Mur 'il quddiem biex taċċessa r-riżultati suġġeriti
    Dal-kontenut mhux disponibbli bil-lingwa magħżula minnek, għalhekk għamilnieh disponibbli bl-eqreb lingwa disponibbli għalissa.

    Ixtri dawn il-prodotti tat-tindif

    X'teħtieġ biex tnaddaf, tissanitizza u tħejji l-ispazju tiegħek għall-klijent li jmiss.
    Minn Airbnb f'did-data: 4 ta’ Ġun 2020
    Qari ta' 3 minuti
    Aġġornat f'did-data: 25 ta’ Ġun 2021

    Punti ewlenin

    • Ara li jkollok kulma teħtieġ qabel tibda tnaddaf

    • Ixtri t-tagħmir protettiv, l-apparat għat-tindif u l-prodotti kimiċi—u ħalli l-prodotti fil-post biex il-klijenti jkunu jistgħu jnaddfu huma wkoll

    • Kif tlesti erġa' ixtri l-affarijiet li użajt biex tħejji ruħek għall-klijent li jmiss

    • Skopri iktar fil-gwida kompluta tagħna dwar kif għandek tesplora l-proċess għat-tindif imtejjeb

    Lest/a biex ittejjeb il-proċess tat-tindif tiegħek? Bħala parti mill-proċess għat-tindif imtejjeb f'5 passi ta' Airbnb, ġbarna lista ta' prodotti suġġeriti bbażata fuq il-gwida għat-tindif—minn tagħmir protettiv sal-prodotti tat-tindif għall-klijenti. Dawn huma xi affarijiet li għandek tixtri biex tkun tista' tnaddaf aħjar.

    Tagħmir protettiv

    Tista' tgħin biex tnaqqas il-kuntatt tiegħek mal-mikrobi u s-sustanzi kimiċi billi tuża dal-affarijiet meta tkun qed tnaddaf:

    • Ingwanti li jintremew wara li jintużaw (suġġeriti)
    • Maskra jew għata tal-wiċċ tad-drapp (suġġeriti)
    • Nuċċalijiet tas-sigurtà (mhux obbligatorji, biex tnaddaf il-kamra tal-banju)
    • Fardal jew ġagaga (mhux obbligatorji)
    • Għatien taż-żraben (mhux obbligatorji)
    • Tarka tal-wiċċ (mhux obbligatorja)

    Apparat

    Wara li tixtri ftit minn dal-prodotti bażiċi, mhux se ddum ma taqbad sew kif jaħdem il-proċess tat-tindif. X'se tkun teħtieġ:

    • Xkupa u pala
    • Barmil (jekk ikun meħtieġ)
    • Biċċa tat-tfarfir
    • Boroż taż-żibel
    • Ċraret tal-mikrofibra
    • Mopp
    • Xugamani tal-karti li jintremew wara li jintużaw
    • Xkupilja tal-għarik
    • Sponoż tal-għarik (għall-kċina biss)
    • Sellum żgħir (jekk ikun meħtieġ)
    • Xkupilja tat-toilet
    • Vacuum cleaner
    • Boroż tal-vacuum cleaner (jekk ikunu meħtieġa)
    • Dishwasher
    • Magna tal-ħasil u dryer

    Prodotti

    Nissuġġerixxu li tuża biss diżinfettanti u sanitizers li ġew irreġistrati mal-aġenzija tal-gvern tal-post fejn jinsab il-listing tiegħek (eż.: l-Aġenzija għall-Ħarsien tal-Ambjent tal-Istati Uniti jew l-Aġenzija għas-Sustanzi Kimiċi Ewropea). Ixtri:

    • Prodott biex tnaddaf ħafna tipi ta' wċuħ
    • Diżinfettant li jista' jintuża għal ħafna tipi ta' wċuħ
    • Prodott biex tnaddaf il-ħġieġ
    • Bliċ
    • Deterġent għall-ħasil tal-ħwejjeġ
    • Prodott li jneħħi t-tbajja mill-ħwejjeġ
    • Deterġent għall-ħasil tal-platti
    • Prodott biex tnaddaf it-twapet (jekk ikun meħtieġ)
    • Prodott biex tnaddaf l-art
    • Lostru għall-għamara/għall-injam
    • Prodott biex tnaddaf il-forn (għall-kċina biss)
    • Prodott biex tneħħi ż-żjut u x-xaħmijiet (għall-kċina biss)
    • Prodott biex tneħħi l-moffa (jekk ikun meħtieġ)

    X'għandek iżżomm f'moħħok int u tissanitizza bid-diżinfettanti
    Jaf qed tistaqsi lilek innifsek jekk il-prodotti li qed tuża humiex tajbin biżżejjed biex jgħinuk tnaqqas in-numru ta' mikrobi bħalma huma l-batterji u l-viruses. Hawn għandek ħarsa ġenerali:

