Kif issir iktar magħruf fiż-żona fejn taħdem

Meta tiltaqa' man-nies barra n-Netwerk tal-Co-Hosts, taf tkun tista' tkabbar in-negozju tiegħek bħala co-host. Meta tistieden lill-hosts jaħdmu miegħek, taf tkun eliġibbli biex tikseb il-premjijiet tal-introduzzjonijiet.

Biex tkabbar l-għarfien dwar is-servizzi li tagħti, nissuġġerulek tirriklama s-servizzi tiegħek kemm fuq l-internet kif ukoll fil-ħajja ta' vera. Xi ideat biex ngħinuk tibda:

• Għarraf lil kull min taf li tista' tgħinhom. Aqsam il-profil tiegħek ma' sħabek, mal-familja, mal-ġirien u ma' sħabek tax-xogħol. Offri li tgħinhom itellgħu listing u jilqgħu n-nies fi propjetà li taħseb li tmur tajjeb fuq Airbnb.
• Itlob l-għajnuna tal-kuntratturi. Staqsi lil dawk li jnaddfu, lill-ġardinara u lit-tim taż-żamma tal-post tiegħek jekk jaħdmux ma' xi hosts li jafu jeħtieġu l-għajnuna.
• Ħu sehem f'avvenimenti virtwali u wiċċ imb wiċċ. Iltaqa' ma' iktar nies billi tintroduċi ruħek mas-sidien tad-djar, man-negozji ż-żgħar u mal-mexxejja fil-qasam tat-turiżmu. Ħejji ruħek biex tgħidilhom x'tagħmel bi ftit sentenzi biss.

Jimmy, co-host ġewwa Palm Springs, California, jgħid li sab il-hosts li jaħdem magħhom għax "mexxejt il-kelma man-nies taż-żona fejn noqgħod". Ngħidu aħna, sab żewġ postijiet ġodda fejn jilqa' n-nies mingħand min kien qed inaddaflu l-pixxina.

Nissuġġerulek tgħin b'dawk il-biċċiet tax-xogħol li hosts oħra jafu ma jkunux lesti jagħmlu. Xi ideat biex ngħinuk tibda:

• Agħti checklist għall-hosts il-ġodda. Għin lill-hosts jifhmu kif għandhom jaħdmu fejn jidħlu l-kumditajiet, il-pariri għat-tindif u l-prodotti importanti li għandhom ikollhom maħżuna.
• Aqsam l-iskontijiet tiegħek mal-host. Jekk taf lil xi operaturi tas-servizz, offri li tintroduċihom lill-host biex ikun jista' jiffranka l-flus fejn jidħlu ż-żamma tal-post, il-ġardinaġġ, l-arti jew l-għamara tad-dar.
• Ħejji sett ta' merħba għall-klijenti. Jista' jkun fih messaġġ miktub bl-id, qoffa bil-prodotti jew kopja stampata tal-informazzjoni dwar id-dar.
• Oħloq gwida tal-ivvjaġġar għall-klijenti. Uża l-għarfien tal-post tiegħek biex tgħin lill-hosts jissuġġerixxu postijiet fejn tiekol, tixtri, tagħmilha ta' turist u tgawdi l-ispazju fuq barra fil-qrib. Żid dik l-informazzjoni mal-listing tal-host u ġeddidha ta' sikwit.

Tista' tistieden lill-hosts jaħdmu miegħek billi tibagħtilhom link ta' introduzzjoni.

• Agħfas il-buttuna t'hawn taħt biex tiftaħ il-paġna tal-introduzzjonijiet tiegħek. Aqsam mal-hosts il-link unika li toħodhom direttament fil-profil tiegħek bħala co-host.
• Itlob lill-hosts jibagħtulek messaġġ mill-profil tiegħek. Malli jagħmlu hekk, se tkunu tistgħu tibdew tikkomunikaw u taħdmu flimkien.
• Ibgħat it-tfakkiriet lill-hosts. Sib l-istatus tagħhom mit-tab tat-talbiet tad-dashboard tiegħek.

Jaf tkun eliġibbli biex tikseb premju tal-introduzzjonijiet wara li l-hosts itemmu l-ewwel żjara li tikkwalifika. Sir af liema hosts huma eliġibbli mill-paġna tal-introduzzjonijiet tiegħek.

In-Netwerk tal-Co-Hosts disponibbli ġewwa Franza, Spanja, l-Italja, il-Ġermanja, ir-Renju Unit, l-Awstralja, il-Messiku (grazzi għal Airbnb Global Services Limited), il-Kanada, l-Istati Uniti tal-Amerka (grazzi għal Airbnb Living LLC) u l-Brażil (grazzi għal Airbnb Plataforma Digital Ltda).

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.