Mur 'il quddiem biex taċċessa r-riżultati suġġeriti

    Kif tikteb regoli tad-dar utli

    Għin biex tħares id-dar tiegħek u toħloq esperjenza aħjar għall-klijenti.
    Minn Airbnb f'did-data: 1 ta’ Diċ 2020
    Qari ta' 3 minuti
    Aġġornat f'did-data: 13 ta’ Mej 2021

    Punti ewlenin

    • Ir-regoli tad-dar jgħinuk tenfasizza t-tfakkiriet dwar is-sigurtà u biex il-klijenti jkunu jafu x'għandhom jistennew

    • Aġġorna r-regoli tad-dar tiegħek
    • Skopri iktar grazzi għall-gwida kompluta tagħna dwar kif toħloq listing tajjeb

    Ir-regoli tad-dar tiegħek huma ħafna iktar minn sempliċi lista ta' affarijiet li għandhom isiru u li m'għandhomx isiru. Dawn jgħidu lill-klijenti x'għandhom jistennew, u jagħtuhom idea minn qabel tal-istil tal-hosting tiegħek. Huma jgħinu wkoll lill-klijenti jevalwaw jekk l-ispazju tiegħek huwiex tajjeb għalihom qabel jibbukkjawh, u minħabba f'hekk ikollhom esperjenza isbaħ. Minħabba l-importanza tar-regoli tad-dar, għamilnihom viżibbli għall-klijenti meta jibbukkjaw.

    Għandek bżonn ftit għajnuna biex tikteb tiegħek? Segwi dawn is-suġġerimenti minn Hosts bħalek.

    Żommu sempliċi

    Uża lingwaġġ ċar u faċli biex jinftiehem. "Ir-regoli tad-dar m'għandhomx ikunu miktubin qishom xi ħaġa kumplikata legali. Jekk ikunu hekk, ma jaqrahom ħadd jew il-klijenti potenzjali jmorru f'listing ieħor li huwa inqas kumplikat," jgħid J Renata, Host ġewwa Rio de Janeiro.

    Trid tkun taf liema hu l-aħjar mod biex iżżomm l-affarijiet sempliċi? Aħseb dwar kif tixtieq li klijent iġib ruħu fl-ispazju tiegħek, u kif tispjega dan kieku kellek tkellmu wiċċ imb wiċċ—imbagħad ikteb bl-istess mod.

    Barra minn hekk, ma tridx tgerfex lill-klijenti b'wisq regoli. Iffoka fuq l-affarijiet li huma essenzjali u dawk li jkun sabiħ li jkollok erfagħhom għal post ieħor.

    "Fir-regoli tad-dar tiegħi ma nagħmilx talbiet ta' korteżija jew indikazzjonijiet, bħal fejn għandhom iħallu x-xugamani u x'għandhom jagħmlu bil-ħwejjeġ maħmuġin," tgħid il-Host Annette minn Prescott, Arizona. "Dawk ngħidhomlhom wiċċ imb wiċċ meta niggwida lill-klijenti fl-appartament, jew nħalli nota amikevoli." Għażla oħra tkun li toħloq manwal b'informazzjoni dwar id-dar għal dettalji utli li mhux neċessarjament jappartjenu fir-regoli tad-dar tiegħek.

    Ir-regoli tad-dar m'għandhomx ikunu miktubin qishom xi ħaġa kumplikata legali; jekk ikunu miktubin hekk, ħadd mhu se jaqrahom.
    J Renata,
    Rio De Janeiro

    Tfakkiriet dwar is-sigurtà

    Tassumix li l-klijenti huma viġilanti daqsek dwar is-sikurezza u s-sigurtà. Idea tajba li taqsam dit-tip ta' informazzjoni fir-regoli tad-dar tiegħek. Xi Hosts għamlu dan b'dal-mod:

    • "Jekk jogħġbok agħlaq it-twieqi u l-bibien kollha u sakkarhom qabel toħroġ mis-suite." —Dave u Deb, Edmonton, il-Kanada
    • "M'hemmx xemgħat. Xejn. Minflok, aħna nipprovdulek xemgħat mingħajr fjammi u li jaħdmu bil-batteriji biex tkun tista' tużahom." —Heather, Ithaca, New York

    Importanti wkoll li tenfasizza r-rekwiżiti tas-saħħa u s-sigurtà relatati mal-COVID-19. Uża r-regoli tad-dar tiegħek biex tfakkar lill-klijenti dwar il-prattiki obbligatorji rigward il-maskri u t-tbegħid soċjali u, jekk ikun meħtieġ, enfasizza kwalunkwe linji gwida addizzjonali għall-ispazji maqsuma mal-oħrajn.

