Mur 'il quddiem biex taċċessa r-riżultati suġġeriti
    Dal-kontenut mhux disponibbli bil-lingwa magħżula minnek, għalhekk għamilnieh disponibbli bl-eqreb lingwa disponibbli għalissa.

    Ibda l-avventura tiegħek fuq Airbnb

    Sir af kif tibda tilqa' n-nies, minn kif toħloq il-listing sa kif tħejji l-ispazju tiegħek.
    Minn Airbnb f'did-data: 18 ta’ Diċ, 2019
    Qari ta' 3 minuti
    Aġġornat f'did-data: 2 ta’ Set, 2021

    Punti ewlenin

    • Iċċekkja x'inhuma r-regolamenti dwar il-qsim tad-djar

    • Agħżel il-prezz ta' kull lejl u ħejji l-kalendarju tiegħek

    • Iffoka fuq dak li huwa uniku jew mhux tas-soltu fil-listing tiegħek

    • Organizza l-post tiegħek, qiegħed fih l-affarijiet essenzjali u agħti regoli tad-dar ċari

    Oħloq il-listing tiegħek

    Qis il-listing bħala riklam għall-ispazju tiegħek. Għalkemm għandek tikteb listing b'mod li tħajjar kemm jista' jkun nies jibbukkjawh, importanti li tkun onest u ssemmi jekk hemmx xi affarijiet mhux tas-soltu.

    • Ibda bl-affarijiet bażiċi. Daħħal id-dettalji bħall-post fejn jinsab il-post tiegħek, x'tip ta' propjetà qed toffri u n-numru ta' kmamar tas-sodda u kmamar tal-banju li se jkollhom aċċess għalihom il-klijenti tiegħek.
    • Ħu r-ritratti tal-ispazju. Il-klijenti jħobbu jqallbu r-ritratti huma u jiddeċiedu fejn se joqogħdu. Biex tieħu l-aħjar ritratti, l-ewwel naddaf l-ispazju tiegħek. Ħu ritratti ta' kull żona, billi tuża d-dawl naturali u billi, fejn tista', tieħu r-ritratti għall-wisa'.
    • Iffoka fuq id-dettalji uniċi. Int u tikteb l-isem u d-deskrizzjoni tal-listing tiegħek, qis dak li jagħmel il-post tiegħek tant speċjali bħal pereżempju xi veduta partikolari jew il-pixxina. Barra minn hekk, fid-deskrizzjoni tal-listing semmi dawk l-affarijiet li taħseb li l-klijenti jkunu jixtiequ jkunu jafu dwarhom qabel jibbukkjaw, bħal pereżempju jekk hemm spazju għall-parkeġġ jew turġien x'titla'.

    Organizza l-loġistika

    Il-pass li jmissek tagħmel huwa li tħejji l-loġistika kollha tal-listing tiegħek biex il-proċess tal-ospitalità jimxi mingħajr ebda xkiel.

    Ħejji l-ispazju tiegħek

    Kemm jekk qed tistenna l-ewwel klijent, kif ukoll jekk lill-100 wieħed, dawn huma l-passi li għandek tieħu biex tiżgura li l-ispazju tiegħek ikun lest.

    • Naddaf. Naddaf kull kamra li l-klijenti se jkollhom aċċess għaliha, b'mod partikolari l-kmamar tas-sodda, il-kmamar tal-banju u l-kċina. Iċċekkja li ma jkun hemm l-ebda xagħar, trab, jew moffa fuq l-uċuħ u mal-art u ifrex is-sodod b'lożor nodfa.
    • Aħżen l-oġġetti prezzjużi. Jekk għandek xi ġojjelli, passaporti jew oġġetti prezzjużi oħra nissuġġerulek li taħżinhom f'kamra msakkra, armarju, safe jew faċilità tal-ħażna. Jew tista' tħallihom mal-familja jew mal-ħbieb.
    • Ixtri biżżejjed affarijiet essenzjali. Biex tgħin lill-klijenti jħossuhom id-dar, nissuġġerulek toffri l-kumditajiet bħas-sapun, ix-xampù, it-toilet paper, il-lożor u x-xugamani. Mhux idea ħażina jekk ikollok xi ftit żejda għal li jista' jkun.
    • Agħti d-dettalji taċ-checkin. Lesti ruħek biex tgħin lill-klijenti jagħmlu ċ-checkin jew iċ-checkout jew qabbad lil sħabek jew lil tal-familja biex jgħinuk. Jekk mhu se jkun hemm ħadd biex jgħinhom, dejjem tista' tuża lockbox jew serratura elettronika u tagħti lill-klijenti l-istruzzjonijiet għaċ-checkin fl-app ta' Airbnb.
    • Żid l-aħħar irtokki. Il-klijenti jħobbu d-dettalji maħsuba. L-informazzjoni dwar id-dar bl-istruzzjonijiet u l-pariri tista' tgħin lill-klijenti jifhmu kif jaħdmu l-affarijiet. Għalkemm mhux meħtieġ, xi flixkun inbid jew rigal żgħir ieħor jaf ukoll jgħin biex il-klijenti jħossuhom milqugħa tajjeb.

    Wara li tkun lestejt il-listing u l-ispazju tiegħek, se tkun lest/a biex tibda tilqa' l-klijenti u ddaħħal xi ħaġa tal-flus!

    Punti ewlenin

    • Iċċekkja x'inhuma r-regolamenti dwar il-qsim tad-djar

    • Agħżel il-prezz ta' kull lejl u ħejji l-kalendarju tiegħek

    • Iffoka fuq dak li huwa uniku jew mhux tas-soltu fil-listing tiegħek

    • Organizza l-post tiegħek, qiegħed fih l-affarijiet essenzjali u agħti regoli tad-dar ċari

    Airbnb
    18 ta’ Diċ, 2019
    Dan kien ta' għajnuna għalik?