Kif tuża t-tweġibiet ta' malajr biex tiffranka l-ħin
Il-klijenti ħafna drabi dejjem jistaqsu l-istess mistoqsijiet lill-Hosts: X'inhi l-password tal-wifi? Kif inħaddem il-hot tub? Taf xi post tajjeb fil-qrib fejn nista' niekol?
Tista' terġa' tuża t-tweġibiet tiegħek—u twieġeb malajr kull darba—billi tuża t-tweġibiet ta' malajr mit-tab Messaġġi.
It-tweġibiet ta' malajr huma messaġġi mudell qosra dwar xi suġġett partikolari. Tista' toħloqhom minn qabel u tibagħthom lill-klijenti intom u titħaddtu. Tista' wkoll tħejji l-messaġġi minn qabel biex taqsam l-informazzjoni f'mumenti partikolari bħal, ngħidu aħna, il-jum qabel iċ-checkin, awtomatikament.
It-tweġibiet ta' malajr jagħmluhielek eħfef li twieġeb malajr—dak li l-klijenti jistennew mingħandek. "Il-mudelli tal-messġġi jiffrankawli ħafna ħin," tgħid Sally, Host ġewwa Snoqualmie, Washington. "Teħodli inqas minn 10 minuti biex inwieġeb il-mistoqsijiet ta' erba' klijenti."
Kif tħejji t-tweġibiet ta' malajr
Ma tridx ħafna xogħol biex toħloq it-tweġibiet ta' malajr fis-settings tal-messaġġi tiegħek. Tista' toħloq messaġġi mudell ġodda jew tagħżel suġġett—bħal, ngħidu aħna, l-istruzzjonijiet taċ-checkout, id-direzzjonijiet jew il-password tal-wifi—minn lista ta' mudelli mħejjija minn qabel u mbagħad taddattahom għalik.
L-aħjar mod kif tuża t-tweġibiet ta' malajr huwa billi tikteb messaġġi qosra fuq suġġett wieħed biss. Tista', ngħidu aħna, taqsam l-istruzzjonijiet taċ-checkin fi tweġiba minnhom u l-informazzjoni dwar id-dar fi tweġiba oħra. Biex tieħu idea, aqra l-kampjuni tat-tweġibiet ta' malajr minn hawn taħt.
Tista' taddatta t-tweġibiet ta' malajr għalik billi tuża x-shortcodes. Ix-shortcodes jinbidlu bid-dettalji tal-booking, tal-listing u tal-klijent meta tibgħat il-messaġġ. Dawn huma xi eżempji:
- Isem il-klijent
- Id-data taċ-checkin
- Ħin iċ-checkin
- Isem il-listing
- L-indirizz tal-listing
- Il-password tal-wifi
Ħafna shortcodes jużaw id-dettalji tal-listing biex jimlew il-vojt—għalhekk ara li l-listing tiegħek għandu l-informazzjoni kollha mimlija u li l-informazzjoni għadha tajba. Il-messaġġi li jkollhom shortcodes battala mhux se jintbagħtu kif suppost.
Kif tibgħat it-tweġibiet ta' malajr
Tista' tuża dat-tweġibiet meta trid biex twieġeb lill-klijenti. Kemm tagħfas l-ikona ħdejn "Ikteb messaġġ" u tagħżel tweġiba ta' malajr. Jew uża l-faċilità tat-tweġibiet ta' malajr suġġeriti mill-algoritmi tal-IA u nissuġġerulek tweġiba aħna.
L-algoritmi tal-IA tagħna jagħrfu xi suġġetti fil-messaġġi tal-klijenti u fit-tweġibiet ta' malajr tiegħek u jissuġġerulek awtomatikament liema mit-tweġibiet ta' malajr li diġà ħejjejt tista' tintuża biex twieġeb mistoqsija.
It-tweġiba ta' malajr tintwera fit-taħdita mal-klijent tiegħek u se tintwera lilek biss. B'hekk dejjem se tkun tista' tibdel it-tweġibiet ta' malajr qabel tibgħathom.
Kampjun tat-tweġibiet ta' malajr
Dawn huma xi eżempji ta' tweġibiet ta' malajr li jużaw ix-shortcodes. Uża l-menù dropdown biex iddaħħal ix-shortcodes li tixtieq tuża. Mhux se jaħdmu jekk tiktibhom direttament int fit-tweġiba ta' malajr.
L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.