Skopri d-dashboard tal-co-hosts

Id-dashboard tiegħek kruċjali biex tirnexxi fin-Netwerk tal-Co-Hosts. Huwa l-post fejn tiltaqa' mal-hosts u tifhem kemm tinsab 'il bogħod mill-għanijiet tiegħek.

Għandek issib dil-informazzjoni fit-tab tat-talbiet tad-dashboard tiegħek.

• Rating medju: Biex il-profil tiegħek jibqa' jintwera fir-riżultati tat-tiftix, jeħtieġ li jkollok rating ta' mill-inqas 4.7. Ir-rating tiegħek huwa r-rating bl-istilel medju li ksibt mingħand il-klijenti matul l-aħħar 12-il xahar għal-listings kollha li tgħin fihom—minbarra dawk fejn int co-host b'aċċess għall-kalendarju biss.
• Rata tar-rispons: Il-profil tiegħek bħala co-host jaf ma jibqax jintwera jekk ir-rata tar-rispons tiegħek taqa' taħt id-90%. Ir-rata tar-rispons hija l-perċentwali ta' talbiet ġodda mingħand il-hosts li weġibt fi żmien 24 siegħa. Tinħadem fuq l-aħħar 90 jum.
• Nies li fetħu l-profil: Dan huwa l-għadd ta' nies uniċi li żaru l-profil tiegħek bħala co-host matul l-aħħar 90 jum.
• Konverżjonijiet: Dan huwa l-perċentwali ta' hosts li kitbulek imqabbel mal-għadd ta' hosts li sabu l-profil tiegħek fir-riżultati tat-tiftix matul l-aħħar 90 jum.

It-talbiet mingħand il-hosts jintwerew fit-tab tat-talbiet u fit-tab Messaġġi tiegħek. Ixgħel in-notifiki biex ma taqbiżlek l-ebda talba u biex tkun tista' twieġeb malajr.

Fit-talbiet li jibagħtulek tista' ssib:

• Isem il-host
• L-indirizz tal-listing tal-host
• Id-dettalji ta' kif tista' tikkuntattja lill-host
• Id-data tat-talba
• L-istatus tat-talba

Jekk diġà co-host ta' xi listing, nissuġġerulek tħejji xi referenzi għall-hosts li jafu jitħajru jaħdmu miegħek. Tista' tibgħat ir-referenzi b'messaġġ jew kif ikun jixtieq il-host.

Jimmy, co-host ġewwa Combs-la-Ville, Franza, jgħid li r-referenzi żiedulu bil-kbir iċ-ċans li jibda jaħdem ma' xi ħadd ġdid. "Mal-hosts, il-fatt li jkun hemm xi wieħed mill-klijenti tiegħi jserrħilhom moħħhom, tgħinni ħafna," jgħidilna.

In-Netwerk tal-Co-Hosts disponibbli ġewwa Franza, Spanja, l-Italja, il-Ġermanja, ir-Renju Unit, l-Awstralja, il-Messiku (grazzi għal Airbnb Global Services Limited), il-Kanada, l-Istati Uniti tal-Amerka (grazzi għal Airbnb Living LLC) u l-Brażil (grazzi għal Airbnb Plataforma Digital Ltda).

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.