Permessi ġodda u kundizzjonijiet tal-ħlas eħfef għall-Co-Hosts

Messaġġ mingħand l-editur: Dal-artiku ġie ppubblikat bħala parti mill-Aġġornament tas-Sajf 2023 ta' Airbnb. L-informazzjoni jaf laħqet inbidlet minn meta dal-artiklu ġie ppubblikat. Sir af iktar dwar l-aħħar verżjoni tas-servizz tagħna.

Co-Host jista' jgħin inaqqaslek ix-xogħol u jżidlek is-sodisfazzjon int u tilqa' n-nies. Co-Host jista' jkun xi ħadd mill-ġirien, mill-membri tal-familja, xi ħadd minn sħabek jew xi ħadd li tħallas. Il-Co-Hosts jistgħu jgħinuk tieħu ħsieb il-kalendarju, tibdel il-listing u twieġeb lill-klijenti tiegħek.

Għedtulna li xtaqtu tkunu tistgħu tagħżlu dak li Co-Host jista' jaċċessa dwar il-listings tagħkom u li xtaqtu taqsmu l-ħlasijiet għall-bookings direttament minn Airbnb. Qed nibdlu l-għodod tal-Co-Hosts biex nagħmluhielkom eħfef li tilqgħu n-nies.

Fuq il-mowbajl, it-tab tal-Co-Hosts il-ġdida tinsab fuq il-lemin tas-settings tal-Listings u l-bookings. Jekk tuża l-pjattaforma tagħna minn kompjuter, mhu se ssib l-ebda bidla fil-post.

Minn dit-tab se tkun tista' ssib id-dettalji dwar il-Co-Hosts tiegħek, tagħżel il-permessi tagħhom u toħloq il-kundizzjonijiet għall-ħlas tagħhom. Tista' wkoll tistieden Co-Hosts ġodda. Jeħtieġu kont ma' Airbnb biex ikunu jistgħu jaċċettaw l-istedina tiegħek.

Meta tistieden Co-Host se nitolbuk tagħżel dak li se jkun jista' jaċċessa biex jgħinek tieħu ħsieb il-listing tiegħek. Fost l-għażliet se jkollok:

• Aċċess sħiħ biex jieħu ħsieb il-kalendarju u l-listing, biex iżid u jneħħi l-permessi ta' Co-Hosts oħra, biex jibgħat il-messaġġi lill-klijenti u biex jara l-ħlasijiet u l-istorja tat-tranżazzjonijiet
• Aċċess għall-inbox u għall-kalendarju biex jieħu ħsieb il-kalendarju u jibgħat il-messaġġi lill-klijenti
• Aċċess għall-kalendarju biex jiftaħ il-kalendarju u jikseb l-informazzjoni dwar iċ-checkin u ċ-checkout

Il-Co-Hosts kollha, ħlief dawk li se jkollhom biss aċċess għall-kalendarju, se jintwerew bħala Co-Hosts fuq il-listing tiegħek. Il-Co-Hosts b'aċċess sħiħ jistgħu jagħżlu li jsiru l-Host ewlieni tal-listing jew tista' tqegħedhom hekk int stess.

Dawk li kienu diġà Co-Hosts qabel id-dħul fis-seħħ ta' dil-bidla se jkollhom aċċess sħiħ għal-listing tiegħek. Tista' tibdel il-permessi tal-Co-Hosts meta tixtieq.

Tista' tagħżel li taqsam perċentwali mid-dħul tiegħek jew somma fissa għal kull booking. Wara li tkun ħloqt il-kundizzjonijiet għall-ħlas u l-Co-Host tiegħek jikkonfermahom, il-Co-Host se jibda jitħallas wara kull checkin tal-klijenti. F'xi postijiet jaf ikun hemm xi limitazzjonijiet fuq il-qsim tal-ħlasijiet. Ikseb iktar dettalji

Dawn l-għodod tal-Co-Hosts huma parti mill-Aġġornament tas-Sajf 2023 ta' Airbnb, b'25 bidla ġdida għall-Hosts. Ikseb Aċċess Bikri biex tibda tuża dal-għodod il-ġodda minn issa.