Kif ittejjeb il-listing tiegħek maż-żmien

Il-Hosts li kisbu suċċess jafu li l-ħidma fuq il-listing tagħhom ma tispiċċa qatt—dejjem ifittxu opportunitajiet kif jikbru f'kull pass tal-vjaġġ tagħhom. Tista' taġġorna l-listing tiegħek biex tenfasizza l-faċilitajiet popolari, biex issemmi l-bidliet fl-ispazju tiegħek jew biex tkun aktar kompetittiv.

Ma tafx minn fejn għandek tibda? Dawn huma xi ideat:

Il-klijenti mhux dejjem jaqraw id-deskrizzjoni tiegħek, imma kważi dejjem jaraw (u jiċċekkjaw bir-reqqa!) ir-ritratti tiegħek. Għalhekk jekk dan l-aħħar bdilt id-disinn tal-ispazju tiegħek, żidt xi kumditajiet ġodda jew sempliċement għandek ftit iktar ħin jew flus x'tonfoq fuq il-fotografija, nissuġġerulek li tieħu ritratti ġodda.

• Agħti prijorità lir-ritratt tal-qoxra tiegħek. Ir-ritratt tal-qoxra tiegħek huwa dak li jitfaċċa l-ewwel fir-riżultati tat-tiftix, għalhekk ara li r-ritratt ikun wieħed li jiġbed l-attenzjoni tal-vjaġġaturi.
• Żid captions qosra. Il-captions jgħinuk tagħti lill-klijenti xi informazzjoni importanti dwar l-ispazju tiegħek, bħal jekk hemmx sodda doppja 'King' fil-kamra tas-sodda l-kbira jew jekk hemmx magna tal-espresso partikolari fil-kċina.
  
• Qabbad espert. Ir-ritratti professjonali jġibu flushom lura. Iċċekkja jekk Airbnb toffrix servizz ta' teħid ta' ritratti professjonali fiż-żona tiegħek.
• Ħu ritratti bħal professjonist. Hemm ħafna x'tista' tagħmel, anke bi smartphone, biex ittejjeb ir-ritratti tal-listing tiegħek. Ħu ritratti ta' kwalità aqwa int stess grazzi għal dawn il-ħames suġġerimenti dwar il-fotografija.

Ipprova żomm id-dettalji tal-listing tiegħek kemm jista' jkun preċiżi u aġġornati. Pereżempju, jekk ma jkollokx iktar aċċess għall-pool komuni, ara li tneħħi kull referenza għaliha.

• Qassar id-deskrizzjoni tiegħek tal-listing. Il-biċċa l-kbira tal-klijenti m'għandhomx ħin biex jaqraw ħafna dettalji, għalhekk iffoka fuq l-iktar l-affarijiet li jfittxu.
• Uri l-istil ta' kif tilqa' n-nies. S'issa wisq probabbli diġà taf x'tip ta' Host int. Tiddejjaqx turi l-karattru tiegħek fid-dettalji tal-listing.
• Kellem lill-klijenti li tixtieq li jibbukkjaw miegħek. Forsi kont qed tilqa' għandek ħafna familji jew vjaġġaturi fuq xogħol. Nissuġġerulek li tibdel it-ton tiegħek biex titkellem ma' dawk it-tipi ta' klijenti u tenfasizza dawk il-faċilitajiet li jfittxu l-iktar.

Il-klijenti tiegħek talbuk hair dryer? Semmew li m'hemmx kitla fir-reviews tagħhom? Dawn kollha kummenti mill-aqwa—użahom biex tiddeċiedi x'tixtri għall-ispazju tiegħek u wara tkun żidthom fil-post, ara li taġġorna l-lista tal-kumditajiet tiegħek. Dawn huma wħud mill-iktar kumditajiet imfittxija:*

• Pixxina
• Wifi
• Kċina
• Parkeġġ bla ħlas
• Jacuzzi
• Magna tal-ħasil jew dryer
• Arja kkundizzjonata jew tisħin
• Self checkin
• Spazju għal ħidma fuq laptop
• Post li jaċċetta l-pets

Jekk għadek tibda tilqa' n-nies fuq Airbnb, nissuġġerulek titlob rata ta' kull lejl taħt il-prezz tas-suq biex tgħinek tħajjar iktar nies jibbukkjaw il-listing tiegħek. Wara li tkun ilek tilqa' n-nies għal ftit żmien u jkollok xi reviews tajba biex jagħtu spinta lil-listing tiegħek, nissuġġerulek terġa' tagħti ħarsa lejn il-prezz tiegħek biex tagħżel l-iktar rata kompetittiva.

L-algoritmu tat-tiftix ta' Airbnb juża iktar minn 100 fattur biex juri lill-klijenti l-listings li jixtiequ jsibu.

Uża l-kummenti tal-klijenti—kemm ir-reviews brillanti kif ukoll dawk mhux tajbin wisq—biex ittejjeb l-listing tiegħek. Faħħrulek it-terrazzin tiegħek?Ipprova urih fir-ritratti. Min-naħa l-oħra, forsi l-klijenti ma kinux qed jistennew li jsibu post li ma kienx f'post komdu biex jaslu fih u jmorru l-ajruport minnu. Jekk tkun iktar ċar dwar din it-tip ta' informazzjoni fid-deskrizzjoni tal-listing tiegħek, dil-ħaġa tgħinek biex il-klijenti futuri jkunu jafu x'għandhom jistennew.

Jekk tista' tuża dawn it-tagħlimiet biex ittejjeb il-listing tiegħek, se tkun tista' tibda tikseb iktar bookings, klijenti iktar kuntenti u ratings ogħla—u se tkun pass eqreb lejn l-istatus ta' Superhost.