Mur 'il quddiem biex taċċessa r-riżultati suġġeriti

    Ħarsa ġenerali lejn kif tilqa' n-nies fuq Airbnb

    Hawnhekk se ssib kif tibda ddaħħal il-flus bħala Host.
    Minn Airbnb f'did-data: 20 ta’ Nov 2019
    3 minuti biex taqrah
    Aġġornat f'did-data: 21 ta’ Nov 2022

    Punti ewlenin

    • Ikteb deskrizzjoni ġenwina tal-ispazju tiegħek

    • Agħżel il-prezz ta' kull lejl li tixtieq titlob u kif tixtieq titħallas

    Il-Hosts jibdew jilqgħu n-nies fuq Airbnb għal ħafna raġunijiet fosthom għax ikunu jridu jdaħħlu l-flus u għax ikunu jixtiequ jiltaqgħu ma' nies differenti minn madwar id-dinja.

    "Għal tliet snin kont kapaċi nistudja dwar it-tessuti fil-Kulleġġ ta' Morley," tgħid Tessa, Host ġewwa Londra. "Stajt nivvjaġġa u l-fatt li nilqa' n-nies għeni biex inħallas kċina ġdida."

    Huma x'inhuma l-għanijiet tiegħek, tista' tilħaqhom billi tilqa' n-nies fuq Airbnb. Hawnhekk għandek kif tibda.

    X'teħtieġ biex tilqa' n-nies

    Tista' ttella' kull tip ta' spazju li għandek disponibbli—minn dar sħiħa sa kamra żejda jew sufan sodda komdu. L-importanti hu li toħloq listing ġenwin biex il-klijenti jkunu jafu eżatt x'għandhom jistennew li jsibu.

    Għandek toffri wkoll ospitalità mill-aqwa lil kull klijent. Dan ifisser li:

    • Tikkomunika b'mod ċar u fil-pront
    • Toffri spazju sigur u nadif
    • Toffri l-kumditajiet bażiċi kollha meħtieġa għal żjara komda
    • Toffri ħwejjeġ oħra biex tagħmel l-ispazju tiegħek wieħed speċjali

    Kif toħloq il-listing tiegħek

    Il-paġna tal-listing tiegħek hija l-opportunità biex tħajjar lill-klijenti jibbukkjaw il-post tiegħek. Int u toħloq il-listing tiegħek, semmi dak li jagħmel l-ispazju tiegħek uniku u fiehem lill-klijenti x'għandhom jistennew li sewwasew isibu.

    Biex tibda jeħtieġ li jkollok mill-inqas ħames ritratti. Nissuġġerulek li żżid ritratti ta' kull kamra meħuda minn irkejjen differenti biex tagħti dawra mal-ispazju virtwali lill-klijenti tiegħek. Oqgħod attent/a l-iktar għall-ewwel ritratt li ttella' għax se jkun l-ewwel ħaġa li jintwera lill-klijenti fir-riżultati tat-tiftix.

    Fl-isem u d-deskrizzjoni tal-listing ipprova semmi dak li klijenti għandhom ikunu jafu dwar l-ispazju tiegħek. Pereżempju, Host partikolari li għandu spazju komdu ħdejn il-baħar juża, "Post tal-vaganzi qrib il-baħar" bħala isem għal-listing tiegħu. Ara li ssemmi l-kumditajiet kollha li toffri kif ukoll dettalji siewja oħra bħal jekk il-post tiegħek għandux turġien jew daħla mingħajr ħġur.

    U l-aħħar ħaġa—qis in-numru ta' kmamar u sodod li hemm fil-post biex tasal għal kemm jistgħu joqogħdu klijenti komdi fl-ispazju tiegħek. Imbagħad għidilna kemm jiflaħ klijenti l-post tiegħek skont in-numru li tkun wasalt għalih.

    Kif tagħżel il-prezz li tixtieq titlob

    Il-prezz li titlob għal kull lejl huwa biss f'idejk. Tista' titlob prezzijiet differenti għal tmiem il-ġimgħa, għal żjarat itwal, skont iż-żmien tas-sena jew skont raġunijiet oħra li jagħmlu sens għall-każ tiegħek.

    Int u tqis kemm għandek titlob flus, nissuġġerulek iżżomm f'moħħok il-prezzijiet tal-ispazji li jixbhu lil tiegħek fiż-żona tiegħek. Żomm f'moħħok li mal-prezz ta' kull lejl tiegħek, il-klijenti se jħallsu tariffi u taxxi oħra.

    Mix-xahar id-dieħel il-klijenti se jkollhom l-għażla li fir-riżultati tat-tiftix jintwerew minnufih il-prezz totali li se jkunu qed iħallsu, bit-tariffi kollha imma qabel it-taxxi. Fil-pajjiżi u r-reġjuni fejn skont il-liġijiet tal-post il-prezzijiet totali għandhom jintwerew dejjem, il-prezz li jintwera dejjem se jkun is-somma tal-prezz ta' kull lejl tiegħek, it-tariffi u t-taxxi.

    Tista' tipprova wkoll l-għodda tal-Prezzijiet Intelliġenti tagħna li tibdel il-prezzijiet ta' kull lejl tiegħek awtomatikament skont id-domanda fiż-żona.

    Airbnb tiġbor il-flus mingħand il-klijenti qabel iċ-checkin biex b'hekk qatt ma jkollok għalfejn titlob il-flus int jew tinkwieta li mhux se jħallsuk. Il-biċċa l-kbira tal-Hosts iħallsu tariffa tas-servizz fissa ta' 3% tas-somma ta' kull booking tagħhom.

    Kif u meta se titħallas

    Se nibagħtulek il-flus li ddaħħal meta tilqa' n-nies madwar 24 siegħa wara li l-klijent tiegħek ikun mistenni jagħmel iċ-checkin. Id-data eżatta ta' meta jaslu l-flus fil-kont tiegħek tiddependi fuq il-metodu tal-ħlas li għażilt.

    Il-metodi tal-ħlas disponibbli—fost oħrajn it-trasferimenti bankarji, PayPal, Western Union u Ħlas Malajr—jiddependu mill-post fejn tinsab. Tista' tagħżel il-metodu tal-ħlas tiegħek issa u tibdlu meta trid.

    L-informazzjoni li tinsab f'dal-artiklu jaf laħqet inbidlet minn meta ġie ppubblikat.

    Punti ewlenin

    • Ikteb deskrizzjoni ġenwina tal-ispazju tiegħek

    • Agħżel il-prezz ta' kull lejl li tixtieq titlob u kif tixtieq titħallas

    Airbnb
    20 ta’ Nov 2019
    Dan kien ta' għajnuna għalik?