Is-suġġerimenti se jintwerew wara li tibda tikteb fil-kaxxa tat-tiftix. Uża l-buttuni tal-vleġġa 'l fuq u tal-vleġġa 'l isfel biex tiċċekkja. Uża l-buttuna enter biex tagħżel. Jekk l-għażla tiegħek tkun frażi, dik il-frażi se tiġi mfittxija. Jekk is-suġġeriment ikun link, il-brawżer se jiftaħ dik il-paġna.
Istruzzjonijiet
Klijent jew Parteċipant

Pariri tas-sigurtà għal meta tiġi biex tagħżel post

Ġeneralment vjaġġ ifisser li tuża ħinek u tonfoq flusek. Allura tkun trid issib post li jkun qisu maħsub apposta għalik. Dawn huma xi suġġerimenti biex ngħinuk tivvjaġġa b'moħħok mistrieħ li għamilt l-għażla t-tajba.

Kif issib dak li jgħodd għalik

L-ewwel nett, uża l-ħafna filtri tat-tiftix tagħna biex issib spazju li joffri dak kollu li teħtieġ. Meta tilmaħ post li jogħġbok, ħu ftit ħin biex taqra l-profil tal-Host u d-deskrizzjoni tal-listing u oqgħod attent/a għall-kumditajiet, għar-regoli tad-dar u għall-politika ta' kanċellazzjoni tal-listing.

Aqra r-ratings u r-reviews

Biex tifhem aħjar jekk listing partikolari jgħoddx għalik, dejjem nissuġġerixxu li taqra l-kummenti ta' klijenti oħra. Se ssib ratings fuq affarijiet bħall-indafa, il-preċiżjoni kif ukoll reviews dettaljati minn vjaġġaturi oħra bħalek. Il-klijenti jistgħu jiktbu r-reviews biss wara li jintemm il-vjaġġ tagħhom għalhekk tista' sserraħ moħħok li l-kummenti li taqra nkitbu minn xi ħadd li qagħad fil-post.

Iċċekkja l-faċilitajiet tas-sigurtà

Ma tagħmilx ħażin li tiċċekkja jekk il-propjetà għandhiex detetturi tad-duħħan u tal-monossidu tal-karbonju—li tista' ssibhom fil-lista tal-kumditajiet f'Sigurtà tad-dar.

Aqra iktar dwar id-detetturi tad-duħħan u tal-monossidu tal-karbonju miċ-Ċentru tal-Għajnuna tagħna.

Ikseb tweġiba għall-mistoqsijiet tiegħek

L-għodda tal-messaġġi siguri tagħna hija mod ħafif u sigur ta' kif, qabel tibbukkja, tista' tistaqsi l-mistoqsijiet tiegħek lill-Host li tkun qed taħseb biex tibbukkja miegħu. Wara li tibbukkja tista' tuża l-messaġġi biex tiftiehem mal-Host dwar iċ-checkin, tistaqsi l-mistoqsijiet l-oħra li jista' jkollok u żżomm kuntatt matul il-vjaġġ tiegħek.

Dejjem ikkomunika u ħallas fuq Airbnb

Żomm lilek innifsek, il-pagament tiegħek u l-informazzjoni personali tiegħek siguri billi tibqa' fuq il-pjattaforma sigura tagħna matul il-proċess kollu—mill-messaġġi, sal-booking u l-pagament. Qatt m'għandek tintalab tibgħat il-flus, tagħti l-informazzjoni tal-karta tal-kreditu jew b'xi mod ieħor tħallas lil Host direttament. Jekk jiġri hekk, jekk jogħġbok irrappurtalna dil-ħaġa minnufih.

Agħmel spezzjoni tas-sigurtà

Malli tasal fil-post, ma tagħmilx ħażin li ssib l-informazzjoni tas-sigurtà u l-apparat tal-emerġenza bħal pereżempju l-apparat għat-tifi tan-nar u kaxxa tal-ewwel għajnuna. Jekk ma ssibx fejn tkun xi ħaġa, tiddejjaqx tistaqsi lill-Host tiegħek. Dejjem aħjar tħejji ruħek.

Ara xi jgħidu l-avviżi u t-twissijiet maħruġa mill-awtoritajiet tal-post

Kemm jekk qed tivvjaġġa ma' Airbnb kif ukoll jekk le, dejjem tagħmel tajjeb li tfittex biex tifhem x'tista' tistenna li ssib fid-destinazzjoni tiegħek qabel ma tasal hemm—u tivverifika mal-ambaxxata lokali tiegħek jekk hemmx xi twissijiet dwar l-ivvjaġġar jew xi rekwiżiti speċjali. Pereżempju fil-każ tal-vjaġġaturi mill-Istati Uniti tal-Amerka, dawn għandhom jiċċekkjaw mad-Dipartiment tal-Istat tal-Istati Uniti tal-Amerka għall-informazzjoni dwar il-viżi u l-avviżi dwar l-ivvjaġġar.

Sir af iktar mill-paġna tal-Fiduċja u s-Sigurtà tagħna.

Żomm f'moħħok: F'każ ta' emerġenza, jew jekk is-sigurtà personali tiegħek tkun mhedda, ikkuntattja minnufih lill-pulizija jew lis-servizzi tal-emerġenza tal-post fejn tinsab.

Dal-artiklu kienlek ta' għajnuna?

Artikli relatati