Għin il-listing ta' host jispikka

Aqsam l-għarfien fuq kif toħloq listing mill-aqwa li ksibt int u tilqa' n-nies. Aħdem mal-host biex toħloq listing ġdid jew tibdel listing li diġà jeżisti.

Il-klijenti ħafna drabi jagħtu kas ħafna tar-ritratti, id-deskrizzjoni u r-reviews tal-klijenti ta' listing huma u jagħżlu jekk jibbukkjawx jew le.* Biex il-listing tiegħek jirnexxi, qis dawn il-fatturi flimkien mal-kumditajiet u l-prezzijiet.

Ir-riċerka li wettaqna mal-utenti wrietna li r-ritratti ta' kwalità huma wieħed mill-iktar fatturi importanti għall-klijenti meta jiġu biex jagħżlu liema listing jibbukkjaw. Jekk host ma jkollux ritratti professjonali meħuda dal-aħħar tal-post tiegħu, fiehmu l-importanza tar-ritratti u ssuġġerilu fotografu jew il-programm tat-teħid tar-ritratti professjonali ta' Airbnb.

Il-hosts għandhom jifhmu li d-deskrizzjoni hija waħda mill-iktar oqsma siewja biex il-listings tagħhom imorru tajjeb. Jimmy, co-host ġewwa Palm Springs, California, jgħid li "d-deskrizzjonijiet ta' kull listing jistgħu jittejbu," u għalhekk dejjem joffri lill-hosts li jiktbilhom id-deskrizzjoni tal-listing.

"Jiena noqgħod fuq il-fatti," jgħid Jimmy. "Jew għandek pixxina tal-ilma mielaħ jew le. Il-komunità hija privata jew le. Hemm ħafna aġġettivi li marbuta ma' x'wieħed iħoss u mhux posthom f'deskrizzjoni preċiża. Allura għandek tagħti biss il-fatti biex dak li jkun jifhem sew x'se jsib."

Il-klijenti ħafna drabi jiffiltraw ir-riżultati li jiksbu biex isibu listings bil-kumditajiet li jixtiequ. Fost l-iktar kumditajiet imfittxija hemm pixxina, wifi, parkeġġ bla ħlas, kċina, hot tub, arja kkundizzjonata, magna tal-ħasil u self checkin.**

Aħseb ftit fuq x'ħadem fil-listings li kont qed tgħin fihom u aqsam l-għarfien tiegħek mal-hosts. Fost dak li tista' tagħmel hemm:

• Tiżgura li l-listing qed isemmi l-kumditajiet kollha li hemm fil-post
• Tgħarraf lill-hosts biż-żieda fil-valur jekk iżid il-kumditajiet bħalma huma l-wifi jew serratura intelliġenti
• Tagħti eżempji ta' kif ħassewhom il-klijenti wara li l-hosts li tgħin żiedu l-kumditajiet mal-listings tagħhom
• Tiċċekkja l-faċilitajiet tas-sigurtà u l-faċilitajiet tal-aċċessibbiltà li hemm fil-post mal-hosts biex tifhem liema faċilitajiet oħra jistgħu jsemmu fil-listings tagħhom

Il-hosts jafu ma jkunux jafu xi prezz jitolbu. Tista' tuża l-għarfien tal-post tiegħek u l-għodod tal-prezzijiet ta' Airbnb biex tgħinhom jifhmu aħjar xi prezz jitolbu. Fost l-istrateġiji li tista' tissuġġerixxi hemm:

• Skont għall-bookings ta' ġimgħa jew għall-bookings ta' xahar
• Tnaqqis jew tneħħija tat-tariffi tat-tindif jew tal-pets
• Bidla fil-prezz ta' kull lejl skont id-domanda taż-żmien tas-sena

Aħdmu flimkien biex issibu sistema addattata għalikom it-tnejn u biex tifhem kemm se jkollok kontroll. Dominic, co-host ġewwa Cornwall, l-Ingilterra, jissuġġerixxi li qatt ma tieqaf tibdel il-prezzijiet ta' kull lejl.

"Jien niċċekkja l-prezzijiet tal-propjetajiet darba fil-ġimgħa jew darba kull ġimagħtejn," jgħidilna. "Jekk il-postijiet ikunu qed jinħatfu malajr, naf li nista' ngħolli l-prezz. Jekk in-nies ikunu qed jiftħu l-listing imma ma jibbukkjawx, probabbli l-prezz għali wisq."

Ħafna klijenti jaqraw ir-reviews huma u jfittxu listing li jgħodd għalihom. Għin lill-hosts jifhmu li meta jwieġbu r-reviews, ikunu qed jaħtfu opportunità biex juru lill-klijenti li jimpurtahom minnhom u li jafu jilqgħu s-suġġerimenti.

Aqblu fuq min se jwieġeb ir-reviews tal-klijenti. Jekk il-host jixtieq iwieġeb ir-reviews hu, tista' taqsam xi tweġibiet kampjun għax-xorta ta' kummenti li l-klijentu jafu jiktbulu.

• Tirringrazzja lill-klijenti: "Grazzi tar-review tiegħek! Napprezzaw ħafna l-fatt li ħadt ftit ħin biex tgħidilna kif kien il-vjaġġ tiegħek." taf tkun biżżejjed.
• Issemmi t-titjib li tagħmel: "Aħfrili li l-magna tal-kafè kienet bil-ħsara. Importanti li kollox ikun jaħdem sew u għalhekk xtrajt magna tal-kafè ġdida".

"Qatt ma nistenna li host ikollu reviews tajbin biss," jgħidilna Andrew, klijent ta' Airbnb u Superhost ġewwa Berlin. "Iktar jolqtuni dawk il-hosts li jieħdu l-kummenti ftit inqas tajbin bis-serjetà."

Tinsiex tibdel id-deskrizzjoni u r-ritratti tal-listing kull darba li int jew il-host tagħmlu xi titjib fl-ispazju.

*Skont riċerka li Airbnb wettqet f'Novembru u Diċembru tal-2023 ma' kważi 7,000 klijent ġewwa l-Awstralja, il-Brażil, il-Kanada, Franza, il-Ġermanja, il-Messiku, il-Korea t'Isfel, Spanja, ir-Renju Unit u l-Istati Uniti tal-Amerka.

*Skont id-dejta interna ta' Airbnb li kejlet kemm ġew imfittxija ta' sikwit il-kumditajiet mill-1 ta' Jannar 2024 sal-1 ta' Ġunju 2024.

In-Netwerk tal-Co-Hosts disponibbli ġewwa Franza, Spanja, l-Italja, il-Ġermanja, ir-Renju Unit, l-Awstralja, il-Messiku (grazzi għal Airbnb Global Services Limited), il-Kanada, l-Istati Uniti tal-Amerka (grazzi għal Airbnb Living LLC) u l-Brażil (grazzi għal Airbnb Plataforma Digital Ltda).

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.