Kif tagħżel regoli tad-dar siewja
Ir-regoli tad-dar tiegħek jispjegaw lill-klijenti x'għandhom jistennew u jgħinuhom jifhmu minn qabel tal-istil ta' kif tilqa' n-nies. Ir-regoli jgħinu wkoll biex il-klijenti jifhmu sew jekk l-ispazju tiegħek jgħoddx għalihom qabel jibbukkjawh.
Kif tagħżel ir-regoli tad-dar standard tiegħek
Il-Hosts jistgħu jagħżlu minn sett ta' regoli tad-dar standard fl-oqsma li ġejjin:
- Pets
- Avvenimenti
- Tipjip, vaping u sigaretti elettroniċi
- Sigħat kwieti
- Ħinijiet taċ-checkin u taċ-checkout
- L-ikbar numru ta' klijenti fil-post
- Teħid ta' ritratti u ta' filmati kummerċjali
Ir-regoli tad-dar tiegħek jintwerew b'mod prominenti f'erba' postijiet: fuq il-paġna meta l-klijenti jibbukkjaw l-ispazju tiegħek, fl-email "Lesti l-bagalji!" u fil-"Gwida tal-Wasla" li l-klijenti jirċievu qabel il-vjaġġ tagħhom.
Kif ir-regoli tad-dar jgħinu biex iħarsuk
Grazzi għar-regoli bażi għall-klijenti, il-klijenti huma obbligati jimxu ma' kull regola li tagħżel mil-lista ta' regoli tad-dar standard. Jekk klijent jikser regola tad-dar, l-ewwel m'għandek tagħmel hu li tikkomunika mal-klijent u tipprova ssolvi l-problema direttament. Jekk ma tkunx tista' tasal għal qbil, ikkuntattja lill-Għajnuna lill-Komunità biex jgħinuk huma.
Kif tikteb ir-regoli miżjuda
Jekk għandek rekwiżiti speċjali li ma ssibhomx fis-sett tar-regoli tad-dar standard, tista' ssemmihom fir-regoli miżjuda. Għalkemm tagħmel tajjeb li żżid kull ħaġa importanti li għandhom ikunu jafu dwar d-drawwiet tal-post jew dwar is-saħħa u s-sigurtà, nissuġġerulek ma tiktibx wisq regoli għax dawn jafu jħawdu lill-klijenti. Ftit eżempji mingħand Hosts oħra:
- "Billi m'għandniex bankina u t-triq mimlija tajn, nitolbu lill-klijenti jinżgħu ż-żarbun meta jidħlu d-dar ħalli ma jħammġux it-twapet," tgħid Juliette, membru tal-Bord Konsultattiv tal-Hosts ġewwa Nairobi, il-Kenja.
- Dave u Deb, Hosts ġewwa Edmonton, il-Kanada, jitolbu lill-klijenti jagħlqu t-twieqi u l-bibien kollha qabel iħallu s-suite.
- Momi, Host ġewwa Honolulu titlob lill-klijenti biex ma jħallux ikel fil-kamra tas-sodda.
L-ebda regola tad-dar miżjuda ma tista' tmur kontra l-politiki u r-regoli ta' Airbnb fosthom it-termini tas-servizz u l-politika ta' nondiskriminazzjoni tagħna.
L-informazzjoni f'dal-artiklu jaf laħqet inbidlet minn meta ġie ppubblikat.