Il-kumditajiet li jfittxu l-klijenti

Għin lil-listing tiegħek jispikka grazzi għal dawn il-faċilitajiet u l-kumditajiet popolari.
Minn Airbnb f'did-data: 19 ta’ Nov 2020
2 minuti biex taqrah
Aġġornat f'did-data: 21 ta’ Nov 2023

Ħafna drabi l-klijenti jiffiltraw ir-riżultati tat-tiftix ta' Airbnb biex isibu postijiet bil-faċilitajiet u l-kumditajiet li jixtiequ. Tista' tgħin lil-listing tiegħek jispikka billi timmarka kull ħaġa li hemm fil-post tiegħek.

L-iktar kumditajiet popolari

Dawn huma l-iktar kumditajiet imfittxija mill-klijenti.*

  1. Pixxina

  2. Wifi

  3. Kċina

  4. Parkeġġ bla ħlas

  5. Hot tub

  6. Arja kkundizzjonata jew tisħin

  7. Magna tal-ħasil jew dryer

  8. Self checkin

  9. Servizz tat-TV jew tal-cable

  10. Fireplace

Ħafifa ħafna li żżid il-kumditajiet fit-tab Listings tal-kont tal-ospitalità tiegħek. Kemm tiftaħ L-ispazju tiegħek u Kumditajiet u tagħfas fuq is-simbolu taż-żieda. Agħżel Żid ħdejn kull faċilità li hemm fil-post tiegħek. Tista' tagħżel ukoll Oħloq dawra mad-dar bir-ritratti u żżid id-dettalji kamra b'kamra fosthom il-kumditajiet, id-dettalji tal-privatezza u l-informazzjoni dwar kif se jorqdu n-nies.

    Ħwejjeġ essenzjali

    Il-klijenti jfittxu li l-post tiegħek ikollu dawn il-kumditajiet essenzjali biex iż-żjara tagħhom tkun komda:

    • Toilet paper

    • Sapun tal-idejn u tal-ġisem

    • Xugaman għal kull klijent

    • Imħadda għal kull klijent

    • Lożor għas-sodda ta' kull klijent

    Nissuġġerulek tħalli iktar minnhom għal gruppi b'għadd ikbar ta' klijenti u għal dawk li se jivvjaġġaw iktar fit-tul. Tista' tibgħat messaġġ lill-klijenti u tistaqsihom x'jeħtieġu.

    Ѕіgurtà tаl‐klіјеntі

    Bi ftit ħsieb minn qabel, tista' tnaqqas ir-riskji għall-post tiegħek.

    Inħeġġu lill-Hosts kollha jwaħħlu allarmi tad-duħħan u tal-monossidu tal-karbonju fl-ispazji fejn hemm l-appliances li biex jaħdmu jaħarqu l-karburant. Nissuġġerulek toffri wkoll teffej tan-nar u kaxxa tal-ewwel għajnuna.

    Sir af iktar dwar kif tħejji l-listing tiegħek

    Faċilitajiet tal-aċċessibbiltà

    Il-klijenti bi ħtiġijiet tal-aċċessibbiltà ħafna drabi jfittxu kumditajiet bħal daħla mingħajr ħġur, vireg biex iżżomm magħhom fil-kamra tal-banju u post għall-parkeġġ aċċessibbli. Meta timmarka dawn il-faċilitajiet fil-listing tiegħek tkun qed tgħin lill-klijenti jifhmu jekk il-post tiegħek jgħoddx għalihom.

    Aqra l-linji gwida għall-faċilitajiet tal-aċċessibbiltà tagħna

    Spazji għax-xogħol mid-dar

    Il-klijenti li jaħdmu mid-dar huma u jivvjaġġaw jieħdu gost isibu faċilitajiet u kumditajiet bħal:

    • Wifi stabbli b'ħeffa tajba
    • Post apposta fejn tista' taħdem
    • Għamara ergonomika, bħal pereżempju għamara li terfa' l-laptop
    • Dawl tajjeb
    • Materjal tal-uffiċċju bħal biros, karti u ċarġer li jaħdem ma' għadd ta' tagħmir

    Sir af iktar dwar kif għandek tħejji għal dawk li jaħdmu mid-dar

    Faċilitajiet maħsuba għat-tfal u għall-pets

    Ilqa' iktar klijenti bit-tfal jew bil-pets billi tagħtihom ħwejjeġ siewja bħal:

    • Siġġu għoli
    • Benniena tal-ivjaġġar
    • Gradi għas-sigurtà tat-trabi
    • Għata għall-għamara
    • Skutelli għall-ikel u l-ilma tal-pets
    • Xugamani biex timsaħ saqajn il-pets tiegħek qabel jidħlu fil-post
    • Iktar prodotti għat-tindif

    Ara li turi l-bidliet li tkun għamilt billi tibdel il-kumditajiet, id-deskrizzjoni u r-ritratti tal-listing tiegħek. Meta żżid ftit affarijiet li l-klijenti qed ifittxu, jaf tagħmel differenza kbira biex tgħin lill-klijenti jħossuhom iktar komdi fl-ispazju tiegħek—u għalhekk tista' tikseb reviews mill-aqwa.

    *Skont id-dejta interna ta' Airbnb li kejlet l-iktar kumditajiet imfittxija madwar id-dinja kollha mill-1 ta' Jannar sal-31 ta' Diċembru 2022.

    L-informazzjoni li tinsab f'dal-artiklu jaf laħqet inbidlet minn meta ġie ppubblikat.
    Airbnb
    19 ta’ Nov 2020
    Dan kien ta' għajnuna għalik?