Agħżel il-politika ta' kanċellazzjoni li tgħodd għalik

Int u tagħżel politika ta' kanċellazzjoni trid tipprova tilħaq bilanċ. Minn naħa trid tevita l-kanċellazzjonijiet filwaqt li, min-naħa l-oħra, trid tħajjar il-klijenti—u llum il-klijenti jridu iktar flessibbiltà huma u jippjanaw il-vjaġġi tagħhom.

Billi kull Host għandu ħtiġijiet differenti, ħloqna numru ta' politiki ta' kanċellazzjoni. Tista' tagħżel il-politiki standard u dawk fit-tul li l-iktar jgħoddu għalik.*

Il-politika ta' kanċellazzjoni standard tiegħek hija maħsuba għal bookings iqsar. Din tgħodd għall-bookings kollha ta' inqas minn 28 lejl wara xulxin.

• Politika ta' kanċellazzjoni flessibbli: Il-klijenti jistgħu jieħdu flushom kollha lura u int ma titħallas xejn jekk jikkanċellaw sa 24 siegħa qabel il-ħin taċ-checkin. Jekk jikkanċellaw inqas minn 24 siegħa qabel iċ-checkin u qatt ma jagħmlu checkin, int titħallas tal-ewwel lejl. Jekk jikkanċellaw wara ċ-checkin, int titħallas ta' kull lejl li joqogħdu fil-post tiegħek u għal lejl wieħed iktar.
  
• Politika ta' kanċellazzjoni flessibbli: Il-klijenti jistgħu jieħdu flushom kollha lura u int ma titħallas xejn jekk jikkanċellaw sa 5 ijiem qabel il-ħin taċ-checkin. Jekk jikkanċellaw wara dak iż-żmien, int titħallas għal kull lejl li joqogħdu fil-post tiegħek u għal lejl wieħed iktar kif ukoll nofs il-prezz ta' kull lejl għall-iljieli li jkunu bbukkjaw imma ma jkunux qattgħu fil-post tiegħek.
• Politika ta' kanċellazzjoni riġida: Biex jitħallsu flushom kollha lura, il-klijenti għandhom jikkanċellaw mill-inqas 30 jum qabel il-ħin taċ-checkin tagħhom. Jekk il-kanċellazzjoni sseħħ mill-inqas 14-il jum qabel iċ-checkin, jistgħu jieħdu flushom kollha lura wkoll jekk jikkanċellaw fi żmien 48 siegħa mill-booking. Jekk jikkanċellaw bejn 7 u 30 jum qabel iċ-checkin, int titħallas nofs il-prezz ta' kull lejl għall-iljieli kollha. Jekk jikkanċellaw inqas minn 7 ijiem qabel iċ-checkin, int titħallas il-prezz kollu għall-iljieli kollha.
• Politika ta' kanċellazzjoni stretta: Biex jitħallsu flushom kollha lura, il-klijenti għandhom jikkanċellaw fi żmien 48 siegħa mill-booking u l-kanċellazzjoni trid isseħħ mill-inqas 14-il jum qabel il-ħin taċ-checkin. Jekk jikkanċellaw bejn 7 u 14-il jum qabel iċ-checkin, int titħallas nofs il-prezz ta' kull lejl għall-iljieli kollha. Jekk jikkanċellaw wara dak iż-żmien, int titħallas il-prezz kollu għall-iljieli kollha.

Il-politika ta' kanċellazzjoni għaż-żjarat fit-tul tiegħek tintuża għall-bookings ta' mill-inqas 28 lejl wara xulxin. Din tieħu post il-politika standard tiegħek.

• Politika ta' kanċellazzjoni riġida għaż-żjarat fit-tul: Biex ikunu jistgħu jitħallsu flushom lura, il-klijenti jridu jikkanċellaw mill-inqas 30 jum qabel iċ-checkin. Jekk klijent jikkanċella wara dak iż-żmien, inti se titħallas għall-iljieli kollha li jkun qatta' fil-post tiegħek u flimkien ma' 30 lejl ieħor. Jekk il-booking ikun jonqsu inqas minn 30 meta l-klijent jikkanċellah, inti se titħallas tal-iljieli kollha li jkun fadal.
  
• Politika ta' kanċellazzjoni stretta għaż-żjarat fit-tul: Il-klijenti li jikkanċellaw booking jistgħu jieħdu flushom kollha lura biss jekk jikkanċellaw il-booking tagħhom fi żmien 48 siegħa minn xħin jibbukkjaw u mill-inqas 28 jum qabel id-data taċ-checkin tagħhom. Jekk klijent jikkanċella wara dak iż-żmien, int se titħallas għall-iljieli kollha li jkun qatta' fil-post tiegħek flimkien ma' 30 lejl ieħor wara d-data tal-kanċellazzjoni. Jekk klijent jikkanċella meta l-booking tiegħu jkun jonqsu inqas minn 30 jum, int se titħallas il-prezz kollu għal kull lejl li jkun għad fadal fil-booking.

