Ħu ħsieb il-profil tiegħek

Aqsam iktar dettalji dwarek fuq il-profil tiegħek biex tgħin lill-Hosts u lill-klijenti ta' Airbnb isiru jafuk aħjar. Il-Profil Tiegħek huwa mod kif tagħti xi ftit dettalji personali dwarek li juru min int u jgħinu lill-Hosts li jaf tibbukkja magħhom jew lill-klijenti li jafu jitħajru jibbukkjaw il-listing tiegħek isiru jafuk aħjar. Id-dettalji li tagħżel li taqsam dwarek jistgħu jintwerew lill-Hosts u l-klijenti madwar il-pjattaforma ta' Airbnb.

X'informazzjoni se tintwera fuq il-profil tiegħek

Il-profil tal-utent tiegħek fih xi informazzjoni li turi lil nies oħra fuq Airbnb min int. L-informazzjoni murija tinbidel skont jekk intix Host, klijent jew it-tnejn li huma.

Fost l-informazzjoni li tintwera awtomatikament fuq il-profil tiegħek jaf ikun hemm:

• Host:
  • Ismek. Dan se jkun l-isem li tixtieq jew isem in-negozju (jekk żidt wieħed). Jekk le se jkun l-isem uffiċjali li għandek irreġistrat fil-kont.
  • Is-sena li ngħaqadt ma' Airbnb
  • In-numru ta' snin li ilek tilqa' n-nies fuq Airbnb
  • Il-medja tar-rating bl-istilel
  • Jekk il-kont tiegħek għandu xi informazzjoni li ġiet ivverifikata bħal, ngħidu aħna, l-identità jew l-indirizz tal-email tiegħek
  • Ir-reviews li kitbulek il-klijenti
  • Ir-reviews li ktibt lil ħaddieħor
  • Jekk intix membru tal-Bord Konsultattiv tal-Hosts
  • Jekk tgħinx lil Airbnb.org
  • Jekk intix Superhost

• Klijent:
  • Ismek. Dan se jkun l-isem li tixtieq (jekk żidt wieħed). Jekk le se jkun l-isem uffiċjali li għandek irreġistrat fil-kont.
  • Is-sena li ngħaqadt ma' Airbnb
  • Jekk il-kont tiegħek għandu xi informazzjoni li ġiet ivverifikata bħal, ngħidu aħna, l-identità jew l-indirizz tal-email tiegħek
  • Ir-reviews li kitbulek il-Hosts
  • Ir-reviews li ktibt dwar il-postijiet fejn toqgħod

Fost l-informazzjoni mhux obbligatorja li tagħżel li taqsam fuq il-profil tiegħek hemm:

• Ir-ritratt tiegħek
• It-tweġibiet għall-mistoqsijiet tal-profil bħall-ilsna mitkellma u fejn toqgħod
• Daħla
• X'jogħġbok
• L-istorja tal-bookings tiegħek murija bħala timbri tal-vjaġġi

X'informazzjoni mhix obbligatorja fil-profil tiegħek

Importanti li tkun tista' tagħżel x'informazzjoni taqsam fuq il-profil ta' Airbnb tiegħek. Kif fissirna hawn fuq, Airbnb iżżid xi informazzjoni mal-profil tiegħek awtomatikament. Kull informazzjoni oħra li tagħżel li żżid mal-profil tiegħek mhix obbligatorja. Dan ifisser li l-informazzjoni u kemm tagħti informazzjoni – bħall-ilsna li titkellem, fejn tgħix u xi tħobb tagħmel – huma biss f'idek.

Għalkemm ma tistax tibdel is-snin li twelidt fihom jew it-timbri tal-vjaġġi li juru fejn ibbukkjajt fuq Airbnb, tista' tagħżel li ma jintwerewx fuq il-profil tiegħek. Żomm f'moħħok ukoll li l-informazzjoni kollha li tagħti fuq il-profil tiegħek għandu jimxi mal-istandards tal-politika tal-kontenut tagħna.

