Oħloq profil bħala co-host li jolqot l-għajn

Il-profil tiegħek bħala co-host huwa opportunità biex tħajjar lin-nies jagħżlu li jaħdmu miegħek. In-Netwerk tal-Co-Hosts tuża algoritmu personalizzat biex turik il-profili ta' co-hosts tal-post li jgħoddu għall-ħtiġijiet tal-hosts li jkunu qed ifittxu l-għajnuna.

Biex tibda tintwera fir-riżultati tat-tiftix, imla l-profil tiegħek bħala co-host. L-informazzjoni tal-profil tiegħek se tkun tista' tintstab minn kulħadd.

• Isem: Sakemm ma tagħżilx li turi biss ismek mis-settings tal-profil tiegħek bħala co-host, il-profil tiegħek se juri awtomatikament l-isem u l-kunjom li tuża għall-kont ta' Airbnb tiegħek. Biex jintwera fin-Netwerk tal-Co-Hosts, l-isem li jintwera—kemm jekk hu isem uffiċjali jew isem mixtieq—għandu jkun ismek u mhux l-isem tan-negozju.*
• Daħla tal-profil: Ikteb deskrizzjoni qasira tal-esperjenza tiegħek tilqa' n-nies fejn tgħid għaliex dak li jkun għandu jagħżel li jaħdem miegħek. Ngħidu aħna, "Bdejt nilqa' n-nies f'kamra tas-sodda żejda li kelli. Іllum ngħіn hоѕtѕ оħrа јіkѕbu rеvіеwѕ mіll‐аqwа u jaqilgħu kemm jistgħu mil-listings tagħhom․" Id-daħla tiegħek se tintwera fir-riżultati tat-tiftix u fin-naħa ta' fuq tal-profil tiegħek.
• Servizzi: Agħżel fost 10 kategoriji bħal, ngħidu aħna, it-tħejjija tal-listings u l-messaġġi mal-klijenti, u agħti deskrizzjoni fil-qosor biex tgħid lill-host għaliex għandu jaħdem miegħek. Ngħidu aħna, "Ili naħdem mat-tim tal-indafa tiegħi għal iktar minn ħames snin u, qabel u wara l-ewwel żjara ta' klijent, niċċekkjaw li t-tindif li jkun sar ikun ta' kwalità".
• Prezzijiet: Għarraf lill-hosts kemm titlob għal kull booking biex tgħinhom fil-ħidma ta' kuljum (meħtieġa) u biex tgħinhom iħejju l-listing (mhux meħtieġa).
• Iż-żona fejn tagħti s-servizz tiegħek: Żid il-post fejn tista' tagħti s-servizzi tal-ospitalità int stess, f'raġġ ta' madwar 100 kilometru.
• Iktar dettalji dwarek: Tista' taqsam iktar dettalji dwar l-avventura tiegħek fil-qasam tal-ospitalità bħal, ngħidu aħna, għaliex bdejt tilqa' n-nies u l-iktar sitwazzjoni li kburi/ja biha.

Dil-informazzjoni se tintwera wkoll fuq il-profil tiegħek bħala co-host.

• Numri ewlenin: Il-hosts se jkunu jistgħu jsibu kemm qed tieħu ħsieb listings bħala host jew co-host, kemm-il sena ilek tilqa' n-nies u r-rating ġenerali li ksibt mingħand il-klijenti għal-listings li lqajt in-nies fihom bħala host jew co-host.
• Punti ewlenin: Il-hosts se jkunu jistgħu jsibu l-premjijiet li int jew il-listings li int host jew co-host tagħhom ksibtu fuq Airbnb bħal, ngħidu aħna "Superhost għal 8 snin" jew "Ratings perfetti mingħand il-klijenti li bbukkjaw dal-aħħar".
• Reviews tal-klijenti: Il-hosts se jkunu jistgħu jaqraw ir-reviews għal-listings li int host jew co-host tagħhom u l-iġded reviews se jintwerew l-ewwel. Se jkunu jistgħu jiffiltraw ir-reviews bl-aqwa reviews, l-agħar reviews jew ifittxu b'xi kliem ewlieni.
• Il-listings tiegħek: Il-hosts se jkunu jistgħu jsibu kull listing li qed tgħin bih u kemm ilek host jew co-host ta' kull wieħed minnhom.

Il-profil tiegħek bħala co-host se juża dil-informazzjoni mill-kont ta' Airbnb tiegħek. Ir-ritratt għandu jkun ta' riżoluzzjoni għolja, b'daqs sa 100MB u ma jistax ikun imżelleġ. Ir-ritratt għandu juri wiċċek sew.*

Imxi ma' dal-linji gwida:

• Uża sfond sempliċi u mdawwal bid-dawl naturali.
• Ħu ritratt għat-tul u ħalli ftit spazju għax ir-ritratt se jitqasqas.
• Evita l-istessi, il-flash, id-dawl fuq wara, il-logos u d-disinji.
• Iddaħħalx pets jew nies oħra fir-ritratt.

*Jekk tilqa' n-nies bħala negozju ġewwa ż-Żona Ekonomika Ewropea jew ir-Renju Unit, dil-ħaġa ma tgħoddx għalik.

Sir af iktar dwar l-algoritmu tat-tiftix miċ-Ċentru tal-Għajnuna.

In-Netwerk tal-Co-Hosts disponibbli ġewwa Franza, Spanja, l-Italja, il-Ġermanja, ir-Renju Unit, l-Awstralja, il-Messiku (grazzi għal Airbnb Global Services Limited), il-Kanada, l-Istati Uniti tal-Amerka (grazzi għal Airbnb Living LLC) u l-Brażil (grazzi għal Airbnb Plataforma Digital Ltda).

L-informazzjoni f'dal-artiklu jaf laħqet inbidlet minn meta ġie ppubblikat.