ikollok tagħtina wkoll id-dettalji tiegħek bħala kontribwent tat-taxxa biex inkunu nistgħu nibagħtulek id-dokumenti tat-taxxa t-tajba. Ma tafx eżatt jekk dil-ħaġa tgħoddx għalik? Sir af iktar dwar il-formoli tat-taxxa

Il-metodu tal-ħlas tiegħek se jintwera bħala pendenti sakemm nivverifikawh. Sakemm ma tagħżilx Ħlas Malajr—li nivverifikawh minnufih—il-proċess tal-verifika jaf jieħu sa 10 ijiem.

Agħżel il-booking li tixtieq mill-kalendarju tiegħek biex issib is-somma li ħallas il-klijent u s-somma li daħħalt int għal dak il-booking. Niżżel il-paġna 'l isfel sakemm taqbeż id-dettalji tal-booking biex issib rendikont li jiġbor fih:

• Il-prezz ta' kull lejl għall-booking tal-klijent tiegħek
• It-tariffi kollha li għażilt li tiġbor għat-tindif, għall-pets jew għall-klijenti l-oħra li jingħaqdu mal-booking
• It-taxxi tal-okkupanza
• It-tariffi tas-servizz tal-klijent u tal-Host
• Il-ħlas lill-Co-Host, jekk għażilt li tagħmel dax-xorta ta' ħlas
• Is-somma li se titħallas

Il-biċċa l-kbira tal-Hosts iħallsu 3% bħala tariffa tas-servizz tal-Hosts. Dit-tariffa tgħin lil Airbnb tagħmel tajjeb għall-prodotti u s-servizzi li jgħinuk taqsam l-ispazju tiegħek bħal, ngħidu aħna, l-għajnuna lill-klijenti 24 siegħa kuljum. Sir af iktar dwar it-tariffi tas-servizz

Jekk il-ħlas huwa inqas milli kont qed tistenna, ir-raġuni jafu jkunu l-iskontijiet li żidt jew xi bidla jew kanċellazzjoni tal-booking. Għalkemm il-biċċa l-kbira tal-metodi tal-ħlas m'għandhom l-ebda tariffa marbuta magħhom, uħud minnhom jafu jiġbru xi tariffa għal kull tranżazzjoni.

Il-flus li ddaħħal meta tilqa' n-nies jintbagħtulek madwar 24 siegħa wara li l-klijent tiegħek ikun mistenni jagħmel iċ-checkin. Id-data eżatta ta' meta jaslu l-flus fil-kont tiegħek tiddependi fuq il-metodu tal-ħlas li għażilt.

Fost il-metodi tal-ħlas disponibbli u l-ħin meħtieġ biex jaslulek il-flus hemm:

• Ħlas Malajr: mhux iktar minn nofs siegħa
• Payoneer: mhux iktar minn 24 siegħa
• PayPal: jum tax-xogħol
• Western Union: jum tax-xogħol (għalkemm f'xi pajjiżi/reġjuni, il-ħlas jaf idum iktar biex jasal)
• Trasferiment bil-bank: 3 sa 5 ijiem tax-xogħol
• Trasferiment bil-bank barra l-pajjiż: 3 sa 7 ijiem tax-xogħol

Meta tilqa' n-nies għal żjarat ta' mill-inqas 28 lejl, Airbnb tħallsek xahar b'xahar—l-ewwel ħlas jintbagħat madwar 24 siegħa wara ċ-checkin tal-klijent. Tista' ssib l-istatus tal-ħlasijiet tiegħek meta trid mid-dashboard tad-dħul. Sir af iktar dwar kif titħallas