Jekk int Host, tinsiex li l-informazzjoni li tagħti se twassal biex il-klijenti jistennew xi affarijiet mingħandek. Jekk, ngħidu aħna, tikteb xi ħaġa fit-taqsima "Xi nħejji għall-kolazzjon", il-klijenti jistgħu jistennew li tħejjilhom il-kolazzjon. F'ċerti postijiet dawn jitqiesu servizzi oħra u jaf ikun hemm xi liġijiet u taxxi marbutin magħhom.

U għalkemm inħeġġu lill-utenti kollha biex itellgħu ritratt tal-profil u neħtieġu li l-Hosts kollha jagħmlu hekk, ir-ritratti tal-profil tal-klijenti se jintwerew biss wara li l-booking ikun konfermat.

Jekk qed tibgħat talba biex tibbukkja listing Leġġendarju nafu nitolbuk timla xi taqsimiet partikolari jew xi taqsimiet tal-profil tiegħek. Biss dejjem tista' tagħżel li tibdel jew tħassar dik l-informazzjoni mill-profil tiegħek iktar tard.

Kif tibdel ir-ritratt tal-profil tiegħek

Kif tibdel is-settings tal-Profil tiegħek biex ma jinstabx mill-magni tat-tiftix (eż. Google)

Aqleb bejn mixgħul/mitfi biex tagħżel jekk il-Profil u l-Listings tiegħek jistgħux jintwerew fil-magni tat-tiftix.

Postijiet oħra fejn tista' tintwera l-informazzjoni tal-profil tiegħek

Kull informazzjoni li tintwera fuq il-profil tiegħek bħala utent tista' tinstab minn utenti oħra li jagħmlu parti mill-komunità ta' Airbnb. L-informazzjoni tiegħek tista' tintwera wkoll lill-utenti madwar il-pjattaforma ta' Airbnb, fi mkejjen oħra li mhux il-profil tiegħek. Fosthom hemm:

• Għall-Hosts ta' kmamar privati:
  • Fil-ħarsa lejn il-profil fir-riżultati tat-tiftix: Meta l-klijenti jkunu qed ifittxu Kamra fuq Airbnb, fir-riżultati tat-tiftix nistgħu nuru ħarsa ħafifa lejn il-profil tiegħek bħala Host.
  • Fil-ħarsa lejn xogħlok: Ix-xogħol li ssemmi fuq il-profil tiegħek jista' jintwera fir-riżultati tat-tiftix ħdejn il-listing tiegħek. Sir af kif tibdel din it-taqsima.
  • Fil-paġna tal-listing: Nistgħu wkoll nuru xi dettalji tal-profil fuq il-paġna tal-listing tiegħek.
• Għall-Hosts Kollha:
  • Fuq il-paġna tal-listing: In-nies se jkunu jistgħu jiftħu l-profil tiegħek billi jagħfsu fuq ir-ritratt tal-profil

fuq il-paġna tal-listing tiegħek.

• Klijenti:
  • Meta titlob biex tibbukkja: Meta titlob biex tibbukkja żjara, parti mill-profil tiegħek se jintwera lill-Host. Għalkemm naħbu r-ritratt tal-profil tiegħek sakemm il-Host jaċċetta l-booking, xorta se nuru ismek u r-reviews tiegħek. Nistgħu wkoll nuru xi dettalji oħra mill-profil tiegħek bħal, ngħidu aħna, it-timbri li juru l-vjaġġi li għamilt fl-imgħoddi, il-post fejn toqgħod, l-ilsna li titkellem u l-interessi tiegħek.
  • Fir-reviews fuq il-paġni tal-listings: Jekk xi ħadd ikun qed jaqra listing, din il-persuna tista' taqra r-reviews li nkitbu dwar il-listing - fosthom ir-reviews li tkun ktibt int. Dawn in-nies jistgħu jaslu għall-profil kollu tiegħek minn xi waħda minn dawn ir-reviews miktuba minnek.

Kif tintuża l-informazzjoni personali tiegħek?

Aħna nużaw l-informazzjoni tal-profil tiegħek l-istess bħalma nużaw informazzjoni personali oħra—skont il-Politika tal-Privatezza tagħna.