Żomm f'moħħok: It-tariffi għat-tindif jitħallsu lura jekk il-klijent jikkanċella qabel iċ-checkin, tkun xi tkun il-politika ta' kanċellazzjoni tal-Host. Il-ħlas lura tat-tariffi tas-servizzi tal-klijenti ta' Airbnb jiddependi minn ħafna fatturi. Sir af iktar dwar il-ħlas lura tat-tariffi

Jiddependi biss fuq kif kanċellazzjoni se tolqot lilek u lin-negozju tal-ospitalità tiegħek. Aħseb dwar il-ħtiġijiet u l-għanijiet tiegħek kif ukoll dwar it-tip ta' klijenti li tixtieq u agħżel l-iktar politika addattata għalihom.

Nissuġġerulek tuża politika flessibbli jekk:

• Ix-xogħol qed ibatti u trid tħajjar lill-klijenti li jixtiequ jibbukkjaw vjaġġ ftit iktar flessibbli.
  
• Bħalissa l-iktar staġun popolari u moħħok mistrieħ li jekk klijent jikkanċella, l-ispazju tiegħek jerġa' jiġi bbukkjat.
• Il-listing tiegħek jinsab f'post imfittex ħafna u m'għandekx għalfejn tinkwieta dwar il-kanċellazzjonijiet qrib id-data taċ-checkin.

Nissuġġerulek tagħżel politika moderata jekk:

• Tixtieq tevita l-kanċellazzjonijiet fl-aħħar minuta.
• Tixtieq li jekk klijent jikkanċella, ikollok żmien biżżejjed biex tikseb booking ieħor.
• Xorta tixtieq tħajjar il-klijenti mingħajr pjanijiet fissi biex jibbukkjaw miegħek, bħal pereżempju l-vjaġġaturi fuq xogħol li jeħtieġu jibbukkjaw listings li jistgħu jitħallsu lura

Nissuġġerulek tuża politika riġida jekk:

• Tixtieq tevita l-kanċellazzjonijiet imma ma joħolqulekx problema kbira jekk ikollok biżżejjed avviż bil-quddiem.
• Tixtieq li jekk klijent jikkanċella, ikollok iktar żmien biex tipprova tikseb booking ieħor.
• L-ispazju tiegħek huwa popolari matul is-sena kollha.

Id-differenza bejn il-politika riġida u l-politika stretta huwa l-fatt li jekk jikkanċellaw sa 30 jum qabel iċ-checkin, il-klijenti xorta jistgħu jieħdu flushom kollha lura bil-politika riġida.

Nissuġġerulek tuża politika ta' kanċellazzjoni stretta jekk:

• Tixtieq tevita l-kanċellazzjonijiet u m'għandekx ċans biex issib jew tieħu ħsieb bookings ġodda minflok dawk ikkanċellati.
• Tilqa' n-nies waħdek u l-kanċellazzjonijiet tal-aħħar minuta jaqilbulek il-pjanijiet tiegħek ta' taħt fuq.
• L-ispazju tiegħek imfittex ħafna u politika stretta mhix se taqta' qalb il-klijenti milli jibbukkjawh.

Xi Hosts jaqilgħu aktar flus billi jżidugħażla fejn il-flus ma jitħallsux lura mal-politika ta' kanċellazzjoni tagħhom. Dil-għażla tħalli lill-klijenti jagħżlu politika ta' kanċellazzjoni iktar stretta imma fl-istess waqt iħallsu prezz irħas (ġeneralment jiksbu skont ta' 10% fuq il-prezz bażi tiegħek). Jekk jaċċettaw u aktar tard jikkanċellaw il-booking, inti żżomm il-ħlas kollu għall-iljieli kollha li jkunu bbukkjaw.

L-iktar ħaġa importanti meta tagħżel politika ta' kanċellazzjoni hija li ssib il-politika addattata għalik u għall-klijenti tiegħek. Żomm f'moħħok li ħafna nies ifittxu l-flessibbiltà huma u jivvjaġġaw. Biex tħajjarhom jibbukkjaw, ipprova ibda bl-iktar politika ta' kanċellazzjoni flessibbli addattata għall-mod kif tilqa' n-nies.

Skopri iktar grazzi għall-gwida tagħna dwar kif toħloq listing li jirnexxi

*Għall-bookings ġewwa l-Ġermanja, l-Italja, u l-Korea t'Isfel għandna politiki differenti.

L-informazzjoni li tinsab f'dal-artiklu jaf laħqet inbidlet minn meta ġie ppubblikat.