Mod eħfef kif titlobna nħassru r-reviews miktuba bi tpattija
Ħafna Hosts jixtiequ jkunu jafu kif klijent ikun ġab ruħu fuq Airbnb qabel jaċċettaw booking u li huma mħassba wkoll dwar ir-reviews li jistgħu jinkitbu bi tpattija. Qed nibdlu s-sistema tar-reviews tagħna biex tkun tista' ssir taf iktar dwar ir-reviews li l-Hosts l-oħra kitbu dwar il-klijenti u titlobna nħassru r-reviews miktuba bi tpattija.
Reviews iktar dettaljati
Qed inżidu l-faċilità biex il-Hosts ikunu jistgħu jagħtu iktar dettalji fir-reviews tal-klijenti—u Hosts oħra se jkunu jistgħu jaqraw dad-dettalji. Minbarra r-rating ġenerali tal-klijent, issa se tkun tista' ssib ukoll ir-ratings li tawh Hosts oħra fejn jidħlu l-indafa, il-komunikazzjoni u r-regoli tad-dar. Ir-reviews tiegħek se jgħinuna nikkonfermaw li l-klijenti qed jobdu r-regoli bażi għall-klijenti u jgħinuk tirrapporta kull klijent li ma jobdihomx.
Il-proċess jaħdem bl-istess mod għar-reviews li l-klijenti jiktbu dwarek. Il-klijenti xorta se jagħtu rating ġenerali ta' bejn stilla u ħames stilel għaż-żjara tagħhom. Issa minbarra li se jkunu jistgħu jagħtu rating bl-istilel għal ħafna kategoriji, se jkunu jistgħu wkoll jgħidu x'mar tajjeb u x'seta' mar aħjar.
Jekk pereżempju l-post tiegħek nadif tazza, il-klijent jaf jagħtik 5 stilel għall-indafa u jagħżel "kamra tal-banju nadifa tazza". Ir-ratings bl-istilel u l-kummenti u l-ħsibijiet dwarek f'kategoriji partikolari mhux se jaffettwaw l-istatus ta' Superhost tiegħek.
Ħarsien ikbar kontra reviews li jinkitbu bi tpattija
Għandek tkun tista' tħossok komdu/a li tilqa' n-nies mingħajr ma tinkwieta li xi ħadd jiktiblek review miktuba bi tpattija.
Tista' titlobna nneħħu r-reviews miktuba bi tpattija—inkitbu meta nkitbu—minn klijenti li jiksru b'mod serju xi politika tagħna billi, fosthom:
- Jagħmlu ħsara lill-propjetà tiegħek (ġdida, minn Novembru 2022)
- Ma joħorġux mill-post (ġdida, minn Novembru 2022)
- Jiksru r-regoli tad-dar tiegħek (ġdida, minn Novembru 2022)
- Jorganizzaw party jew avveniment fil-post tiegħek bla permess (fis-seħħ minn April 2021)
Jekk kont tlabt li r-review titneħħa qabel is-16 ta' Novembru 2022, jeħtieġlek tressaq talba oħra taħt il-politika l-ġdida.
Il-fatt li titlobna nħassru review mhux bilfors se jwassal biex titneħħa. Meta titlobna nħassru review, aħna se nitolbuk il-provi bħal pereżempju xi ritratti jew kopja tal-konverżazzjonijiet mal-klijenti. Dawn għandhom juru ksur serju ta' xi politika tagħna u li l-fatt li żammejt mar-regoli wassal għal review preġudikata.
Ikseb iktar informazzjoni dwar il-politika tar-reviews tagħna
Allura kif taħdem il-politika l-ġdida? Ejja ngħidu li klijent jikser ir-regoli tad-dar tiegħek u jpejjep fid-dar. Int tgħarraf lill-klijent li sibt il-biċċiet tas-sigaretti fis-salott u tressaq talba għall-kumpens għat-tindif fil-fond. Il-klijent ma jaċċettax li jħallas u jħallilek review ħażina. Issa se tkun tista' titlobna nħassru dir-review u aħna se niċċekkjaw jekk tkunx review li tista' titneħħa.
Fil-bidu tal-2023 se nniedu chatbot biex nagħmluhielek eħfef titlobna nħassru review mingħajr ma jkollok għalfejn tikkuntattja lill-Għajnuna lill-Komunità.
Wara li intom il-Hosts tlabtuna nagħmlu hekk, qed nibdlu l-mod kif jaħdmu r-reviews. Jekk jogħġobkom komplu aqsmu l-ħsibijiet tagħkom magħna biex inkunu nistgħu nkomplu nagħmlu l-bidliet li tixtiequ.Ikseb iktar dettalji dwar l-Aġġornament ta' Airbnb: Xitwa 2022
L-informazzjoni li tinsab f'dal-artiklu jaf laħqet inbidlet minn meta ġie ppubblikat.