    • Ara li tuża diżinfettanti approvati. Għal-lista tal-prodotti tat-tindif u d-diżinfettanti approvati, jekk jogħġbok iċċekkja xi jgħidu l-aġenziji tal-gvern responsabbli mill-post fejn jinsab il-listing tiegħek (bħal pereżempju l-Aġenzija għall-Ħarsien tal-Ambjent tal-Istati Uniti (EPA) jew l-Aġenzija għas-Sustanċi Kimiċi Ewropea). Ġewwa l-Istati Uniti, xi eżempji ta' prodotti suġġeriti mill-EPA, fost diżinfettanti popolari oħra, huma l-wipes Clorox u l-isprejs Lysol.
    • Ħalli l-uċuħ jinxfu waħedhom. Jekk tneħħi d-diżinfettant qabel il-ħin suġġerit li għandu jagħmel fuq wiċċ partikolari, m'hemmx garanzija li l-prodott ikun qatel il-patoġeni li jgħid li kapaċi joqtol.
    • Tista' tuża l-wipes diżinfettanti. Tixxuttax l-uċuħ qabel il-ħin—il-ħin li għandek tħallihom imxarrba jiddependi fuq dak li hemm miktub fuq it-tikketta tal-prodott.
    • Tużax diżinfettanti li m'hemmx provi li jaħdmu. Għalkemm il-ħall u ż-żjut tal-pjanti huma prodotti tajbin għat-tindif, l-aġenziji regolatorji m'għandhomx provi li huma diżinfettanti.
    • Qatt tħallat il-prodotti tat-tindif. Meta tħallat ċerti prodotti, bħal pereżempju l-bliċ u l-ammonja, tkun qed toħloq gassijiet tossiċi għan-nifs.

    Prodott tat-tindif għall-klijenti

    Il-klijenti qalulna li jixtiequ jkunu jistgħu jnaddfu l-post huma stess waqt li jkunu qed joqogħdu fl-ispazju tiegħek. Għinhom billi tixtri l-prodotti li jistgħu jagħmlu użu minnhom—jekk qed tilqa' l-familji, ara li taħżen il-prodotti tat-tindif f'post fejn ma jistgħux jintlaħqu mit-tfal. Dan huwa dak li l-klijenti jeħtieġu l-iktar:

    • Xugamani tal-karti li jintremew wara li jintużaw
    • Prodott għat-tindif ta' ħafna tipi ta' wċuħ
    • Sprej jew wipes biex jiddiżinfettaw
    • Sanitizer antibatteriku għall-idejn
    • Sapun tal-idejn żejjed

    Tfakkiriet dwar is-sigurtà mingħand l-esperti tagħna

    • Tidħolx fi spazju mingħajr it-tagħmir protettiv suġġerit u tużax l-istess tagħmir iktar minn darba
    • Ara li taqra t-tikketti tas-sigurtà kollha biex tifhem kif għandek tuża l-kimiċi tat-tindif kif suppost
    • Dejjem żomm il-prodotti kimiċi f'post fejn ma jintlaħqux mit-tfal
    • Biex tevita t-tixrid tal-mikrobi, tmissx wiċċek sakemm tkun qed tnaddaf

    Meta tlesti tnaddaf, tinsiex tiċċekkja liema prodotti kważi spiċċaw jew ma fadlilhomx ħafna żmien qabel jiskadu biex tkun tista' tixtri oħrajn ġodda qabel ikun imissek terġa' tnaddaf.

    L-informazzjoni li tinsab f'dal-artiklu jaf laħqet inbidlet minn meta ġie ppubblikat. Il-proċess għat-tindif imtejjeb f'5 passi joffri lista ta' rekwiżiti sempliċi biex tnaddaf il-listing tiegħek. Għal iktar informazzjoni fuq kif twettaq dawk il-passi, jekk jogħġbok aqra l-gwida għat-tindif ta' Airbnb kollha. Bħala Host jaf ikollok tieħu xi miżuri oħra biex tħares lilek innifsek, lit-timijiet tiegħek u lill-klijenti, u għandek dejjem tiċċekkja u timxi mal-liġijiet u l-linji gwida li obbligat/a timxi magħhom fil-post fejn jinsab il-listing tiegħek. Airbnb mhix responsabbli għal xi korrimenti jew mard li jistgħu jseħħu wara li tkun imxejt ma' dal-proċess għat-tindif. Biex taqra r-regoli u l-linji gwida għat-tindif għall-post fejn tilqa' n-nies, jekk jogħġbok immarka dal-artiklu taċ-Ċentru tal-Għajnuna.

    Punti ewlenin

    • Ara li jkollok kulma teħtieġ qabel tibda tnaddaf

    • Ixtri t-tagħmir protettiv, l-apparat għat-tindif u l-prodotti kimiċi—u ħalli l-prodotti fil-post biex il-klijenti jkunu jistgħu jnaddfu huma wkoll

    • Kif tlesti erġa' ixtri l-affarijiet li użajt biex tħejji ruħek għall-klijent li jmiss

    • Skopri iktar fil-gwida kompluta tagħna dwar kif għandek tesplora l-proċess għat-tindif imtejjeb
    Airbnb
    4 ta’ Ġun 2020
    Dan kien ta' għajnuna għalik?