    Ħu l-opportunità biex teduka lill-klijenti

    Jekk il-klijenti tiegħek ġejjin mill-bogħod, jistgħu ma jkunux jafu bi kwistjonijiet speċifiċi għall-post jew il-kultura tiegħek. Ir-regoli tad-dar tiegħek jistgħu jkunu opportunità biex taqsam informazzjoni kruċjali. Dan huwa mod kif xi Hosts inkorporaw għarfien lokali:

    • "Aħna nitolbuk li żżomm il-prudenza billi tkun silenzjuż/a u diskret/a, speċjalment matul il-ħinijiet ta' bil-lejl jew wara nofsinhar." —Beatriz Elena, Medellin, il-Kolombja
    • "Tilbisx żraben ġewwa. Din hija użanza komuni ħafna fit-Tajlandja." —Nutth, Chiang Mai, it-Tajlandja
    • "Tniżżil illegali huwa pprojbit. Jekk tinstab ħati/ħatja, il-multi tal-gvern jistgħu jitilgħu sa madwar €1,700 għal kull film." —Branka u Silvia, Zagreb, il-Kroazja

    Uri l-personalità tiegħek

    Ir-regoli tiegħek jagħtu perspettiva tal-istil tiegħek kif tilqa' n-nies. Dan huwa mod ieħor kif il-klijenti jkunu jistgħu jifhmu jekk l-ispazju tiegħek huwiex tajjeb għalihom, għalhekk kun awtentiku.

    Jekk l-approċċ tiegħek lejn il-hosting huwa rilassat u ċajtier, tiddejjaqx tkun ftit umoristiku. Tħobb l-affarijiet ftit aktar puliti? Ara li dan tikkomunikah b'mod ċar.

    Amy, Host minn Nashville, tħobb tikteb ir-regoli tad-dar tagħha bi ftit umoriżmu:

    "Nistenna li l-klijenti tiegħi jġibu ruħhom bħala adulti:
    • Taħraqx id-dar
    • Tagħtix daqqiet bis-sieq lill-kelb tiegħi
    • Tiekolx ikel li jista' jqattar fuq il-mejda
    • Hemm ħafna laned taż-żibel madwar id-dar: it-toilet mhux wieħed minnhom"

    Ir-regoli tad-dar jgħinu biex iħarsuk

    F'każ rari ta' problema ma' klijent, ir-regoli tad-dar jistgħu jgħinuk ukoll issolvi nuqqas ta' qbil. Jekk klijent jikser regola tad-dar, l-ewwel pass tiegħek irid ikun li tikkomunika mal-klijent u tipprova ssolvi l-problema direttament. Jekk ma tkunx tista' tasal għal qbil, ikkuntattja lis-servizz tal-klijenti ta' Airbnb għall-għajnuna.

    Nota: Ir-regoli kollha tad-dar għandhom ikunu skont il-politiki u t-termini ta' Airbnb—inklużi t-termini tas-servizz u l-politika ta' nondiskriminazzjoni tagħna. Sir af aktar

    L-informazzjoni li tinsab f'dal-artiklu jaf laħqet inbidlet minn meta ġie ppubblikat.

    Punti ewlenin

    • Ir-regoli tad-dar jgħinuk tenfasizza t-tfakkiriet dwar is-sigurtà u biex il-klijenti jkunu jafu x'għandhom jistennew

    • Aġġorna r-regoli tad-dar tiegħek
    • Skopri iktar grazzi għall-gwida kompluta tagħna dwar kif toħloq listing tajjeb
    Airbnb
    1 ta’ Diċ 2020
    Dan kien ta' għajnuna għalik?